Exodo 23:2 - Ti Baro a Naimbag a Damag Biblia

² Diyo suroten ti kaaduan no agaramidda iti dakes wenno agulbodda tapno dadaelenda ti hustisia.

Ti Biblia (1973)

² Dica sumurot iti adu nga agaramid iti dakes; dica met agpalawag iti maysa a panggep a sumiasica a sumurot iti adu a manglabsing iti kinalinteg:

Exodo 23:2 Iomraidhean Croise

Genesis 19:4

Idi maturog dagiti bisita, linawlaw dagiti taga-Sodoma ti balay. Adda sadiay dagiti amin a lallaki iti siudad, agtutubo ken lallakay.

Genesis 6:12

Nakita ti Dios a dakes ti kasasaad ti lubong ken dakes met ti panagbiag dagiti tattao.

Genesis 7:1

Kinuna ni Yahweh ken ni Noe, “Sumrekkayo a sangafamiliaan iti daong. Nasarakak a sika laeng ti nalinteg ditoy lubong.

1 Ar-ari 19:10

Insungbat ni Elias, “O Apo a Dios a Mannakabalin-amin, kanayon a siksika laeng ti pagserserbiak. Ngem winaswas dagiti Israelita ti katulaganda kenka, rinebbada dagiti altarmo ken pinapatayda dagiti amin a profetam. Sisiakon ti nabati—ket kayatdak pay a patayen!”

Ti Libro ni Job 31:34

Diak nagbuteng uray ania ti kuna dagiti tattao; diak nagulimek wenno nagyan iti balayko gapu iti butengko iti pananglaisda.

Dagiti Salmo 72:2

tapno napudno ti panangiturayna kadagiti tattaom, ket uray dagiti maidadanes mairupirda ti kalinteganda.

Dagiti Proverbio 1:15

Anakko, dika makikuyog kadagiti kakasta a tattao. Adaywam ida.

Dagiti Proverbio 18:5

Saan a rumbeng nga ayonan ti nakabasol gapu ta no kasta ti maaramid, saanen a maited ti hustisia kadagiti awan basolna.

Dagiti Proverbio 4:14

Dika magna iti dalan dagiti managdakdakes. Dimo tuladen ti aramid dagiti nakillo.

Jeremias 37:15

Nakapungtotda kaniak ket pinakabkabildak; kalpasanna, pinaipupokdak iti balay ni Jonatan a mammagbaga iti ari. Pinagbalinda a pagbaludan ti balayna.

Jeremias 37:21

Iti kasta, pinaipupoknak ni Zedekias iti paraangan ti pagguardiaan. Nagyanak sadiay, ket inaldaw a naikkanak iti tinapay no la ketdi adda tinapay idi kadagiti panaderia.

Jeremias 38:9

“Natan-ok nga Ari, dakes ti inaramid dagitoy a lallaki. Impisokda ni Jeremias iti bubon. Matay la ketdi a matay sadiay iti bisin. Awanen ti makan iti siudad.”

Ezekiel 9:9

Insungbat ti Dios, “Nadagsen dagiti basol dagiti Israelita ken dagiti taga-Juda. Nagpapatayda iti entero a daga ket insaknapda ti kinadakes iti Jerusalem. Kunada, ‘Binaybay-anen ti Apo ti dagatayo. Saannatayo a makita.’

Levitico 19:15

“Diyo ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang.

Haggeo 1:4

“Dakayo a tattaok, rumbeng kadi nga agnaedkayo kadagiti napintas a balbalayyo idinto nga agrakrakaya ti Templok?

San Marcos 15:15

Gapu ta kayat ni Pilato a pagustoan dagiti tattao, winayawayaanna ni Barrabas. Kalpasanna, pinasaplitna ni Jesus sana inyawat kadagiti soldado tapno ilansada iti krus.

Dagiti Aramid 24:27

Kalpasan ti dua a tawen, sinukatan ni Porcio Festo ni Felix a kas gobernador. Agsipud ta kayat ni Felix a pagustoan dagiti Judio, binaybay-anna ni Pablo iti pagbaludan.

Dagiti Aramid 25:9

Kayat ni Festo a pagustoan dagiti Judio, isu a sinaludsodna ken ni Pablo, “Kayatmo kadi ti mapan idiay Jerusalem a pangusigak kenka kadagitoy a darum?”

Taga-Roma 1:32

Ammoda a kuna ti linteg ti Dios a rumbeng a mapapatay ti kasta ti panagbiagna. Ngem aramidenda latta dagitoy ket abuloyanda pay dagiti agaramid kadagitoy a kinadakes.

Deuteronomio 1:17

Dikay mangidumduma kadagiti pangngeddengyo. Pagpapadaenyo ti pagbatayanyo iti panangukomyo uray siasino ti maseknan. Dikay agbuteng iti siasinoman ta agtaud iti Dios dagiti pangngeddengyo. No adda kaso a narigatyo a risuten, yegyo kaniak.’

Deuteronomio 16:19

Masapul a dida ballikugen ti linteg ken awan ti kanunonganda iti panangukomda. Dida agawat iti pasuksok ta ti pasuksok bulsekenna uray masirib ken mapagtalkan a tao ket daytoy ti pakaigapuan ti panangikeddengda iti saan nga umisu a sentensia.

Deuteronomio 24:17

“Diyo ikkaten ti kalintegan dagiti ganggannaet wenno dagiti ulila. Diyo alaen ti kawes ti balo a babai a kas salda ti utangna.

Josue 24:15

No diyo kayat ti agserbi kenkuana, ikeddengyo itan no siasino ti pagserbianyo: agserbikayo kadagiti didiosen a nagserbian dagidi kapuonanyo idiay Mesopotamia wenno kadagiti didiosen dagiti Amorreo nga akindaga iti pagnanaedanyo iti agdama. Ngem no maipapan kaniak ken ti familiak, agserbikami iti Apo.”

1 Samuel 15:24

“Wen, nagbasolak,” insungbat ni Saul. “Diak tinungpal ti bilin ti Apo ken dagiti bilinmo. Nagbutengak kadagiti tattaok, isu a sinurotko ti kayatda a maaramid.

1 Samuel 15:9

Saanna a pinapatay ni Agag, agraman dagiti kasayaatan a karnero, baka, dagiti kasayaatan nga urbon ti baka, dagiti urbon ti karnero wenno aniaman a nasayaat. Dagiti laeng dakes ken awan serserbina ti dinadaelda.