Exodo 24:12 - Ti Baro a Naimbag a Damag Biblia

¹² Kinuna ni Yahweh ken ni Moises, “Sumang-atka iti bantay ket umayka iti ayanko. Agyanka ditoy ket itedkonto kenka dagiti dua a tapi a bato a nakailanadan dagiti linteg ken bilin nga insuratko nga annuroten dagiti tattao.”

Ti Biblia (1973)

¹² Ket ni Jehova kinunana ken Moises, Dumanonca caniac iti bantay, ket agyanca idiay: ket itdecto kenca dagiti taptapi a bato, ken ti linteg ken ti bilin, a sinuratac, tapno isuda ti isurom.

Exodo 24:12 Iomraidhean Croise

1 Ar-ari 19:11

“Rummuarka ket agtakderka iti sangoanak iti tapaw ti bantay,” kinuna ni Yahweh kenkuana. Limmabas ni Yahweh ket nangyeg iti napigsa nga angin a namagrenggat kadagiti turod ken nangburburak kadagiti batbato—ngem awan ni Yahweh iti angin. Nagsardeng ti angin ket nagginggined—ngem awan ni Yahweh iti ginggined.

ESDRAS 7:10

Bayat ti panagbiagna, inggaed ni Ezra nga inadal ken tinungpal dagiti linteg ken alagaden nga ipaannurot ni Yahweh kadagiti Israelita ket insurona dagitoy kadakuada.

Nehemias 9:13

Manipud langit, bimmabaka, napanka idiay Bantay Sinai ket sadiay nakisaoka kadagiti tattaom. Inikkam ida kadagiti naimbag a linteg ken nasayaat a pannursuro.

Nehemias 9:14

Imbagam a ngilinenda ti Aldaw a Panaginana. Intedmo kadakuada dagiti lintegmo babaen ken ni adipenmo a Moises.

Dagiti Salmo 19:12

Saan a madlaw ti tao ti bukodna a biddut; isalakannak ngarud kadagiti diak makita a babakko.

Exodo 19:3

simmang-at ni Moises iti bantay tapno makiuman iti Dios. Inawagan ni Yahweh ni Moises manipud iti bantay ket imbagana kenkuana ti sawenna kadagiti Israelita a kaputotan ni Jacob:

Exodo 24:15

Simmang-at ni Moises ket adda ulep a nangkumot iti Bantay Sinai.

Exodo 24:18

Simrek ni Moises iti ulep iti isasang-atna iti bantay. Nagyan idiay iti las-ud ti 40 nga aldaw ken rabii.

Exodo 24:2

Sikanto laeng ti umasideg. Dinto umasideg dagiti kakadduam. Ket saan met a mapalubosan dagiti tattao a sumang-at iti bantay.”

Exodo 31:18

Idi nalpasen ti pannakisao ni Yahweh ken ni Moises iti Bantay Sinai, intedna kenkuana dagiti dua a tapi a bato a nangisuratan a mismo ti Dios kadagiti bilbilin.

Exodo 32:1

Nabayag ni Moises iti bantay. Gapu ta di met la sumalogen, napan dagiti tattao ken ni Aaron ket kinunada kenkuana, “Saanmi nga ammo ti napasamak iti dayta a Moises a nangiruar kadakami idiay Egipto. Yaramidannakami ngarud iti dios a mangidalan kadakami.”

Exodo 34:1

Kinuna ni Yahweh ken ni Moises, “Mangaramidka iti dua a tapi ti bato a kas kadagidi immuna ket isuratkonto kadagitoy dagiti naisurat kadagidi tapi a binurakmo.

Jeremias 31:33

Inton dumteng dayta a tiempo, kastoyto ti pagtutulaganmi kadagiti Israelita: Ikabilkonto ti lintegko iti panunotda ket isuratkonto iti pusoda. Siakto ti Diosda ket isudanto dagiti tattaok.

San Mateo 5:19

Isut' gapuna a ti mangsalungasing iti kabassitan kadagiti bilbilin ken mangisungsong kadagiti dadduma nga agsalungasing met, isunto ti kanumoan iti Pagarian ti Langit. Ngem ti siasinoman nga agtungpal iti Linteg ken mangisuro pay kadagiti sabali tapno agtungpalda met, isunto ti natan-ok iti Pagarian ti Langit.

2 Taga-Corinto 3:3

Nalawag a ni Cristo ti nangisurat iti daytoy ket pinaitulodna kadakami. Naisurat daytoy, saan nga iti tinta no di ket iti Espiritu ti sibibiag a Dios ket saan a kadagiti tapi a bato no di ket iti puso ti tao.

2 Taga-Corinto 3:7

Naikitikit ti Linteg kadagiti tapi a bato, ket idi maited, nagparang ti dayag ti Dios. Nupay agpukpukaw idi ti raniag iti rupa ni Moises, nagpaiduma latta ti raniagna ket saan a maiperreng dagiti Israelita ti matada kenkuana. No ti Linteg a pannakatay ti ibunga ti pannakaipatungpalna ket dimteng a nabuyogan iti kasta a kinadayag,

Deuteronomio 4:14

Imbaga met kaniak ti Apo nga isurok kadakayo dagiti amin nga annuroten ken linteg a masapul a tungpalenyo iti daga a dandaniyon rauten ken sakupen.”

Deuteronomio 5:22

“Dagitoy dagiti bilin nga inted ti Apo kadakayo idi naummongkayo idiay bantay. Nagsao iti napigsa a timek manipud iti apuy ken iti napuskol nga ulep ket awanen sabali nga imbagana. Kalpasanna, insuratna dagiti bilin iti dua a tapi a bato sana inted kaniak.”

Deuteronomio 5:31

Ngem agbatika ditoy ket itedko kenka ti amin a linteg ken bilinko. Isurom dagitoy kadagiti tattao tapno tungpalenda ida iti daga nga itedko kadakuada.’

Hebreo 9:4

Ditoy ti ayan ti balitok nga altar a pagpuoran iti insenso ken ti lakasa ti tulag a nakalupkopan iti balitok. Ti lakasa ti nakaikabilan ti balitok a banga a nakaikargaan ti mana, ti nagsaringit a sarukod ni Aaron ken dagiti dua a tapi ti bato a nakaisuratan dagiti bilin.