Exodo 23:25 - Ti Baro a Naimbag a Damag Biblia

²⁵ No agdaydayawkayo kaniak, ni Yahweh a Diosyo, ikkankayo iti makan ken danum ken ilisikayo kadagiti amin a kita ti sakit.

Ti Biblia (1973)

²⁵ Ket agservicayto ken Jehova a Diosyo, ket isu bendicionannanto ti taraonmo ken ti danummo; ket siac iccatecto ti sakit iti tengngam.

Exodo 23:25 Iomraidhean Croise

Dagiti Salmo 103:3

Pakawanenna ti amin a basolko, paimbagenna ti amin a sakitko.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Eclesiastes 5:20

Gapu ta impalubos ti Dios nga agragsak ti tao, saanna a pakadanagan ti kaababa ti panagbiagna.

Isaias 33:16

Agballigikanto no aramidem dagitoy, ket natalgedkanto a kas iti adda iti uneg ti natibker a sarikedked. Addanto taraon a kanem ken danum nga inumem.

Isaias 33:24

Awanto ti uray maysa nga agnaed iti dagatayo nga agagal iti sakit, ket mapakawanto dagiti amin a basbasol.

Jeremias 8:2

Maiwaranto dagiti tultulang iti imatang ti init, ti bulan ken dagiti bituen nga inay-ayat ken nagserserbianda. Isuda ti nakiumanan ken nagdaydayawanda. Imbes a maummong ken maikali dagiti tulang, kasladanto takki a maiwarwara.

Daniel 1:15

Kalpasan ti 10 nga aldaw, nakitana a nasalsalun-at ken naluklukmegda ngem dagiti agtutubo a nangan iti nabaknang a taraon ti ari.

Levitico 11:44

Siak ni Yahweh a Diosyo; pagtalinaedenyo dagiti bagiyo a nasantoan gapu ta nasantoanak.

Levitico 26:3

“No annurotenyo dagiti lintegko ken tungpalenyo dagiti bilinko,

Malakias 3:10

Yegyo ti amin nga apagkapullo iti Templo tapno adu ti taraon sadiay. Padasendak ket ilukatkonto dagiti pagidulinan ti gameng sadi langit ket ibuyatkonto kadakayo ti nawadwad a bendision.

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

Deuteronomio 10:12

“Ita, tattao ti Israel, denggenyo no ania ti ipaaramid kadakayo ti Apo a Diosyo. Agbutengkayo iti Apo ken aramidenyo amin a bilinna. Ayatenyo, agserbikayo kenkuana iti amin a pusoyo,

Deuteronomio 10:20

Agbutengkayo iti Apo a Diosyo ket isu laeng ti pagdaydayawanyo. Agtalinaedkayo a napudno kenkuana ket agkarikayo iti naganna.

Deuteronomio 13:4

Tungpalenyo ti Apo ket agbutengkayo kenkuana. Agtulnogkayo kenkuana ket salimetmetanyo dagiti bilinna; agdaydayaw ken agtalinaedkayo a napudno kenkuana.

Deuteronomio 6:13

Agbutengkayo iti Apo a Diosyo! Agdaydayawkayo kenkuana ket ti laeng naganna ti aramatenyo no agkarikayo.

Deuteronomio 7:13

Ayaten, bendisionan ken paaduennakayto; paraburannakayto iti nawadwad nga apit, arak ken lana ti olibo. Ket bendisionannakayto babaen iti pannangtedna kadakayo iti adu a baka ken karnero. Ipaaynanto kadakayo amin dagitoy a parabur iti daga nga inkarina kadagidi kapuonanyo.

Deuteronomio 7:15

Ilisinakayto ti Apo iti amin a sakit. Dinanto yeg kadakayo ti uray ania kadagiti nakabutbuteng a sakit a kas iti linak-amyo idiay Egipto ngem idissuornanto ida amin kadagiti kabusoryo.

Josue 22:5

Ikagumaanyo a tungpalen ti bilin ken ti linteg nga inted kadakayo ni Moises nga adipen ti Apo: ayatenyo ti Apo a Diosyo, aramidenyo ti pagayatanna, agtungpalkayo kadagiti bilinna, agtalinaedkayo a napudno kenkuana ken agserbikayo kenkuana iti amin a puso ken kararuayo.”

Josue 24:21

“Saan! Agserbikami iti Apo,” kinuna dagiti tattao.

Josue 24:24

“Agserbikam iti Apo a Diostayo, ket tungpalenmi dagiti bilinna,” insungbatda.

1 Samuel 12:20

“Dikay agbuteng,” insungbat ni Samuel. “Uray nakaaramidkayo iti kasta a kinadakes, diyo tallikudan ti Apo ngem agserbikayo ketdi kenkuana iti amin a pusoyo.

1 Samuel 12:24

Agbutengkayo iti Apo ket agserbikayo a sipupudno kenkuana iti amin a pusoyo. Lagipenyo dagiti naindaklan a banag nga impaayna kadakayo.

1 Samuel 7:3

Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”