Exodo 26:30 - Ti Baro a Naimbag a Damag Biblia

³⁰ Bangonem ti Tolda ti Dios a kas mayannurot iti plano a naipakita kenka iti bantay.

Ti Biblia (1973)

³⁰ Ket bangonemto ti tabernaculo a cas iti caasping daydi naipakita kenca iti bantay.

Exodo 26:30 Iomraidhean Croise

1 Cronicas 28:19

Kinuna ni Ari David, “Nailanad amin dagitoy iti plano a naisurat kas mayannurot iti bilin nga inted ti Apo kaniak nga ipatungpalko.”

Exodo 25:40

Kitaem ta aramidem dagitoy a kas mayannurot iti plano a naipakita kenka idiay bantay.

Exodo 25:9

Aramidenyo ti tabernakulo ken ti amin nga alikamenna kas mayannurot iti plano nga ipakitak kenka.

Exodo 26:29

Kalupkopam dagiti bastidor iti balitok ket kaptam iti balitok nga argolia a mangtengngel kadagiti balunet a nakalupkopan met iti balitok.

Exodo 27:8

Tabla ti aramidem nga altar ket awan nagyan iti unegna, kas mayannurot iti plano nga impakitak kenka iti bantay.

Exodo 40:2

“Iti umuna nga aldaw ti umuna a bulan, bangonemto ti Tolda ti Dios.

Numero 10:21

Kalpasanna, agrubbuat dagiti Levita a nagtaud iti kapuonan ni Coat. Awitda dagiti nasagradoan nga alikamen. Sakbay a dumtengda iti sumaruno a pagkampoan, nabangon manen ti tolda.

Numero 8:4

Naaramid ti kandelero iti napitpit a balitok, manipud puon agingga kadagiti ungkayna, kas mayannurot iti pagtuladan nga impakita ni Yahweh ken ni Moises.

Dagiti Aramid 7:44

“Aw-awiten dagidi kapuonantayo ti Tolda ti Tulag idi addada idiay let-ang. Imbilin ti Dios ken ni Moises nga aramidenna ti tolda, kas mayannurot iti ladawan a nakita ni Moises.

Hebreo 8:2

Agserserbi kas kangatoan a padi iti Kasasantoan a Disso, kayatna a sawen, ti napudpudno a tabernakulo a binangon ti Apo, saan a ti tao.

Hebreo 8:5

Ti trabahoda kas padi ket umasping ngem anniniwan laeng ti adda sadi langit. Kasta met idi ken ni Moises. Idi rugianna a bangonen ti tabernakulo, imbilin ti Dios kenkuana, “Kitaem a naimbag a maaramid amin a kas iti naipakita kenka idiay bantay.”

Hebreo 9:23

Masapul a maugasan kadagitoy a seremonia dagiti bambanag a naadaw kadagiti nailangitan a pagtuladan. Ngem dagiti bambanag a nailangitan, masapulda dagiti nasaysayaat a daton.

Josue 18:1

Kalpasan ti panangparmekda iti daga, naguummong ti entero nga Israel idiay Silo ket impasdekda sadiay ti Tolda ti Dios.