Exodo 22:18 - Ti Baro a Naimbag a Damag Biblia

¹⁸ “Papatayenyo ti babai a manggagamud.

Ti Biblia (1973)

¹⁸ Dicanto ipalubos nga agbiag ti managanito a babai.

Exodo 22:18 Iomraidhean Croise

Isaias 19:3

Paayekto ti panggep dagiti taga-Egipto ket dadaelekto ti tured ti pakinakemda. Agpatulongdanto kadagiti didiosenda. Makiumandanto kadagiti mammuyon ket pabagbagaandanto kadagiti espiritu dagiti natay.

Jeremias 27:10

Al-allilawendakayo ket isudanto ti pakaigapuan ti pannakayadayoyo iti dagayo. Pagtalawenkayto ket madadaelkayto.

Jeremias 27:9

Ngarud, diyo patpatien dagiti profetayo wenno ti siasinoman a mangibaga iti mapasamakto iti masakbayan babaen kadagiti tagtagainep wenno pannakiumanna iti espiritu dagiti natay wenno salamangka. Ibagada kadakayo a saanyo a pagserbian ti ari ti Babilonia.

Levitico 18:23

Maiparit a kainaig ti babai wenno lalaki ti maysa nga animal; maisalungasing daytoy iti nakaparsuaan ket pagbalinennakayo a narugit.

Levitico 19:26

“Dikay agsida iti karne nga adda pay laeng darana. Diyo aramiden ti uray ania a kita ti panaganito.

Levitico 19:31

“Dikay mapan makiuman kadagiti agan-anito wenno espiritista tapno saankayo a maibilang a narugit. Siak ni Yahweh a Diosyo.

Levitico 20:27

“Siasinoman nga agan-anito wenno makiuman kadagiti espiritu dagiti natay, babai man wenno lalaki, batoenyo agingga a matay, isu met laeng ti akimbasol iti bukodda nga ipapatay.”

Levitico 20:6

“Ti siasinoman a mapan kadagiti agan-anito wenno espiritista, diakton ibilang a maysa kadagiti tattaok.

Dagiti Aramid 19:19

Adu kadagiti managsalamangka ti nangurnong kadagiti libroda sada pinuoran iti sangoanan ti amin a tao. Aganay a 50,000 a bagi ti pirak ti nakuentada a gatad dagiti libro.

Taga-Galacia 5:20

panagrukbab kadagiti didiosen, panagan-anito, panaggiginnura, panagaapa, panagiinnimon, panagpungpungtot, kinaagum,

Deuteronomio 27:21

“‘Maipatay ti lunod ti Dios iti siasinoman a mangkaidda iti animal.’ “‘Amen,’ isungbatto dagiti tattao.

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

1 Samuel 28:3

Natay idin ni Samuel. Dinung-awan dagiti amin nga Israelita ket impumponda idiay Rama nga ilina. Kabayatanna, pinagtalaw ni Saul ti amin a mammadles ken makium-uman kadagiti espiritu ti natay iti Israel.

1 Samuel 28:9

Ngem kinuna ti babai, “Awan duadua nga ammom ti inaramid ni Ari Saul. Pinagtalawna ti amin a mammadles ken makium-uman kadagiti espiritu ti natay iti Israel. Apay a mangipakatka iti palab-og a pakatayak?”