Exodo 23:3 - Ti Baro a Naimbag a Damag Biblia

³ Ngem diyo ipakita nga ayonanyo ti napanglaw bayat ti pannakaidarumna.

Ti Biblia (1973)

³ Dica met canunongan ti napanglaw a tao iti ringgorna.

Exodo 23:3 Iomraidhean Croise

Exodo 23:6

“No maisaklang ti napanglaw, diyo ipaidam ti hustisia kenkuana.

Dagiti Proverbio 18:5

Saan a rumbeng nga ayonan ti nakabasol gapu ta no kasta ti maaramid, saanen a maited ti hustisia kadagiti awan basolna.

Dagiti Proverbio 22:22

Dimo gundawayan dagiti napanglaw gapu laeng ta kabaelam nga aramiden; dimo gundawayan dagiti awan gawayna a naidarum iti pangukoman.

Isaias 10:1

Asikayo pay, dakayo nga agaramid iti linteg a mangparigat kadagiti tattaok.

Levitico 19:15

“Diyo ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang.

Amos 5:12

Ammok a nakaam-amak dagiti basolyo. Ammok met nga adu dagiti dakes nga inaramidyo. Idadanesyo ti naimbag a tao, agawatkayo iti pasuksok ket ikkatenyo ti kalintegan dagiti napanglaw a mangtunton iti kalinteganda iti pangukoman.

Deuteronomio 1:17

Dikay mangidumduma kadagiti pangngeddengyo. Pagpapadaenyo ti pagbatayanyo iti panangukomyo uray siasino ti maseknan. Dikay agbuteng iti siasinoman ta agtaud iti Dios dagiti pangngeddengyo. No adda kaso a narigatyo a risuten, yegyo kaniak.’

Deuteronomio 16:19

Masapul a dida ballikugen ti linteg ken awan ti kanunonganda iti panangukomda. Dida agawat iti pasuksok ta ti pasuksok bulsekenna uray masirib ken mapagtalkan a tao ket daytoy ti pakaigapuan ti panangikeddengda iti saan nga umisu a sentensia.

Santiago 3:17

Ngem, umuna unay, nasin-aw ken awan mulitna ti kinasirib nga aggapu iti ngato. Natalna, naalumamay ken mannakigayyem. Mannakipagrikna ket agbunga iti nasayaat nga aramid. Di mangidumduma ken di aginkukuna.