Exodo 20:2 - Ti Baro a Naimbag a Damag Biblia

² “Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Ti Biblia (1973)

² Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 20:2 Iomraidhean Croise

1 Ar-ari 18:39

Idi makita daytoy dagiti tattao, nagpaklebda ket impukkawda, “Ti Apo ti Dios, ti laeng Apo ti Dios!”

2 Ar-ari 17:12

Nagdaydayawda kadagiti didiosen uray no iparit ni Yahweh.

2 Ar-ari 17:7

Naparmek ti Samaria gapu ta nagbasol dagiti Israelita ken ni Yahweh a Diosda a nangispal kadakuada iti Faraon ken nangiruar kadakuada idiay Egipto. Nagdaydayawda kadagiti didiosen,

2 Cronicas 28:5

Gapu ta nagbasol ni Ahaz, impalubos ni Yahweh a Diosna a parmeken ti ari ti Siria ken alaenna ti adu a taga-Juda a kas balud iti panagsublina idiay Damasco. Impalubos pay ni Yahweh iti ari ti Israel, ni Peka nga anak ni Remalias, a parmekenna ni Ahaz ken patayenna ti 120,000 a mannakigubat a taga-Juda iti maysa nga aldaw. Impalubos ni Yahweh a Dios dagiti kapuonanda a mapasamak daytoy agsipud ta tinallikudanda.

Dagiti Salmo 50:7

“Tattaok, dumngegkayo ket innak agsao; maibusor kenka, Israel, ti pammaneknekko. Siak ti Apo a Diosmo.

Dagiti Salmo 81:10

Siak ni Yahweh a Diosmo a nangiruar kenka idiay Egipto; agngangaka laeng ket itedko ti taraonmo.

Dagiti Salmo 81:11

“Ngem didak impangag dagiti tattaok; saan a nagtulnog kaniak ti Israel.

Dagiti Salmo 81:7

Idi adda rigatmo, immawagka kaniak ket inlisika; manipud gurruod a paglemlemmengak, sinungbatanka, sinuotka idi addaka iti ubbog ti Meriba.

Exodo 13:14

Iti masakbayan, no saludsodento ti anakyo no ania ti kayat a sawen daytoy, kunayonto, ‘Babaen iti dakkel a pannakabalinna, inruarnakami ti Apo idiay Egipto, ti lugar a nakatagabuanmi.

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 15:13

Napudnoka iti karim, idalanmo dagiti inispalmo a tattao; babaen iti pigsam iturongmo ida iti nasantoan a taengmo.

Exodo 15:16

Buteng ken alliaw ti manglengnges kadakuada. Gapu iti kasta unay a pigsam, O Apo, kasda la bato a di makakuti, agingga a makalasat dagiti tattaom nga inispalmo iti pannakatagabuda.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Exodo 20:1

Nagsao ti Dios ket adtoy dagiti balikasna:

Exodo 29:46

Maammoandanto a siak ni Yahweh a Diosda a nangiruar kadakuada idiay Egipto tapno agnaedak iti sidongda. Siak ni Yahweh a Diosda.

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Isaias 43:3

Ta siak ni Yahweh a Diosmo, ti Nasantoan a Dios ti Israel a mangisalakan kenka. Yawatkonto ti Egipto tapno mawayawayaanka; yawatkonto ti Etiopia ken ti Seba.

Jeremias 16:14

Kuna ti Apo, “Umayen ti tiempo nga awanton ti agsapata iti naganko a sibibiag a Dios a nangiruar kadagiti Israelita manipud idiay Egipto.

Jeremias 2:6

Saanda a sinaludsod, ‘Sadino ti ayan ti Apo a nangiruar kadatayo idiay Egipto? Sadino ti ayan ti nangidalan kadatayo idiay let-ang, daga a langalang ken ayan ti adu nga abut, namaga ken napeggad a daga, daga a saan a mapagpagnaan ken daga nga awan agnaed?’

Jeremias 31:1

Kuna ni Yahweh, “Dumtengen ti tiempo a siakto ti Dios ti amin a tribu ti Israel ket isudanto dagiti tattaok.

Jeremias 31:33

Inton dumteng dayta a tiempo, kastoyto ti pagtutulaganmi kadagiti Israelita: Ikabilkonto ti lintegko iti panunotda ket isuratkonto iti pusoda. Siakto ti Diosda ket isudanto dagiti tattaok.

Jeremias 34:13

a Dios ti Israel nga ibagak kadagiti tattao, “Nakitulagak kadagidi kapuonanyo idi iruarko ida idiay Egipto a nakatagabuanda. Imbagak kadakuada

Ezekiel 20:19

Siak ti Apo a Diosyo. Tungpalenyo dagiti linteg ken bilinko.

Ezekiel 20:5

Ibagam kadakuada ti kunak. Idi pinilik ti Israel, nagsapataak kadakuada. Imparangarangko ti bagik kadakuada idiay Egipto. Imbagak kadakuada: ‘Siak ni Yahweh a Diosyo.’

Ezekiel 20:7

Imbagak kadakuada nga ibellengda dagiti makarimon a didiosen nga ipangpangrunada ket dida tulawan dagiti bagbagida kadagiti didiosen ti Egipto, ta siak ni Yahweh a Diosda.

Oseas 12:10

“Nagsaoak kadagiti profeta ket nagipakitaak kadakuada iti adu a parmata. Babaen kadagiti profeta, binallaagak dagiti tattaok.

Oseas 13:4

Kuna ni Yahweh, “Siak, ni Yahweh a Diosyo, a nangiruar kadakayo idiay Egipto. Awan ti Diosyo no di la siak. Siak laeng ti mangisalakan kadakayo.

Levitico 11:45

Siak ni Yahweh a nangiruar kadakayo idiay Egipto tapno agbalinak a Diosyo. Masapul a nasantoankayo agsipud ta nasantoanak.

Levitico 19:36

Aramatenyo ti husto a pagrukod, husto a pagtimbangan, ken husto a pagsukatan. Siak ni Yahweh a Diosyo a nangiruar kadakay idiay Egipto.

Levitico 23:43

tapno maammoan dagiti kaputotanyo a nagnaed dagiti Israelita kadagiti nanumo nga abong-abong idi inruar ida ti Apo idiay Egipto. Isu ti Apo a Diosyo.

Levitico 25:38

Daytoy ti bilin ti Apo a Diosyo a nangiruar kadakayo idiay Egipto tapno itedna kadakayo ti daga ti Canaan ken tapno agbalin a Diosyo.

Levitico 25:42

Adipen ti Apo dagiti Israelita ket isu ti nangiruar kadakuada idiay Egipto. Saanda a mailako a kas tagabu.

Levitico 25:55

Saan a mabalin a tagabu iti agnanayon ti maysa nga Israelita agsipud ta adipen ti Apo dagiti tattao ti Israel. Inruarna ida idiay Egipto; isu ti Apo a Diosda.

Levitico 26:1

Kinuna ni Yahweh, “Dikay agaramid kadagiti imahen wenno mangipasdek kadagiti estatua, adigi a bato wenno nasukog a bato a pagrukbaban. Siak ni Yahweh a Diosyo.

Levitico 26:13

Siak, ni Yahweh a Diosyo, ti nangiruar kadakayo idiay Egipto tapno saankayon a matagabu. Inikkatko ti sangol a nangimameg kadakayo, isu a mabalinyo ti magna nga awan ti kabainyo.”

Amos 2:10

Siak ti nangiruar kadakay idiay Egipto. Indalankay idiay let-ang iti 40 a tawen ket intedko a tagikuaenyo ti daga dagiti Amorreo.

Taga-Roma 10:12

Mairaman amin a tattao iti daytoy, agsipud ta awan ti pakaigiddiatan dagiti Judio kadagiti Hentil. Ti Dios met laeng ti Apo ti isuamin, ket bendisionanna a sibubuslon ti amin nga umawag kenkuana.

Taga-Roma 3:29

Dagiti Judio laeng aya ti akin-Dios iti Dios? Saan aya nga isu met ti Dios dagiti Hentil? Wen, isu met ti Diosda.

Deuteronomio 13:10

Batoenyo agingga a matay! Pinanggepnakayo nga isina iti Apo a Diosyo a nangiruar kadakayo idiay Egipto a nakatagabuanyo.

Deuteronomio 15:15

Laglagipenyo a natagabukayo met idi idiay Egipto ket winayawayaannakayo ti Apo a Diosyo; daytoy ti gapuna nga itedko kadakayo ita daytoy a bilin.

Deuteronomio 20:1

Intuloy ni Moises, “No inkay gubaten dagiti kabusoryo ket makitayo dagiti lugan a pakigubat ken dagiti kabalio ken ti armada a nabilbileg ngem ti armadayo, dikay agbuteng kadakuada. Tulongannakayto ti Apo a Diosyo a nangiruar kadakayo idiay Egipto.

Deuteronomio 5:15

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Deuteronomio 5:6

‘Siak ni Yahweh a Diosyo a nangiruar kadakayo idiay Egipto, ti daga a nakatagabuanyo.

Deuteronomio 7:8

Ngem inayatnakayo ti Apo ket tinungpalna ti inkarina kadagidi kapuonanyo. Daytoy ti gapuna nga insalakannakayo iti ari ti Egipto babaen iti naindaklan a pannakabalinna.

Uk-ukom 2:1

Manipud Gilgal, napan ti anghel ni Yahweh idiay Bokim, ket kinunana kadagiti Israelita, “Inruarkay idiay Egipto ket inyegkay iti daga nga inkarik kadagidi kapuonanyo. Kinunak idi a diakto waswasen ti tulagko kadakayo.

Uk-ukom 6:10

Imbagak kadakayo a siak ti Apo a Diosyo, ket dikay agdaydayaw kadagiti didiosen dagiti Amorreo nga akindaga iti pagtataenganyo ita. Ngem didak met impangag.’”