Exodo 23:26 - Ti Baro a Naimbag a Damag Biblia

²⁶ Iti dagayo, awanto ti babai a maalisan ket awanto met ti lupes. Ikkankayto iti atiddog a biag.

Ti Biblia (1973)

²⁶ Awanto ti maalisan a babai wenno lupes iti dagam: ti bilang dagiti aldawmo tungpalecto.

Exodo 23:26 Iomraidhean Croise

Genesis 35:29

Lakay unayen idi matay. Da Esau ken Jacob nga annakna ti nangitanem kenkuana.

1 Cronicas 23:1

Idi lakay unayen ni David, insaadna ni Solomon nga agari iti Israel.

Ti Libro ni Job 21:10

Agdakep dagiti bakada, ket nalaka ti panaganak dagiti kabaianda!

Ti Libro ni Job 42:17

Lakay unayen idi matay.

Ti Libro ni Job 5:26

Atiddogto ti panagbiagmo; napigsakanto pay laeng inton matayka kas trigo a nadanonan ti pannakaapitna.

Dagiti Salmo 107:38

Binendisionanna ida ket adu nga annak ti naiparabur kadakuada; dina impalubos a bumassit ti bilang dagiti bakada.

Dagiti Salmo 144:13

Mapno koma dagiti kamaligmi iti amin a kita ti maapitmi. Dagiti karneromi kadagiti pagpastoran, aganakda koma iti inar-arban.

Dagiti Salmo 55:23

Ngem sika, O Dios, igarangugungmonto iti abut dagita a mammapatay ken ulbod sakbay a madanonda ti kagudua ti panagbiagda; ngem no siak, agtalekak latta kenka.

Dagiti Salmo 90:10

Pitopulo la a tawen ti panagbiagmi, wenno walopulo, no nasalun-atkami. Nupay kasta, tuok ken ladingit ti yegda; agpatingga ti biag ket awankamton.

Isaias 65:20

Awanton ti matay a maladaga. Madanonto ti tunggal maysa ti naikeddeng a panagbiagna. Maibilang nga ubing pay ti tao a makadanon iti sangagasut a tawen. No adda matay sakbay ti naikeddeng a kaatiddog ti biagna, maipakita a dinusak.

Oseas 9:14

Ania, O Apo, ti dawatek nga aramidem kadagitoy a tattao? Pagbalinem nga alis ti sikogda! Saanmo a pagtubbogen dagiti susoda tapno dida matagibi dagiti maladagada!

Deuteronomio 28:4

“Paraburannakayto ti Apo iti adu nga annak, nawadwad nga apit ken adu a baka ken karnero.

Deuteronomio 4:40

Tungpalenyo dagiti bilinna nga intedko kadakayo ita nga aldaw tapno kanayon a narang-aykayo agraman dagiti kaputotanyo ken kukuayonto nga agnanayon ti daga nga ited kadakayo ti Apo a Diosyo.”

Deuteronomio 7:14

Awanto ti sabali a pagilian ditoy a lubong nga ad-adu ti paraburna ngem dakayo. Awanto ti lupes kadakayo, uray dagiti animalyo.