Exodo 22:21 - Ti Baro a Naimbag a Damag Biblia

²¹ “Diyo ranggasan wenno idadanes ti ganggannaet. Laglagipenyo a ganggannaetkayo met idi idiay Egipto.

Ti Biblia (1973)

²¹ Ket dica ranggasan, wenno parparigaten ti maysa a gangannaet: gapu ta naggangannaetcayo iti daga nga Egipto.

Exodo 22:21 Iomraidhean Croise

Ti Libro ni Job 6:27

Pagbibinnunotanyo pay dagiti ulila a tagabu, ket ilakoyo ti nadekket a gayyemyo!

Dagiti Salmo 146:9

Salaknibanna dagiti ganggannaet nga agnaed iti dagatayo; dagiti balo ken ulila, saranayenna. Ngem lapdanna ti panggep dagiti managdakdakes.

Exodo 20:2

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 23:9

“Diyo idadanes ti ganggannaet. Ammoyo ti rikna ti maysa a ganggannaet ta ganggannaetkayo met idi idiay Egipto.

Isaias 1:17

ket sursuroenyo ti agaramid iti naimbag. Ikagumaanyo a maipakat ti hustisia—tulonganyo dagiti maidadanes, ikalinteganyo dagiti ul-ulila, ket salaknibanyo dagiti balo.”

Jeremias 22:3

“Siak, ni Yahweh, ibagak nga aramidenyo ti nalinteg ken naimbag. Salaknibanyo ti tao nga idadanes ti padana a tao. Diyo ranggasan wenno parigaten dagiti ganggannaet, dagiti ulila wenno dagiti balo. Diyo patayen ditoy nasantoan a lugar dagiti awan basolna.

Jeremias 7:6

Diyo gundawayan dagiti ganggannaet, ulila ken balo. Dikay agpapatay kadagiti awan basolna ditoy nasantoan a lugar. Dikay agkararag kadagiti didiosen ta daytoy ti mangdadael kadakayo.

Ezekiel 22:7

Awan tao iti siudad nga agraem kadagiti nagannak kadakuada. Saurem dagiti ganggannaet ket gundawayam dagiti balo a babbai ken dagiti ulila.

Levitico 19:13

“Diyo gundawayan wenno takawan ti siasinoman. Diyo ipabigat ti pannangtedyo iti tangdan ti pinagtrabahoyo.

Levitico 19:33

“Diyo idadanes dagiti ganggannaet nga agnaed iti dagayo.

Levitico 19:34

Ibilangyo ida nga Israelita a kas kadakayo, ket ayatenyo ida a kas iti panagayatyo iti bagiyo. Laglagipenyo a ganggannaetkayo met idi idiay Egipto. Siak ni Yahweh a Diosyo.

Levitico 25:35

No pumanglaw ti padayo nga Israelita nga agnaed iti asidegyo ket dina kabaelan a biagen ti bagina, masapul a tulonganyo a kas iti ganggannaet tapno maituloyna ti agnaed iti asidegyo.

Zacarias 7:10

Diyo idadanes dagiti balo, dagiti ulila, dagiti ganggannaet a makipagnaed kadakayo ken ti siasinoman nga adda pakasapulanna. Ket dikay agpanggep kadagiti pamuspusan a mangdangran iti padayo a tao.’

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

Deuteronomio 1:16

“Iti daydi a tiempo, imbilinko kadagiti ukomyo nga usigenda dagiti kaso nga idatag dagiti kailianyo. Imbilinko kadakuada: ‘Masapul a nainkalintegan ti panangusigyo ket awan ti kankanunonganyo, dagiti man kailianyo wenno dagiti ganggannaet nga agnaed iti iliyo.

Deuteronomio 10:18

Ikalinteganna dagiti ulila ken balo a babbai; ipatpategna dagiti ganggannaet ket ikkanna ida iti taraon ken kawes.

Deuteronomio 10:19

Masapul nga ayatenyo met ti ganggannaet iti sidongyo ta ganggannaetkayo met idi idiay Egipto.

Deuteronomio 15:15

Laglagipenyo a natagabukayo met idi idiay Egipto ket winayawayaannakayo ti Apo a Diosyo; daytoy ti gapuna nga itedko kadakayo ita daytoy a bilin.

Deuteronomio 23:16

Bay-anyo nga agnaed iti uray sadino a lugar kadagiti iliyo a pilienna. Saanyo nga idadanes.

Deuteronomio 23:7

“Diyo laisen dagiti Edomita, ta kabagianyo ida. Diyo met laisen dagiti Egipcio, ta nagnaedkayo idi iti dagada.

Deuteronomio 24:17

“Diyo ikkaten ti kalintegan dagiti ganggannaet wenno dagiti ulila. Diyo alaen ti kawes ti balo a babai a kas salda ti utangna.

Deuteronomio 27:19

“‘Maipatay ti lunod ti Dios iti siasinoman a mangilupitlupit iti kalintegan ti ganggannaet, ulila wenno balo a babai.’ “‘Amen,’ isungbatto dagiti tattao.