Exodo 21:26 - Ti Baro a Naimbag a Damag Biblia

²⁶ “No kabilen ti maysa a tao ti tagabuna, lalaki man wenno babai ket nabuldinganna, rebbengna a wayawayaan ti tagabu a kas bayad ti matana.

Ti Biblia (1973)

²⁶ Ket no ti maysa a tao danarenna ti mata ti bag-enna a lalaki, wenno ti mata ti bag-enna a babai ket madadaelna; palubusananto nga agwayawaya maipuon iti matana.

Exodo 21:26 Iomraidhean Croise

Nehemias 5:5

Ti kasapulanmi kas met laeng iti kasapulan dagiti padami a Judio. Ania ti nakaigiddiatan dagiti annakmi kadagiti annakda? Ngem inkapilitan a patagabumi dagiti annakmi. Kinaagpaysona, nailakomin a tagabu dagiti sumagmamano nga annakmi a babbai. Awan ti maaramidmi ta sabalin ti agtagikua kadagiti taltalon ken kaubasanmi.”

Dagiti Salmo 10:14

Ngem saanka a nakakidem; makitam ti panagrigat ken panagsagaba ket sisasaganaka a mangted iti tulong. Kumamang kenka ti awan gawayna, ken tultulongam ti awan amana.

Dagiti Salmo 10:18

Ipangagmo ti asug dagiti maidadanes ken dagiti ulila, ket iti panangukommo, ipaaymo ti kalinteganda tapno ti tao saannan a butbutngen ti padana.

Dagiti Salmo 9:12

Silalagip ti Dios kadagiti agsagsagaba; wen, dina malipatan dagiti sangsangitda, ket dusaenna dagiti mangranggas kadakuada.

Exodo 21:20

“Siasinoman a mangpang-or iti tagabuna, lalaki man wenno babai, rumbeng a madusa no matay a dagus ti pinang-orna.

Exodo 21:24

mata iti mata, ngipen iti ngipen, ima iti ima, saka iti saka,

Exodo 21:25

puor iti puor, sugat iti sugat, dunor iti dunor.

Exodo 21:27

Ket no natuppolanna ti tagabu, rebbengna a wayawayaan a kas bayad ti ngipenna.

Taga-Efeso 6:9

Dakayo nga appo, kasta met koma ti umno a pannakilangenyo kadagiti tagabuyo. Isardengyon a butbutngen ida. Laglagipenyo a dakayo ken dagiti tagabuyo, agpapadakayo nga agserserbi iti maymaysa nga Apo sadi langit nga awan ti idumdumana.

Deuteronomio 16:19

Masapul a dida ballikugen ti linteg ken awan ti kanunonganda iti panangukomda. Dida agawat iti pasuksok ta ti pasuksok bulsekenna uray masirib ken mapagtalkan a tao ket daytoy ti pakaigapuan ti panangikeddengda iti saan nga umisu a sentensia.

Taga-Colosas 4:1

Dakayo nga appo, aramidenyo ti nalinteg ken rumbeng kadagiti tagabuyo. Laglagipenyo nga adda met Apoyo sadi langit.