Exodo 20:3 - Ti Baro a Naimbag a Damag Biblia

³ “Dika agdaydayaw iti sabali a dios no di laeng siak.

Ti Biblia (1973)

³ Awan ti sabali a diosmo iti sangoc.

Exodo 20:3 Iomraidhean Croise

1 Ar-ari 11:4

ket idi lumakayen, indalanda nga agdaydayaw kadagiti didiosen. Saan a napudno ken ni Yahweh a Diosna a kas iti kinapudno idi ni David nga amana.

Dagiti Salmo 29:2

Idaydayawyo ti nadayag a nagan ti Apo; agparintumengkayo a sikakawes iti panagdaydayaw.

Dagiti Salmo 73:25

Adda aya masarakak sadi langit a kas kenka? Yantangay ta addaka kaniak, adda aya sabali a kayatko ditoy daga?

Dagiti Salmo 81:10

Siak ni Yahweh a Diosmo a nangiruar kenka idiay Egipto; agngangaka laeng ket itedko ti taraonmo.

Dagiti Salmo 81:9

Awanto ti sabali a dios iti nagtengngaanyo, wen, saankayto nga agrukbab iti sabali a dios.

Exodo 15:11

“Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Exodo 20:23

Dikay agaramid kadagiti didiosenyo a pirak wenno balitok a pagdaydayawanyo a kas iti panagdayawyo kaniak.

Exodo 22:19

“Papatayenyo ti siasinoman a makikaidda iti animal.

Exodo 23:24

Dikay agrukbab wenno agdaydayaw kadagiti didiosenda. Diyo tuladen dagiti ar-aramidenda. Dadaelenyo dagiti didiosenda ket rebbaenyo dagiti nasantoan a bato nga adigida.

Exodo 32:8

Binaybay-andan ti dalan nga imbilinko a surotenda. Nangsukogda iti sinan-toro ti baka manipud iti nalunag a balitok ket inaramidda a pagdaydayawan ken pagidatonan kadagiti sakrifisio. Kunkunada a daytoy ti diosda a nangiruar kadakuada idiay Egipto.

Exodo 34:14

“Dikay agdaydayaw iti sabali a dios, ta siak, ni Yahweh, diak ipalubos nga adda kasalisalko.

Isaias 26:4

Agtalekkayo nga agnanayon iti Apo; kanayon a salaknibannatayo.

Isaias 42:8

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Isaias 43:10

“Dakayo nga Israelita, dakayo ti saksik; pinilikayo a nasion nga agserbi kaniak tapno maam-ammodak ken mamatikayo, ket maawatanyo a sisiak ti Dios. Malaksid kaniak, awan ti sabali a Dios; awan ti immun-una ngem siak, ket awanto met ti sumaruno.

Isaias 44:8

Dikay agbuteng, dakay a tattaok! Ammoyo a manipud idi un-unana agingga ita, impakpakaunak dagiti amin a mapasamak, ket dakayo ti mangsaksi kaniak! Adda kadi sabali pay a Dios? Adda kadi mannakabalin a Dios a diak pay nadamdamag?”

Isaias 46:9

Laglagipenyo dagiti napasamak idi un-unana; bigbigenyo a siak laeng ti Dios, ket awan ti sabali a kas kaniak.

Jeremias 25:6

Imbagada a dikay agdaydayaw ken agserbi kadagiti sabali a dios. Saanyo a pagpungtoten ti Apo iti panagdaydayawyo kadagiti imahen nga inaramidyo. No tinungpalyo ti Apo, saannakay koma a dinusa.

Jeremias 35:15

Saanko nga insardeng ti panangibaonko kadagiti adipenko a profeta. Imbagbagada kadakayo nga isardengyo ti dakes nga aramidyo ket agaramidkayo iti naimbag. Binallaagandakayo a saankayo nga agdaydayaw ken agserserbi kadagiti sabali a dios tapno agtultuloy ti panagnaedyo iti daga nga intedko kadagidi kapuonanyo. Ngem saandak nga impangag wenno inkaskaso.

Jeremias 7:9

Agtakawkayo, pumataykayo, makikamalalakayo, sapataanyo ti ulbod, agidatagkay iti daton ken ni didiosen a Baal ken agdaydayawkayo kadagiti didiosen a diyo am-ammo.

Daniel 3:18

Ngem uray no dinakam isalakan, ammoem, O Natan-ok nga Ari, a dikam agdaydayaw iti diosmo, ket dikam agrukbab iti estatua a balitok nga impasdekmo.”

Oseas 13:4

Kuna ni Yahweh, “Siak, ni Yahweh a Diosyo, a nangiruar kadakayo idiay Egipto. Awan ti Diosyo no di la siak. Siak laeng ti mangisalakan kadakayo.

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

1 Taga-Corinto 8:4

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen awan ti napudpudno nga iladawanna; ammotayo a maymaysa laeng ti Dios.

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Taga-Efeso 5:5

Dikay agduadua iti daytoy: Awanto ti lugar ti mannakikamalala, narugit wenno naagum iti pagarian ni Cristo ken ti Dios. (Ta ti kinaagum ket maysa a kita ti panagrukbab iti didiosen.)

Deuteronomio 5:7

“‘Dikay agdaydayaw iti sabali a dios; siak laeng ti pagdaydayawanyo.

Deuteronomio 6:14

Dikay agrukbab kadagiti sabali a didiosen, iti uray ania a didiosen dagiti tattao iti likmutyo.

Deuteronomio 6:5

Ayatenyo ti Apo a Diosyo iti amin a pusoyo, iti amin a kararuayo, ken iti amin a pigsayo.

Taga-Filipos 3:19

Agtungpaldanto idiay infierno. Ibilangda ngamin a diosda dagiti paggarteman ti bagida. Pagpalangguadda dagiti rebbengda koma ketdi nga ibain, ket dagiti laeng nailubongan a bambanag ti pampanunotenda.

Taga-Colosas 2:18

Diyo ipalubos nga adda mangsaur kadakayo iti gunggonayo, isu a mangibagbaga nga ad-adda a nangnangruna ngem dagiti dadduma gapu kadagiti parmatana ken mangipapilit iti panagimpapakumbaba ken iti panagdayaw kadagiti angheles. Napalangguad nga awan gapuna ti kasta a tao. Nailubongan ti panagpampanunotna.

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 22:9

Ngem kinunana kaniak: “Saanmo nga aramiden ti kasta! Adipenak met a kas kenka, kas kadagiti kakabsatmo a profeta ken kas kadagiti amin nga agtulnog kadagiti sao iti daytoy a libro. Ti Dios laeng ti pagdaydayawam!”

Uk-ukom 6:10

Imbagak kadakayo a siak ti Apo a Diosyo, ket dikay agdaydayaw kadagiti didiosen dagiti Amorreo nga akindaga iti pagtataenganyo ita. Ngem didak met impangag.’”