Exodo 20:11 - Ti Baro a Naimbag a Damag Biblia

¹¹ Iti las-ud ti innem nga aldaw, siak, ni Yahweh, inaramidko ti langit, daga, dagiti baybay agraman dagiti amin a linaonda, ngem naginanaak iti maikapito nga aldaw. Isut' gapuna a siak, ni Yahweh, binendisionak ti Aldaw a Panaginana ket intuyangko nga aldaw a nasantoan.

Ti Biblia (1973)

¹¹ Ta cadagiti innem nga aldaw ni Jehova inaramidna ti langit ken daga, ti taaw, ken amin nga adda cadacuada, ket naginana iti maicapito nga aldaw: isu ti gapuna a ni Jehova binendicionanna ti aldaw a panaginana, ken sinantificarna.

Exodo 20:11 Iomraidhean Croise

Genesis 1:28

Binendisionanna ida a kunana, “Aganakkayo iti adu tapno agnaedto dagiti kaputotanyo iti amin a paset ti daga ket iturayandanto ti daga. Iturayanyo dagiti ikan, dagiti tumatayab, ken amin nga atap nga animal.

Genesis 1:31

Kinita ti Dios dagiti amin nga inaramidna, ket napalalo ti ragsakna. Limmabas ti rabii, ket dimteng ti bigat. Daytoy ti maikanem nga aldaw.

Exodo 31:17

Agserbi daytoy a palagip kaniak ken iti entero nga Israel ket agtalinaed iti agnanayon. Ngamin, siak ni Yahweh, pinarsuak ti langit ken ti daga iti las-ud ti innem nga aldaw ket naginanaak iti maikapito nga aldaw.”

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Exodo 9:29

Kinuna ni Moises kenkuana, “Apaman a makaruarak iti siudad, agkararagakto iti Apo. Sumardengton ti gurruod ket awanton ti agtinnag a yelo, tapno maammoam a ti Apo ti akinkukua iti daga.

Isaias 42:10

Kantaanyo ti Apo iti baro a kanta; dakayo iti lubong, kantaenyo ti pagdaydayaw kenkuana! Idaydayawyo, dakayo nga aglayag iti baybay; idaydayawyo, dakayo amin a parsua iti taaw! Agkantakayo, dakayo nga adayo a daga, ken amin nga agnaed sadiay!

Isaias 48:13

Impasdekko dagiti fondasion ti daga; inyukradko dagiti langlangit. No awagak ti langit ken daga, umayda a dagus ket dumatagda.

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Dagiti Aramid 20:7

Iti umuna nga aldaw ti lawas, naggigimongkami tapno rambakanmi ti pannakapispisi ti tinapay. Nagsao ni Pablo kadagiti tattao ket saan a nagsardeng agingga iti tengnga ti rabii. Pumanaw ngamin iti kabigatanna.

Dagiti Aramid 4:24

Idi mangngegda daytoy, nagmaymaysada a nagkararag iti Dios. Kinunada, “O Apo a Namarsua iti langit ken daga, iti taaw ken kadagiti amin nga adda kadakuada!

Deuteronomio 5:15

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Hebreo 4:4

Ta kuna ti maysa a paset ti Nasantoan a Surat maipapan iti maikapito nga aldaw: “Naginana ti Dios kadagiti amin nga aramidna iti maikapito nga aldaw.”

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.