Exodo 20:5 - Ti Baro a Naimbag a Damag Biblia

⁵ Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Ti Biblia (1973)

⁵ Dica irucnoy ti bagim cadacuada wenno pagservian ida; ta siac ni Jehova a Diosmo manangimonac a Dios, a mangipasarungcar iti kinadakes dagiti amma cadagiti annac, cadagiti maicatlo ken maicappat a caputotan dagiti gumura caniac.

Exodo 20:5 Iomraidhean Croise

2 Samuel 21:1

Bayat ti panagturay ni David, adda nakaro a bisin a nagpaut iti tallo a tawen. Daytoy ti gapuna a nakiuman ni David ken ni Yahweh ket kinuna, “Nakabasol ni Saul ken ti familiana iti pammapatay. Adu ti pinapatayda a tattao ti Gabaon.” (

2 Samuel 21:6

Ngarud, yawatmo kadakami ti pito a lallaki a kaputotan ni Saul ket bitayenmi ida iti imatang ti Apo idiay Gabaa nga ili ni Saul, ti ari a pinili ti Apo.” Pinatgan ni David ti dawatda.

1 Ar-ari 19:10

Insungbat ni Elias, “O Apo a Dios a Mannakabalin-amin, kanayon a siksika laeng ti pagserserbiak. Ngem winaswas dagiti Israelita ti katulaganda kenka, rinebbada dagiti altarmo ken pinapatayda dagiti amin a profetam. Sisiakon ti nabati—ket kayatdak pay a patayen!”

1 Ar-ari 21:29

“Dimo kadi madlaw ti panagpakumbaba ni Ahab iti imatangko? Gapu ta inaramidna daytoy, saankonto a yeg ti didigra bayat ti panagbiagna. Idissuorkonto ti didigra iti familia ni Ahab inton panawen ti anakna a lalaki.”

2 Ar-ari 17:35

Nakitulag idi kadakuada ni Yahweh ket imbilinna daytoy: “Dikay agdaydayaw kadagiti didiosen; dikay agrukbab wenno agserbi wenno agidatag kadagiti sakrifisio kadakuada.

2 Ar-ari 17:41

Ngarud, nagdaydayaw dagita a tattao ken ni Yahweh ngem nagdaydayawda met kadagiti imahen dagiti diosda. Agpapan ita, kasta pay laeng ti aramid dagiti kaputotanda.

2 Ar-ari 23:26

Simged ti nakaro a pungtot ni Yahweh iti Juda gapu kadagiti inaramid ni Manases idi ket di pay nagbaaw agpapan ita.

2 Ar-ari 5:18

Sapay koma ta pakawanennak ti Apo iti panangkuykuyogko iti ari a mapan agdaydayaw iti templo ni Rimmon, ti dios ti Siria. Ammok a pakawanennak ti Apo!”

2 Ar-ari 5:27

Ita, kumpet kenka ti sakit ni Naaman, ket kumpet kenka ken kadagiti kaputotam iti agnanayon!” Idi pumanaw ni Gehazi, agkukutelen—pimmuraw ti kudilna a kas iti kapas.

2 Cronicas 25:14

Idi nagsubli ni Amazias kalpasan ti panangparmekna kadagiti Edomita, inyawidna dagiti imahen a pagdaydayawanda, insaadna dagitoy, nagdaydayaw ket nagpuor iti insenso a kas pagdatonna.

2 Cronicas 7:19

Ngem no salungasingenyo, sika ken dagiti tattaom, dagiti linteg ken bilin nga intedko kadakayo, ket agdaydayawkayo kadagiti didiosen,

Ti Libro ni Job 21:19

Kunayo a dusaen ti Dios ti ubing gapu kadagiti basol ti amana. Saan! Dagiti nagbasol koma ti rumbeng a dusaenna; ipakitana koma a kasta ti aramidenna gapu kadagiti salungasingda.

Ti Libro ni Job 5:4

Saan a natalged dagiti annakda; iti pangukoman, awan mangikalintegan kadakuada.

Dagiti Salmo 109:14

Malagip koma ti Apo ti kinadakes dagiti kapuonanna, ket dina pakawanen ti basol ni inana.

Dagiti Salmo 78:58

Pinagpungtotda gapu kadagiti altarda ket pinagimonda gapu iti didiosen a nagdaydayawanda.

Dagiti Salmo 79:8

Dinakam kadi dusaen gapu iti basol dagiti kapuonanmi. Darasem ti umay ket kaasiannakami ta napukawmi aminen a namnamami.

Dagiti Salmo 81:15

Agrukbab a sibubuteng dagiti gumurgura kaniak, ket saan nga agpatingga ti pannakadusada.

Exodo 23:24

Dikay agrukbab wenno agdaydayaw kadagiti didiosenda. Diyo tuladen dagiti ar-aramidenda. Dadaelenyo dagiti didiosenda ket rebbaenyo dagiti nasantoan a bato nga adigida.

Exodo 34:14

“Dikay agdaydayaw iti sabali a dios, ta siak, ni Yahweh, diak ipalubos nga adda kasalisalko.

Dagiti Proverbio 8:36

Ti di makasarak kaniak, dangranna ti bagina, ket ti gumura kaniak, ni patay ti ayatenna.”

Isaias 44:15

Usaren ti tao ti dadduma a paset ti kayo a pagtungona. Aramidenna ti dadduma a kas imahen. Ti dadduma pasgedanna a paginudoanna ken panglutoanna iti tinapay. Ket ti dadduma aramidenna nga imahen a pagdaydayawanna a kas didiosenna.

Isaias 44:19

Awan nakem ti agar-aramid iti imahen. No adda panunotna, mabalinna a kuna, “Pinuorak ti dadduma a paset ti kayo, ket naglutoak iti tinapay iti beggangna. Nagtunoak iti karne a sindak. Ti dadduma inaramidko nga imahen nga isu ita ti pagdaydayawak, idinto ta sangkaputed laeng a kayo.”

Jeremias 2:9

Kuna ti Apo, “Isut' gapuna nga idatagko daytoy a pammabasol kadakayo. Idatagko pay daytoy a pammabasol kadagiti annak dagiti annakyo.

Jeremias 32:18

Impakitam ti di agbalbaliw nga ayatmo kadagiti rinibribu a tattao. Nupay kasta, dusaem dagiti tattao gapu iti basol dagiti ammada. Naindaklan ken nabilegka a Dios. Apo a Mannakabalin-amin ti naganmo.

Ezekiel 18:19

“Ngem saludsodenyo, ‘Apay a saan a madusa ti anak gapu kadagiti basol ti amana?’ Gapu ta inaramid ti anak ti nalinteg ken naimbag. Dina sinalungasing dagiti lintegko, ket siaannad a nangannurot kadakuada, isut' gapuna nga agbiagto.

Ezekiel 18:2

Kinunana, “Ania ti kaipapanan daytoy a pagsasao dagiti tattao iti daga ti Israel? ‘Kinnan dagiti nagannak dagiti naalsem nga ubas, Ngem dagiti ngipen dagiti annak ti naalino.’”

Ezekiel 20:7

Imbagak kadakuada nga ibellengda dagiti makarimon a didiosen nga ipangpangrunada ket dida tulawan dagiti bagbagida kadagiti didiosen ti Egipto, ta siak ni Yahweh a Diosda.

Ezekiel 39:25

Kinuna ti Apo a Dios, “Ngarud, kaasiakto dagiti kaputotan ni Jacob—dagiti Israelita ket parang-ayek manen ida. Salaknibakto ti nasantoan a naganko.

Ezekiel 8:3

Inyunnatna ti kasla ima ti tao ket ginammatanna ti buokko. Iti daytoy a parmata, impangatonak ti espiritu ti Dios ket impannak idiay Jerusalem. Indissonak iti akin-uneg a pagserkan iti akin-amianan a ruangan ti Templo nga ayan ti maysa nga imahen a makarimon iti Dios.

Daniel 1:2

Binay-an ti Apo a matnag ni Ari Jehoyakim iti pannakabalin ni Nebucadnesar; ket pinalubosanna nga agsamsam kadagiti gameng iti Templo. Impan ni Nebucadnesar iti templo dagiti didiosenna idiay Babilonia dagiti innalana a balud. Inkabilna met dagiti gameng iti pagiduldulinan ti templo.

Daniel 3:18

Ngem uray no dinakam isalakan, ammoem, O Natan-ok nga Ari, a dikam agdaydayaw iti diosmo, ket dikam agrukbab iti estatua a balitok nga impasdekmo.”

Levitico 20:5

siak a mismo ti mangbusor kenkuana ken iti entero a familiana ken amin a kumanunong kenkuana a nangtallikud kaniak ken nagrukbab ken ni didiosen a Moloc. Diakon ibilang ida a tattaok.

Levitico 26:1

Kinuna ni Yahweh, “Dikay agaramid kadagiti imahen wenno mangipasdek kadagiti estatua, adigi a bato wenno nasukog a bato a pagrukbaban. Siak ni Yahweh a Diosyo.

Levitico 26:29

Kasta unayto ti panagbisinyo ket kanenyonto dagiti mismo nga annakyo.

Nahum 1:2

Ni Yahweh managimon a Dios ken managibales; dusaenna dagiti bumusor kenkuana. Iti pungtotna, balsenna ida.

Numero 14:18

‘Siak, ni Yahweh, saanak a nalaka nga agpungtot. Ipakitak ti naindaklan nga ayat ken kinapudnok, ket pakawanek ti basol ken panagsukir. Nupay kasta, dusaek dagiti annak ken appoko agingga iti maikapat a kaputotan gapu kadagiti basol dagiti nagannak kadakuada.’

Numero 14:33

Agalla-allanto dagiti annakyo ditoy let-ang iti las-ud ti uppat a pulo a tawen. Agsagabadanto iti dusa ti kinasukiryo agingga iti ipapatay ti maudi kadakayo.

Numero 25:11

“Gapu iti inaramid ni Finees, awanen ti pungtotko kadagiti Israelita. Dina impalubos nga agdaydayaw dagiti tattao iti sabali a didiosen—siak laeng ti pagdaydayawanda. Daytoy ti gapuna a diak dinadael ida gapu iti pungtotko.

San Mateo 4:9

“Itedko kenka amin dagitoy,” kinuna ti Diablo, “no agparintumeng ken agdaydayawka kaniak.”

San Juan 15:18

“No guraennakayo ti lubong, laglagipenyo a siak ti immuna a ginurana.

San Juan 7:7

Dinakay mabalin a guraen ti lubong, ngem guraennak ta ibagbagak a dakes dagiti aramidna.

San Juan 9:2

Sinaludsod kenkuana dagiti adalanna, “Maestro, siasino ti akimbasol iti pannakayanak a bulsek daytoy a tao? Basolna kadi wenno basol dagiti nagannak kenkuana?”

Taga-Roma 1:30

Agpipinnadakesda. Kagurada ti Dios. Natangsit, napalangguad ken napasindayagda. Nalaingda nga agpanunot iti ad-adu pay a wagas ti kinadakes. Sukirenda dagiti nagannak kadakuada.

Taga-Roma 8:7

Iti kasta, no paiturayan ti tao iti kababalin ti kinatao, agbalin a kabusor ti Dios, ta saanna a tungpalen ti linteg ti Dios. Kinapudnona, saanna a matungpal daytoy a linteg.

1 Taga-Corinto 10:22

Wenno, pagimonentayo kadi ti Apo? Napigpigsatayo kadi ngem isu?

Deuteronomio 32:21

Pinagpungtotdak gapu kadagiti imahenda; pinagimondak kadagiti makunkuna a didiosenda, didiosenda a saan a pudno a Dios. Iti kasta, aramatekto ti makunkuna a nasion a mangpapungtot kadakuada. Aramatekto ti maysa a nasion dagiti maag, a mamagimon kadakuada.

Deuteronomio 32:41

nga asaek ti sumilsilap a kampilanko, ket ikagumaak a maaramid ti kinalinteg. Balsek dagiti kabusorko, ket dusaek dagiti gumurgura kaniak.

Deuteronomio 4:24

Mayarig ti Apo a Diosyo iti gumilgil-ayab nga apuy ket dina kayat nga adda kasalisalna iti panagayatyo.

Deuteronomio 5:10

Ngem ipariknak ti ayatko kadagiti rinibribu a kaputotan kadagiti agayat kaniak ken agtulnog kadagiti lintegko.

Deuteronomio 5:9

Dikay agrukbab wenno agdaydayaw iti uray ania nga imahen, ta siak ti Apo a Diosyo ket diak ipalubos nga adda kasalisalko. Dusaek dagiti gumura kaniak, kasta met kadagiti annakda, appokoda ken appokoda-iti-tumeng.

Deuteronomio 6:15

No agrukbabkayo kadagiti didiosen, agdissuorto ti pungtot ti Apo ket kaslanto apuy a mangibus kadakayo. Ngamin, naimon ti Apo a Diosyo; dina ipalubos nga adda kasalisalna.

Deuteronomio 7:10

ngem dinto bumdeng a mangdusa kadagiti gumura kenkuana.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

Josue 23:7

Dikay makilangen kadagiti nabati a tattao iti dennayo wenno baliksen ti nagan dagiti diosda wenno pagsapata ti naganda wenno agserbi kadakuada wenno agdaydayaw kadakuada.

Josue 24:19

Kinuna ni Josue kadagiti tattao, “Ngem diyo mabalin ti agserbi iti Apo ta nasantoan a Dios ket dina ipalubos nga adda kasalisalna. Dinanto pakawanen dagiti basol ken salungasingyo.

Uk-ukom 2:19

Ngem no matay ti panguloda, agsublida manen iti sigud nga aramidda. Agbalinda a dakdakes ngem ti immuna a kaputotan. Surotenda dagiti didiosen a pagserbian ken pagdaydayawanda. Iti kinasukirda, intultuloyda ti nagaramid iti dakes.