Exodo 22:22 - Ti Baro a Naimbag a Damag Biblia

²² Diyo irurumen ti uray siasinoman a balo wenno ulila.

Ti Biblia (1973)

²² Dicayo parparigaten ti uray siasino a balo a babai uray ti ulila iti ama.

Exodo 22:22 Iomraidhean Croise

Ti Libro ni Job 31:16

Tinulongak dagiti napanglaw; diak impalubos nga agbiag a nakaay-ay-ay dagiti balo a babbai.

Ti Libro ni Job 34:28

Pinilitda dagiti napanglaw tapno umasugda iti Dios, ket impangagna ti dawatda a tulonganna ida.

Dagiti Salmo 10:14

Ngem saanka a nakakidem; makitam ti panagrigat ken panagsagaba ket sisasaganaka a mangted iti tulong. Kumamang kenka ti awan gawayna, ken tultulongam ti awan amana.

Dagiti Salmo 34:7

Aywanan ti anghel ni Yahweh dagiti agbuteng kenkuana, ket ispalenna ida iti amin a pagpeggadanda.

Dagiti Proverbio 22:23

Ikalinteganto ti Apo ida, ket pukawennanto ti biag dagiti dakes ti panggepna kadakuada.

Dagiti Proverbio 23:10

Dimo yalis ti daan a mohon ti daga wenno sakupen ti talon a kukua dagiti ulila.

Dagiti Proverbio 23:11

Ti Apo ti napigsa a mangikaluya kadakuada ket isunto ti mangirupir iti kalinteganda a maibusor kenka.

Isaias 1:17

ket sursuroenyo ti agaramid iti naimbag. Ikagumaanyo a maipakat ti hustisia—tulonganyo dagiti maidadanes, ikalinteganyo dagiti ul-ulila, ket salaknibanyo dagiti balo.”

Isaias 1:23

Nasukir dagiti pangulom ket gagayyem ida dagiti mannanakaw. Kanayonda nga umawat iti regalo ken pasuksok. Ngem dida ikalintegan dagiti ul-ulila iti pangukoman wenno denggen dagiti balo a babbai no idatagda ti darumda.

Isaias 10:2

Kasta ti pamuspusanyo tapno saan a magun-od dagiti napanglaw ti kalinteganda ket dida matunton ti hustisia. Kasta ti pamay-anyo tapno maalayo ti sanikua dagiti balo a babbai ken ul-ulila.

Jeremias 7:6

Diyo gundawayan dagiti ganggannaet, ulila ken balo. Dikay agpapatay kadagiti awan basolna ditoy nasantoan a lugar. Dikay agkararag kadagiti didiosen ta daytoy ti mangdadael kadakayo.

Jeremias 7:7

Iti kasta, ipaluboskonto nga agnaedkayo iti daytoy a daga nga intedko a kukua dagiti kapuonanyo iti agnanayon.

Ezekiel 22:7

Awan tao iti siudad nga agraem kadagiti nagannak kadakuada. Saurem dagiti ganggannaet ket gundawayam dagiti balo a babbai ken dagiti ulila.

Zacarias 7:10

Diyo idadanes dagiti balo, dagiti ulila, dagiti ganggannaet a makipagnaed kadakayo ken ti siasinoman nga adda pakasapulanna. Ket dikay agpanggep kadagiti pamuspusan a mangdangran iti padayo a tao.’

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

Deuteronomio 10:18

Ikalinteganna dagiti ulila ken balo a babbai; ipatpategna dagiti ganggannaet ket ikkanna ida iti taraon ken kawes.

Deuteronomio 15:9

Diyo pampanunoten nga asidegen ti tawen a naituding a pannakapakawan ti utang. Diyo ipalubos a sumrek ti kasta a kinadakes iti uloyo. No diyo kayat a pautangan, umasugto iti Apo iti maibusor kadakayo ket makabasolkayo.

Deuteronomio 24:17

“Diyo ikkaten ti kalintegan dagiti ganggannaet wenno dagiti ulila. Diyo alaen ti kawes ti balo a babai a kas salda ti utangna.

Deuteronomio 24:18

Ibilinko daytoy kadakayo ta tagabukayo met idi idiay Egipto ket winayawayaannakayo ti Apo.

Deuteronomio 27:19

“‘Maipatay ti lunod ti Dios iti siasinoman a mangilupitlupit iti kalintegan ti ganggannaet, ulila wenno balo a babai.’ “‘Amen,’ isungbatto dagiti tattao.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.