Exodo 20:12 - Ti Baro a Naimbag a Damag Biblia

¹² “Dayawem da amam ken inam tapno napaut ti panagbiagmo iti daga nga itedko kenka.

Ti Biblia (1973)

¹² Dayawem ni amam ken ni inam, tapno umatiddug dagiti aldawmo iti daga nga ni Jehova a Diosmo itedna kenca.

Exodo 20:12 Iomraidhean Croise

Genesis 48:12

Innala ni Jose dagiti ubbing iti saklot ni Jacob ket nagpakleb iti daga iti sango ni amana a kas pammadayawna kenkuana.

Genesis 50:12

Tinungpal dagiti annak ni Jacob ti imbilin ti amada kadakuada.

1 Ar-ari 2:19

Napan ni Batseba ken ni Ari Solomon tapno ibagana ti dawat ni Adoniha. Timmakder ti ari a nangkablaaw ken ni Batseba ket nagtamed ken ni inana. Nagtugaw iti tronona sa nagpaala iti pagtugawan ni inana. Nagtugaw ni Batseba iti makannawanna.

2 Ar-ari 2:12

Nakita ni Eliseo daytoy ket impukkawna ken ni Elias, “O amak! O amak! Nabileg a salaknib ti Israel! Awankan!” Manipud idin, saannan a nakita ni Elias. Gapu iti lidayna, pinigis ni Eliseo ti kawesna.

Exodo 21:15

“Siasinoman a mangkabil iti ama wenno inana, rumbeng a mapapatay.

Exodo 21:17

“Siasinoman a mangilunod iti ama wenno iti inana, rumbeng a mapapatay.

Dagiti Proverbio 15:5

Kinamaag ti saan a panangikankano iti pannursuro ni amam kenka; ipakitam a masiribka no ipangagmo ti panangisurona.

Dagiti Proverbio 17:6

Ipannakkel dagiti lallakay dagiti appokoda kas iti panangipanakkel dagiti barito kadagiti ammada.

Dagiti Proverbio 20:20

No ilunodmo dagiti nagannak kenka, aggibus ti biagmo a kas iti pagsilawan a maiddep iti kasipngetan.

Dagiti Proverbio 28:24

No ipagarupmo a saan a biddut ti panangtakawmo iti sanikua dagiti nagannak kenka, awan dumam iti gagangay a mannanakaw.

Dagiti Proverbio 3:16

Ipaayna kenka ti atiddog a biag, kasta met ti kinabaknang ken dayaw.

Dagiti Proverbio 30:11

Adda dagiti tattao a mangilunod kadagiti ammada ket awan a pulos panagraemda kadagiti innada.

Dagiti Proverbio 30:17

Ti tao a manglais iti amana wenno mangumsi iti kinabaket ti inana, rumbeng a maipakan kadagiti agila wenno tuktoken dagiti narungsot a wak ti matana.

Jeremias 35:18

Ket imbagak kadagiti kaputotan ni Recab ti sao ni Yahweh a Mannakabalin-amin a Dios ti Israel, “Tinungpalyo ti bilin kadakayo ni Jonadab a kapuonanyo. Sinurotyo dagiti amin a pannursurona ket inaramidyo dagiti amin nga imbilinna kadakayo.

Jeremias 35:7

Imbilinna pay a saankami nga agbalay, wenno agtalon, agmula wenno gumatang iti kaubasan. Imbilinna nga agnaedkami iti tolda iti unos ti panagbiagmi tapno agbayagkami iti daga a pagnaedanmi a kas ganggannaet.

Ezekiel 22:7

Awan tao iti siudad nga agraem kadagiti nagannak kadakuada. Saurem dagiti ganggannaet ket gundawayam dagiti balo a babbai ken dagiti ulila.

Levitico 19:3

Masapul a raemen ti tunggal maysa dagiti nagannak kenkuana ket ngilinenyo ti Aldaw a Panaginana a kas imbilinko. Siak ni Yahweh a Diosyo.

Levitico 19:32

“Ipakitayo ti panagraemyo kadagiti lallakay ken babbaket. Respetarenyo ida ket agbutengkayo iti Dios. Siak ni Yahweh.

Malakias 1:6

Kuna ti Apo a Mannakabalin-amin kadagiti papadi, “Raemen ti anak ti amana. Raemen met ti adipen ti apona. Siak ti amayo, ngem apay a didak dayawen? Siak ti apoyo, ngem apay a didak raemen? Lalaisendak, ngem saludsodenyo pay laeng, ‘Kasano ti pananglaismi kenka?’

San Mateo 19:19

agraemka kadagiti nagannak kenka; ken ayatem ti padam a tao a kas iti panagayatmo iti bagim.”

San Marcos 10:19

Ammom dagiti bilbilin: ‘Dika mamapatay. Dika makikamalala. Dika agtakaw. Dika agsaksi iti ulbod. Dika agsuitik. Agraemka kadagiti nagannak kenka.’”

San Marcos 7:10

Ta imbilin ni Moises, ‘Dayawem da amam ken inam,’ ken ‘Ti agsao iti dakes ken ni ama wenno inana rebbengna a mapapatay.’

San Lucas 18:20

Ammom dagiti bilbilin: ‘Dika makikamalala; dika mamapatay; dika agtakaw; dika agsaksi iti ulbod; agraemka kadagiti nagannak kenka.’”

Taga-Efeso 5:21

Paiturayankay iti maysa ken maysa kas pakakitaan iti panagraemyo ken ni Cristo.

Deuteronomio 11:8

“Tungpalenyo dagiti amin nga imbilinko kadakayo ita nga aldaw tapno maaddaankayo iti pigsa a mangsakup iti daga a papananyo.

Deuteronomio 11:9

Ket napautto ti panagbiagyo iti nabaknang ken nadam-eg a daga nga inkari ti Apo nga ited kadagidi kapuonanyo ken kadagiti kaputotanda.

Deuteronomio 21:18

“No nasukir ti maysa nga anak, ket dina italtalek ti panangdisiplina dagiti nagannak kenkuana,

Deuteronomio 25:15

Usarenyo ti husto a timbangan ken pagsukatan tapno napaut ti panagbiagyo iti daga nga ited kadakayo ti Apo a Diosyo.

Deuteronomio 27:16

“‘Maipatay ti lunod ti Dios iti siasinoman a di agraem kadagiti nagannak kenkuana.’ “‘Amen,’ isungbatto dagiti tattao.

Deuteronomio 32:47

Saan nga ubbaw dagitoy a pannursuro. Isuda ti biagyo. Tungpalenyo ida ket napautto ti biagyo iti daga a sakupenyo iti ballasiw ti Jordan.”

Deuteronomio 4:26

No sukirendak, awagak ti langit ken daga nga agsaksi a maibusor kadakayo ket mapukawkayo a mamimpinsan iti daga. Ababanto ti panagbiagyo iti daga a dandaniyo sakupen iti ballasiw ti Jordan. Madadaelkayto a mamimpinsan.

Deuteronomio 4:40

Tungpalenyo dagiti bilinna nga intedko kadakayo ita nga aldaw tapno kanayon a narang-aykayo agraman dagiti kaputotanyo ken kukuayonto nga agnanayon ti daga nga ited kadakayo ti Apo a Diosyo.”

Deuteronomio 5:16

“‘Raemenyo dagiti nagannak kadakayo tapno nasayaatto ti kasasaadyo ken napautto ti panagbiagyo iti daga nga itedko kadakayo. Siak, ni Yahweh a Diosyo, ibilinko nga aramidenyo daytoy.

Deuteronomio 5:33

Tungpalenyo amin ida tapno narang-aykayto ket atiddogto ti biagyo iti daga nga inkay tagikuaen.”

Deuteronomio 6:2

Bayat ti panagbiagyo, masapul nga agbutengkayo iti Apo a Diosyo ket tungpalenyo dagiti amin a lintegna nga itedko kadakayo tapno napautto ti panagbiagyo sadiay.

Taga-Colosas 3:20

Annak, agtulnogkayo kadagiti nagannak kadakayo, ta daytoy ti pakaragsakan ti Dios.

Ruth 3:6

Napan ni Ruth iti pagirikan ket inaramidna amin nga imbilin ti katuganganna.

1 Samuel 22:3

Manipud sadiay, napan ni David idiay Mizpa nga ili iti Moab, ket kinunana iti ari ti Moab, “Pangngaasim ta ipalubosmo nga agdagus pay la kenka ni tatangko ken ni nanangko agingga a maammoak no ania ti aramiden ti Dios kaniak.”