Exodo 23:1 - Ti Baro a Naimbag a Damag Biblia

¹ “Dikay agiwaras iti sao nga awan kinapudnona. Dikay tulongan ti tao a nagbasol babaen iti panagsaksiyo iti ulbod.

Ti Biblia (1973)

¹ Dica anamungan ti naulbod a damag: dica icabil ti imam a bumuyog iti nadamca nga agbalinca a naulbud a sacsi.

Exodo 23:1 Iomraidhean Croise

Genesis 39:17

inulitna kenkuana ti imbagana kadagiti babaonenna. “Simrek iti kuartok dayta Hebreo a tagabu nga inyegmo ditoy, ket kayatnak a kaiddaen,” kinunana.

2 Samuel 16:3

“Sadino ti ayan ni Mefiboset, ti apoko ni Saul nga apom?” sinaludsod kenkuana ti ari. “Nagbati idiay Jerusalem ta kapkapnekanna nga isubli dagiti Israelita kenkuana ti pagarian daydi apongna a Saul,” insungbat ni Siba.

2 Samuel 19:27

Saan a pudno ti imbagana kenka maipapan kaniak. Natan-ok nga Ari, mayarigka iti anghel ti Dios; aramidem ngarud ti ammom a nasayaat.

Dagiti Salmo 101:5

Pukawekto ti siasinoman a mamadpadakes; wen, iti nalimed a pammadpadakes iti kaarrubana. Saanko a kapulapol ti natangsit ken napasindayag.

Dagiti Salmo 120:3

Anianto ti aramiden ti Dios kadakayo a naulbod? Anianto ti panangdusana kadakayo?

Dagiti Salmo 15:3

Awan ti tao a padpadaksenna, dina ranggasan dagiti gagayyemna, dina sarsaritaen ti siasinoman a kaarubana.

Dagiti Salmo 27:12

Kadagiti kabusorko dinak kadi yawat, padpadaksen ken butbutngendak.

Dagiti Salmo 35:11

Agsaksi dagiti managdakdakes iti maibusor kaniak, ket ipabasolda kaniak ti diak inaramid.

Exodo 20:16

“Dika agsaksi iti ulbod a maibusor iti padam a tao.

Exodo 23:7

Dikay agpabasol no awan pammaneknekyo. Diyo papatayen ti tao a nalinteg ken awan basolna. Dusaek ti siasinoman nga agaramid iti kasta a kinadakes.

Dagiti Proverbio 10:18

Ulbod ti tao a mangilemmeng iti gurana. Maag ti agiwaras iti pammadpadakes.

Dagiti Proverbio 12:17

No ibagam ti pudno, maipakat ti hustisia; ngem no ulbod ti sawem, maballikug ti hustisia.

Dagiti Proverbio 14:5

Ti mapagtalkan a saksi ibagana ti pudno, ngem ti natiri, pasig nga ulbod ti sawenna.

Dagiti Proverbio 17:4

Denggen dagiti managdakdakes dagiti dakes a panunot ket denggen met dagiti naulbod ti kinaulbod.

Dagiti Proverbio 19:28

Awan ti hustisia no pinanggep ti maysa a saksi a dangran ti sabali. Pagay-ayat dagiti nakillo ti agaramid iti dakes.

Dagiti Proverbio 19:5

Madusaka no agsaoka iti ulbod iti pangukoman; saankanto a makalisi.

Dagiti Proverbio 19:9

Awan duadua ti pannakadusa ti siasinoman nga agsao iti ulbod iti pangukoman; saan a makalisi ti kasta a tao.

Dagiti Proverbio 21:28

Awan ti mamati iti pammaneknek ti naulbod; ngem maawat ti sao ti tao a mangpanunot a naimbag kadagiti bambanag.

Dagiti Proverbio 24:28

Dika agsaksi iti maibusor iti kaarrubam no awan ti gapuna wenno agsao iti maibusor kenkuana.

Dagiti Proverbio 25:18

Ti pammadpadakes, arigna iti natadem a kampilan wenno pang-or wenno natirad a pana.

Dagiti Proverbio 25:23

Ti panagpardaya yegna ti pungtot, kas iti angin nga awan duadua a mangyeg iti tudo.

Jeremias 20:10

Mangngegko ti ibagbaga dagiti tattao, “Adda ti pagbutbutngan iti amin a disso. Ipulongtayo kadagiti agtuturay!” Uray dagiti nasinged a gagayyemko, ur-urayenda ti pannakatnagko. Kunada, “Nalabit a maallilawto, tiliwentayo ket makaibalestayo.”

Levitico 19:11

“Dikay agtakaw wenno agsuitik wenno agulbod.

Levitico 19:16

Diyo padpadaksen ti uray siasinoman. No adda agpeggad ti biagna, agsaoka a mangisakit kenkuana. Siak ni Yahweh.

San Mateo 19:18

“Ania a bilbilin?” sinaludsodna. Insungbat ni Jesus: “Dika mamapatay; dika makikamalala; dika agtakaw; dika agsaksi iti ulbod;

San Lucas 19:8

Timmakder ni Zakeo ket kinunana iti Apo, “Denggem, Apo! Itedko kadagiti napanglaw ti kagudua ti sanikuak. No adda sinaurko, isublik kenkuana iti mamimpat a kaadu ti innalak.”

San Lucas 3:14

“Ket dakami,” sinaludsod met dagiti soldado, “ania ti masapul nga aramidenmi?” “Diyo butbutngen wenno padpadaksen ti siasinoman tapno maalayo ti kuartana. Mapnekkayon iti sueldoyo,” kinunana kadakuada.

San Juan 7:51

“Segun ti paglintegantayo,” kinunana, “ditayo mabalin a dusaen ti maysa a tao no ditay mangngegan ken maammoan no ania ti inaramidna.”

Taga-Roma 3:8

Apay ngarud a ditayo kuna, “Agaramidtayo iti dakes tapno tumaud ti imbag”? Agpayso nga adda dagiti mangpadpadakes kaniak ket pabpabasolendak a sinaok kano daytoy! Rumbeng a madusadanto.

Taga-Efeso 4:25

Dikayo ngarud agul-ulboden! Ti pudno laeng ti ibaga ti tunggal maysa iti kabsatna iti pammati, ta kamkamengtayo amin iti bagi ni Cristo.

Deuteronomio 5:20

“‘Dikay agsaksi iti ulbod a maibusor iti padayo a tao.

2 Timoteo 3:3

Naranggas, awanan asi, mamadpadakes, nauyong ken narungsotdanto, kaguradanto dagiti naimbag.

Paltiing 12:10

Kalpasanna, nangngegko ti maysa a napigsa a timek sadi langit. Kinunana, “Dimtengen ti panangisalakan ti Dios, ti pannakabalinna ken ti pagarianna! Ipabigbigen ti Cristona ti turayna iti sangalubongan. Ta napagtalawen sadi langit ti mangidardarum kadagiti kakabsattayo iti pammati iti aldaw ken rabii iti sangoanan ti Dios.