Exodo 20:23 - Ti Baro a Naimbag a Damag Biblia

²³ Dikay agaramid kadagiti didiosenyo a pirak wenno balitok a pagdaydayawanyo a kas iti panagdayawyo kaniak.

Ti Biblia (1973)

²³ Dicayo agaramid cadagiti sabsabali a didios a pannacacadduac; didios a pirac, wenno didios a balitoc, dicayo agaramid a maipaay cadacayo.

Exodo 20:23 Iomraidhean Croise

2 Ar-ari 17:33

Iti kasta, nagdaydayawda ken ni Yahweh nupay nagdaydayawda met kadagiti bukodda a dios, a kas iti ugali dagiti pagilian a naggapuanda.

2 Ar-ari 17:41

Ngarud, nagdaydayaw dagita a tattao ken ni Yahweh ngem nagdaydayawda met kadagiti imahen dagiti diosda. Agpapan ita, kasta pay laeng ti aramid dagiti kaputotanda.

Exodo 32:31

Nagsubli ni Moises ken ni Yahweh ket kinunana, “Nadagsen ti basol dagitoy a tattao! Nangaramidda iti dios a balitok ket nagdaydayawda kenkuana.

Exodo 34:17

“Dikay mangsukog kadagiti didiosen a pagdaydayawanyo.

Ezekiel 20:39

Kinuna ti Apo a Dios, “Ita, dakay amin nga Israelita, aramidenyo ti kaykayatyo; ituloyyo latta ti agserbi kadagiti didiosenyo. Ngem ballaagankayo a kalpasan daytoy, masapul nga agtulnogkayo kaniak ket diyo ibabain ti nasantoan a naganko babaen iti panagidatagyo iti sagut kadagiti didiosen.

Ezekiel 43:8

Indekket dagiti ari dagiti inaramidda a dapian ken baotek ti palasioda kadagiti dapian ken baotek ti Templok. Diding laeng ti nagbabaetanmi. Tinulawanda ti nasantoan a naganko kadagiti makarimon nga aramidda ket gapu iti pungtotko, dinadaelko ida.

Daniel 5:23

Nagaramidka iti maibusor iti Apo ti langit ket innalam dagiti tasa ken malukong iti Templona. Inusarmo ida a naginumam iti arak a kaduam dagiti ofisialesmo, dagiti assawam ken dagiti kamalalam. Nagdaydayawkayo kadagiti didiosen a naaramid iti balitok, pirak, bronse, landok, kayo ken bato, didiosen a di makakita wenno makangngeg ken awan ammona. Ngem dimo pinadayawan ti Dios a mangtengtengngel iti biagmo ken iti amin nga aramidmo.

Daniel 5:4

bayat ti panagdaydayawda kadagiti didiosen a naaramid iti balitok, pirak, bronse, landok, kayo ken bato.

Levitico 19:4

“Dikay agrukbab kadagiti didiosen wenno agaramid iti imahen a pagrukbabanyo. Siak ni Yahweh a Diosyo.

Sofonias 1:5

Dadaelekto ti siasinoman a mapan iti tuktok ti balay nga agdaydayaw iti init, iti bulan ken kadagiti bituen. Dadaelekto pay dagiti agdaydayaw kaniak ken mangisapata iti kinapudnoda kaniak ngem pagsapatada met ti nagan ni didiosen a Milcom.

Deuteronomio 27:15

“‘Maipatay ti lunod ti Dios iti siasinoman nga agaramid iti didiosen a bato, kayo wenno metal ket pagdaydayawanna iti nalimed. Kagura ti Apo ti panagdaydayaw kadagiti didiosen.’ “‘Amen,’ isungbatto dagiti tattao.

Deuteronomio 29:17

Nakitayo dagiti makarimon a didiosenda a naaramid iti kayo, bato, pirak ken balitok.

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Uk-ukom 17:3

Idi maited kenkuana dagiti bagi ti pirak, kinuna ti ina, “Tapno maikkat ti lunod kenka, anakko, idatonko daytoy a pirak iti Apo. Agserbinto iti pannakaaramid iti imahen makalupkopan iti pirak. Isublik met la ngarud kenka.”