Exodo 2:3 - Ti Baro a Naimbag a Damag Biblia

³ Ngem idi dinan mailemmeng, nangala iti basket a naaramid iti runo ket pinastaanna iti alketran tapno saan a makastrek ti danum. Inkargana ti ubing iti uneg ti basket sana inkabil iti karunoan iti igid ti karayan.

Ti Biblia (1973)

³ Ket idi dina mabalin nga ilemmengen, inyalaanna iti maysa a bassit a bilog a runo a ginalagalaanna iti pitac ken betun; ket idiay ti nangicabilanna iti ubing, ket indissona iti carorootan iti igid ti carayan.

Exodo 2:3 Iomraidhean Croise

Genesis 11:3

Nagtutulagda nga agaramid iti adu a ladrilio ket lutuenda a naimbag tapno tumangken. Ket naaddaanda kadagiti ladrilio a pagbangonda ken alketran a pannakasementoda.

Genesis 14:10

Nasaknapan ti tanap kadagiti abut a naikkan iti alketran ket idi itarayan dagiti ari ti Sodoma ken Gomorra ti paggugubatan, natnagda kadagiti palab-og. Nakataray dagiti tallo nga ari ket nagkamangda kadagiti kabambantayan.

Genesis 6:14

Mangalaka kadagiti tarikayo a sedro ket mangaramidka iti dakkel a daong nga addaan kadagiti kuarto. Pastaam iti alketran iti uneg ken iti ruar.

Exodo 1:22

Imbilin ti ari ti Egipto kadagiti amin nga iturayanna nga ibellengda iti karayan Nile ti amin a kaippasngay a lallaki a Hebreo, ngem palubosanda nga agbiag dagiti babbai.

Isaias 18:2

Manipud iti dayta a daga, maibaon dagiti embahador a nakalugan kadagiti bilog a naaramid iti runo ket aglayagda iti Karayan Nile. Agsublikayo, dakayo a napardas a babaonen, iti dagayo a biningay dagiti karayan. Yawidyo ti maysa a mensahe a maiturong iti napigsa ken nabileg a nasionyo, kadagiti natatayag ken nalinis ti kudilna a kailianyo a pagbutbutngan ti entero a lubong.

Isaias 19:6

Mabungsotto dagiti pagayusan ti karayan bayat ti in-inut a panages-esna. Malaylayto dagiti runo ken tanubong.

Isaias 35:7

agbalinto a dan-aw ti dumardarang a kadaratan, ket agubbogto ti namaga a daga. Dagiti ruruot agbalindanto a tanubong ken runo iti lugar a taeng idi dagiti atap nga aso.

San Mateo 2:13

Kalpasan ti ipapanaw dagiti mamasirib, nagparang ken ni Jose ti maysa nga anghel ti Apo, iti maysa a tagtagainep. Kinunana, “Bumangonka; inka ipakni dagiti agina idiay Egipto. Agyankayo sadiay agingga't ibagak a pumanawkayo. Ta sapulento ni Herodes ti ubing tapno papapatayna.”

San Mateo 2:16

Napalalo a pungtot ni Herodes idi madlawna a sinikapan dagiti mamasirib. Iti kasta, imbilinna a mapapatay amin nga ubbing a lallaki nga agtawen iti dua wenno nababbaba iti ili a Betlehem ken kadagiti kabangibangna. Naibatay daytoy nga aramid iti kinuna dagiti sangaili maipapan iti panagparang ti bituen.

Dagiti Aramid 7:19

Sinikapanna dagiti kapuonantayo. Naranggas kadakuada ket napilitanda a mangbaybay-a kadagiti tagtagibida iti ruar ti balayda tapno matayda.