Exodo 23:21 - Ti Baro a Naimbag a Damag Biblia

²¹ Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Ti Biblia (1973)

²¹ Agannadcayo iti sangona, ket ipangagyo ti timecna; dicayo pagpungtoten; ta dinanto pacawanen ti salungasingyo: ta ti naganco adda kencuana.

Exodo 23:21 Iomraidhean Croise

Dagiti Salmo 2:12

agrukbab kenkuana amangan no sumged lattan ti pungtotna ket pukawennakayo. Nagasat dagiti amin nga agkamang kenkuana.

Dagiti Salmo 72:19

Idaydayawyo iti agnanayon ti nagloriaan a naganna; ket mapno koma ti sangalubongan iti dayagna! Amen! Amen!

Dagiti Salmo 78:40

Namin-adu a nagsukirda iti Dios idiay let-ang! Masansan met a pagladingitenda.

Dagiti Salmo 78:56

Ngem ti Mannakabalin-amin a Dios, sinukirda; saanda a tinungpal dagiti bilbilinna.

Dagiti Salmo 83:18

Maammoanda koma a siksika laeng ti Apo, Yahweh ti naganmo, ti Kangatoan iti entero a daga.

Exodo 3:14

Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

Exodo 32:34

Dumtengto ti aldaw a dusaek dagitoy a tattao gapu iti basolda. Inkan ket ipanguloam ida a mapan iti lugar nga imbagak kenka. Laglagipem nga idalannakanto ti anghelko.”

Exodo 6:3

Nagparangak a kas Dios a Mannakabalin-amin kada Abraham, Isaac ken Jacob, ngem diak impakaammo kadakuada ti nasantoan a naganko a Yahweh.

Isaias 42:8

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Isaias 45:6

Aramidek daytoy tapno maammoan amin a tattao iti amin a suli ti lubong a siak ni Yahweh, ken awan ti sabali a Dios.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Isaias 9:5

Mapuoranto dagiti amin a botas ken dagiti daradara a pagan-anay dagiti soldado a rimmaut.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Jeremias 23:6

Bayat ti panagturayna, natalgedto dagiti tattao ti Juda ket awanto ti pagpeggadan dagiti Israelita. Panaganandanto dayta nga ari iti ‘Ti Apo a Nangisalakan Kadatayo.’

Jeremias 5:7

Sinaludsod ti Apo, “Apay koma a pakawanek dagiti basol dagiti tattaok? Tinallikudandak ket nagdaydayawda kadagiti didiosen. Uray no intedko amin a masapulda, nakikamalalada latta ket dagiti balangkantis ti kinadendennada.

Malakias 3:1

Kastoy ti sungbat ti Apo a Mannakabalin-amin, “Ibaonkonto ti babaonek a mangisagana iti dalanko. Ket kellaatto nga umay ni Yahweh a sapsapulenyo iti Templona. Umayto ti babaonen a segseggaanyo ket ipakaammonanto ti tulagko.”

Numero 14:11

Kinuna ni Yahweh ken ni Moises, “Kasano pay kabayag ti panangumsi kaniak dagitoy a tattao? Kasano pay kabayag ti dida panagtalek kaniak idinto a nagipakitaak kadakuada kadagiti adu a milagro?

Numero 14:35

Isapatak nga aramidek daytoy kadakayo a managdakdakes a tattao, dakayo a naguummong a bumusor kaniak. Mataykayto amin ditoy let-ang. Siak, ni Yahweh, ti nagsao.’”

San Mateo 1:23

“Agsikogto ti birhen a balasang. Ipasngaynanto ti maysa a lalaki, ket mapanagananto iti Immanuel a kayatna a sawen, ‘Adda kadatayo ti Dios.’”

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Juan 10:30

Siak ken ti Ama, maymaysakami.”

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.

Deuteronomio 18:19

Agsaonto iti naganko, ket dusaek ti siasinoman a di agtulnog kenkuana.

Deuteronomio 9:7

“Diyo liplipatan a pinagpungtotyo ti Apo a Diosyo idiay let-ang. Manipud pimmanawkayo idiay Egipto agingga iti isasangpetyo ditoy, sinuksukiryon ti Apo.

Taga-Colosas 2:9

Ngamin, agtaeng ken Cristo a kas tao ti amin a galad ti Dios,

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!

Hebreo 3:16

Siasino dagiti nakangngeg iti timek ti Dios ken bimmusor kenkuana? Isuda amin nga impanaw ni Moises idiay Egipto.

Josue 24:19

Kinuna ni Josue kadagiti tattao, “Ngem diyo mabalin ti agserbi iti Apo ta nasantoan a Dios ket dina ipalubos nga adda kasalisalna. Dinanto pakawanen dagiti basol ken salungasingyo.

1 Juan 5:16

No makita ti siasinoman kadakayo ti kabsatna nga agbasol iti saan nga agtungpal iti patay, masapul nga ikararaganna iti Dios a mangted kenkuana iti biag. Agpaay daytoy kadagiti dadduma pay a nagbasol iti saan nga agtungpal iti patay. Basol ti amin a kita ti kinadakes. Ngem adda basol nga agtungpal iti patay, ket adda met basol a di agtungpal iti patay.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Uk-ukom 13:18

“Apay a kayatmo a maammoan?” sinaludsod ti anghel. “Maysa a pagsidsiddaawan ti naganko.”