Exodo 22:23 - Ti Baro a Naimbag a Damag Biblia

²³ No aramidenyo ti kasta, siak, ni Yahweh, ipangagkonto ti asug dagiti agpatulong kaniak.

Ti Biblia (1973)

²³ No sica parparigatem la ida, ket umasugda caniac, dinto bumurong nga ipangagconto ti unnoyda;

Exodo 22:23 Iomraidhean Croise

Ti Libro ni Job 34:28

Pinilitda dagiti napanglaw tapno umasugda iti Dios, ket impangagna ti dawatda a tulonganna ida.

Ti Libro ni Job 35:9

Agasug dagiti tattao no maidadanesda, umawagda iti mangisalakan kadakuada.

Dagiti Salmo 10:14

Ngem saanka a nakakidem; makitam ti panagrigat ken panagsagaba ket sisasaganaka a mangted iti tulong. Kumamang kenka ti awan gawayna, ken tultulongam ti awan amana.

Dagiti Salmo 140:12

Ammok, O Apo, nga ikaluyam dagiti mairurumen, ket ikalintegam dagiti napanglaw.

Dagiti Salmo 145:19

Itedna ti kasapulan dagiti agraem kenkuana; denggenna ti asugda, ket isalakanna ida.

Dagiti Salmo 18:6

Iti pannakariribukko, immawagak iti Apo; immasugak iti tulong iti Diosko. Iti templona, nangngegna ti timekko, ket impangagna ti asugko.

Dagiti Salmo 68:5

Agnaed ti Dios iti nasantoan a Templona; salaknibanna dagiti balo, aywananna dagiti ulila.

Exodo 22:27

ta dayta laeng ti pagimengna pangpapudot iti bagina. Anianto pay ti pagturogna? Inton umasug kaniak a patulongan, ipangagkonto agsipud ta manangngaasiak.

Dungdung-aw 5:3

Pinapatay ti kabusor dagiti ammami, ket nabalon dagiti innami.

San Lucas 18:7

Ket dinto aya tulongan ti Dios dagiti tattaona nga umas-asug kenkuana iti aldaw ken rabii? Dinanto kadi dardarasen ti tumulong kadakuada?

Deuteronomio 10:18

Ikalinteganna dagiti ulila ken balo a babbai; ipatpategna dagiti ganggannaet ket ikkanna ida iti taraon ken kawes.

Deuteronomio 15:9

Diyo pampanunoten nga asidegen ti tawen a naituding a pannakapakawan ti utang. Diyo ipalubos a sumrek ti kasta a kinadakes iti uloyo. No diyo kayat a pautangan, umasugto iti Apo iti maibusor kadakayo ket makabasolkayo.

Deuteronomio 24:15

Sakbay a lumnek ti init, itedyo ti tangdan ti nagtrabaho iti dayta nga aldaw. Masapulna ket ninamnamana a maalana ti sueldona. No saanyo nga ited, umasug iti Apo ket ipulongnakayo ket makabasolkayo.

Santiago 5:4

Diyo pay tinangdanan dagiti pinagtrabahoyo. Denggenyo dagiti angalda. Dimmanonen iti Dios, ti Apo a Mannakabalin-amin, ti ikkis dagiti pinaganiyo.