Exodo 19:8 - Ti Baro a Naimbag a Damag Biblia

⁸ Sangsangkamaysa a simmungbat dagiti amin a tattao a tungpalenda ti amin nga imbaga ni Yahweh. Ket impakaammo ni Moises ken ni Yahweh ti insungbat dagiti tattao.

Ti Biblia (1973)

⁸ Ket amin dagiti tattao naggigiddanda a simmungbat, ket kinunada, Amin a sinao ni Jehova aramidenminto. Ket ni Moises indanunna dagiti sasao dagiti tattao ken Jehova.

Exodo 19:8 Iomraidhean Croise

Nehemias 10:29

makipagsapatakami kadagiti nalatak a kakabsatmi a madusakami iti pannakailunod no saanmi a tungpalen ti sapata, ket agbiagkami kas mayannurot iti Linteg ti Dios nga intedna babaen ken ni Moises nga adipenna. Tungpalenmi dagiti amin a linteg nga ibilin kadakami ti Apo a Diosmi.

Exodo 20:19

Kinunada ken ni Moises, “No sika ti makisao kadakami, dumngegkami. Ngem saan koma a ti Dios amangan no mataykami.”

Exodo 24:3

Napan imbaga ni Moises kadagiti tattao ti amin a bilin ken alagaden nga inted ni Yahweh. Sangsangkamaysada amin a simmungbat, “Aramidenmi ti amin nga imbaga ti Apo.”

Exodo 24:7

Innalana ti libro ti tulag a nakailanadan dagiti bilin ni Yahweh sana binasa iti napigsa. Kinuna dagiti tattao, “Agtulnogkami iti Apo ket tungpalenmi amin nga imbilinna.”

Exodo 4:31

Namatida. Idi nangngegda a sinarungkaran ida ni Yahweh ket nakitana ti pannakaparparigatda, nagdumogda sada nagdaydayaw.

Josue 24:21

“Saan! Agserbikami iti Apo,” kinuna dagiti tattao.

Josue 24:24

“Agserbikam iti Apo a Diostayo, ket tungpalenmi dagiti bilinna,” insungbatda.