Exodo 22:26 - Ti Baro a Naimbag a Damag Biblia

²⁶ No alaenyo ti kagay ti siasinoman a kas pangigawidyo iti utangna, masapul nga isubliyo sakbay a lumnek ti init;

Ti Biblia (1973)

²⁶ No mangalaca iti uray caanoman ti pagan-anay ti padam a tao a pangicarian, isublimto kencuana no dipay lumnec ti init:

Exodo 22:26 Iomraidhean Croise

Ti Libro ni Job 22:6

Tapno mapagbayadmo ti nakautang kenka, innalam dagiti kawesna ket binay-am nga awan arruatenna.

Ti Libro ni Job 24:3

Takawenda dagiti asno dagiti ulila, ket alaenda ti baka ti balo a babai a pangigawidanda iti utangna.

Ti Libro ni Job 24:7

Maturogda iti rabii nga awan pagulesda wenno kagay a mangpapudot kadakuada.

Ti Libro ni Job 24:9

Tagabuen dagiti managdakdakes dagiti ulila iti ama. Alaenda dagiti annak ti napanglaw a kas bayad ti utangna.

Ti Libro ni Job 34:28

Pinilitda dagiti napanglaw tapno umasugda iti Dios, ket impangagna ti dawatda a tulonganna ida.

Dagiti Salmo 10:14

Ngem saanka a nakakidem; makitam ti panagrigat ken panagsagaba ket sisasaganaka a mangted iti tulong. Kumamang kenka ti awan gawayna, ken tultulongam ti awan amana.

Dagiti Salmo 34:7

Aywanan ti anghel ni Yahweh dagiti agbuteng kenkuana, ket ispalenna ida iti amin a pagpeggadanda.

Dagiti Proverbio 20:16

Siasinoman a maag unay a mangikari a mangbayad iti utang ti maysa a ganggannaet, masapul a maigawid ti sanikuana tapno masigurado ti panagbayadna.

Dagiti Proverbio 22:27

No dimo mabayadan, alaendanto uray pay ti iddam.

Ezekiel 18:16

Saanna nga idadanes wenno takawan ti siasinoman. Isublina ti isalda kenkuana ti umutang. Ikkanna iti taraon dagiti mabisin ken badoanna dagiti lamolamo.

Ezekiel 18:7

Saanna a sauren wenno takawan ti siasinoman. Isublina ti isalda ti umutang kenkuana. Pakanenna dagiti mabisin ken ikkanna iti bado ti lamolamo.

Ezekiel 33:15

kas pangarigan isublina ti naisalda kenkuana ken ti tinakawna—no agsardeng nga agbasol ket tungpalenna dagiti linteg a mangted iti biag, saanto a matay ngem agbiag.

Amos 2:8

Iti amin a lugar a pagdaydayawan, pagturogda dagiti pagan-anay a salda dagiti pautangda. Iti templo ti Diosda, agiinumda iti arak nga innalada kadagiti nakautang kadakuada.

Deuteronomio 24:17

“Diyo ikkaten ti kalintegan dagiti ganggannaet wenno dagiti ulila. Diyo alaen ti kawes ti balo a babai a kas salda ti utangna.

Deuteronomio 24:6

“No pautanganyo ti maysa a tao, diyo alaen ti gilinganna a kas salda ti impautangyo ta daytoy ti aramatenna a pangisagana iti pagbiag ti familiana.