Exodo 23:14 - Ti Baro a Naimbag a Damag Biblia

¹⁴ “Tallo a fiesta ti rambakanyo iti tinawen kas pammadayaw kaniak.

Ti Biblia (1973)

¹⁴ Mamitlo iti macatawen agfiestacanto a maipaay caniac.

Exodo 23:14 Iomraidhean Croise

1 Ar-ari 9:25

Mamitlo iti makatawen nga agidatag ni Solomon kadagiti daton a mapuoran ken daton a pakikappia iti altar a binangonna a maipaay ken ni Yahweh. Nagpuor met iti insenso iti imatang ni Yahweh. Ket nalpas ni Solomon ti Templo.

2 Cronicas 8:13

Nagidatag kadagiti daton a mapuoran kas mayannurot iti Linteg ni Moises a maipaay iti tunggal nasantoan nga aldaw: iti Aldaw a Panaginana, iti Fiesta ti Lutuad, ken dagiti tallo a fiesta iti tinawen—ti Fiesta ti Tinapay nga Awan Lebadurana, ti Fiesta ti Panagapit ken ti Fiesta dagiti Abong-abong.

Exodo 23:17

Tunggal tawen, kadagitoy a fiesta, masapul nga umay dagiti amin a lallaki tapno agdaydayawda kaniak nga Apo a Diosyo.

Exodo 34:17

“Dikay mangsukog kadagiti didiosen a pagdaydayawanyo.

Exodo 34:18

“Rambakanyo ti Fiesta ti Tinapay nga awan Lebadurana. Kas imbilinko, mangankay iti tinapay nga awan lebadurana iti las-ud ti pito nga aldaw iti Abib ta iti daytoy a bulan, pimmanawkayo idi idiay Egipto.

Ezekiel 46:9

“No umay agdaydayaw dagiti tattao ken ni Yahweh iti uray ania a fiesta a sumrek iti akin-amianan a ruangan masapul a rummuarda iti akin-abagatan kalpasan ti panagdaydayawda. Dagiti sumrek iti akin-abagatan a ruangan masapul a rummuarda iti akin-amianan. Awan ti rummuar iti simrekanna no di ket rummuar iti bangir a ruangan.

Levitico 23:16

Iti maika-50 nga aldaw, ti aldaw kalpasan ti maikapito nga Aldaw a Panaginana, idatagyo iti Apo ti sabali a baro a daton a makan.

Levitico 23:4

Ipakaammoyo dagitoy sumaganad a fiesta tapno mangilinda iti naituding a tiempo.

Levitico 23:5

Mangrugi a marambakan ti Fiesta ti Paskua a pammadayaw iti Apo iti ilelennek ti init iti maika-14 nga aldaw iti umuna a bulan.

Deuteronomio 16:1

“Padayawanyo ti Apo a Diosyo babaen iti panangrambakyo iti Fiesta ti Paskua iti bulan ti Abib; iti maysa a rabii iti dayta a bulan, inruarnakayo idiay Egipto.

Deuteronomio 16:16

“Mamitlo iti makatawen a masapul a mapan agdaydayaw ti amin a lallaki iti lugar a pilienna a pagdaydayawan kenkuana. Mapanda iti Fiesta ti Paskua, iti Fiesta ti Panagani ken iti Fiesta dagiti Abong-abong. Dikay mapan nga ima-ima iti imatang ti Apo;

1 Samuel 1:3

Tinawen a mapan ni Elcana idiay Silo tapno agdaydayaw ken agidaton ken ni Yahweh a Mannakabalin-amin. Da Ofni ken Finees nga annak ni Eli ti papadi idi ni Yahweh idiay Silo.