Exodo 24:8 - Ti Baro a Naimbag a Damag Biblia

⁸ Innala ni Moises ti dara nga adda kadagiti palanggana ket winarisanna dagiti tattao. Kinunana, “Daytoy ti dara a mangpatalged iti pannakitulag ti Apo kadakayo idi intedna amin dagitoy a bilin.”

Ti Biblia (1973)

⁸ Ket ni Moises innalana di dara, ket inwarisna cadagiti tattao, ket kinunana, Adtoy ti dara ti tulag nga inaramid ni Jehova cadacayo maipanggep cadagitoy amin a sasao.

Exodo 24:8 Iomraidhean Croise

1 Ar-ari 8:21

Nangitudingak met iti maysa a lugar iti uneg ti Templo a pakaikabilan ti Lakasa ti Tulag a nakaidulinan dagiti tapi ti bato a nakailanadan ti katulagan ti Apo kadagidi kapuonantayo idi inruarna ida idiay Egipto.”

1 Ar-ari 8:9

Awan karga ti Lakasa ti Tulag malaksid dagiti dua a tapi ti bato nga inkabil ni Moises idiay Bantay Sinai, ti bantay a nakitulagan ni Yahweh kadagiti Israelita idi rummuarda idiay Egipto.

Dagiti Salmo 78:36

Ngem pasig nga ulbod ti sasawenda, saan a naimpusoan amin nga ibagbagada.

Exodo 24:6

Inkabil ni Moises kadagiti palanggana ti kagudua ti dara dagiti napapatay nga animal ket insuyatna iti altar ti nabati.

Isaias 52:15

Ngem ita, adunto a nasion ti masdaaw kenkuana, ket saanto a makasao dagiti ari gapu iti siddaawda. Makita ken maawatandanto ti pulos a dida pay naammoan.”

Jeremias 31:32

Saanto a kas iti pannakitulagko kadagidi kapuonanda idi iruarko ida idiay Egipto. Uray no arigko iti maysa nga asawa kadakuada, sinalungasingda ti katulaganmi.

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Levitico 8:30

Nangala ni Moises iti lana a pagkonsagrar ken iti dara nga adda iti altar ket winarsianna ni Aaron ken dagiti annakna ken dagiti pagan-anayda. Kastoy ti panangikonsagrarna kadakuada ken kadagiti arruatenda ken ni Yahweh.

Haggeo 2:5

Idi rummuarkayo idiay Egipto, inkarik a dikay baybay-an. Addaak pay laeng kadakayo, isut' gapuna a dikay agbuteng.

Zacarias 9:11

Kuna ti Apo, “Gapu iti nagtulagantayo a napasingkedan iti dara dagiti sakrifisio, wayawayaakto dagiti tattaoyo iti awan danumna nga abut a nakaipananyo a kas balud.

San Mateo 26:28

daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol.

San Marcos 14:24

Kinunana kadakuada: “Daytoy ti darak a mamatalged iti tulag ti Dios, ti darak a maiparukpok nga agpaay iti adu a tattao.

San Lucas 22:20

Kasta met a kalpasan ti panangrabii, intedna kadakuada ti kopa ket kinunana, “Daytoy ti kopa ti baro a pannakitulag ti Dios kadakayo a mapatalgedan iti darak a maibuyat para kadakayo.

1 Taga-Corinto 11:25

Kasta met a kalpasan ti pangrabii, innala ni Jesus ti kopa ket kinunana, “Daytoy ti kopa ti baro a tulag a napatalgedan babaen iti darak. Tunggal uminumkayo iti daytoy, aramidenyo a panglagip kaniak.”

Taga-Efeso 1:7

Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios

Deuteronomio 5:2

Nakitulag kadatayo ti Apo a Diostayo idi addatay idiay Bantay Sinai.

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

Josue 24:25

Iti kasta, iti dayta nga aldaw idiay Sikem, nangaramid ni Josue iti katulagan nga agpaay kadagiti tattao. Inikkanna ida kadagiti paglintegan ken pagannurotan.