Exodo 19:6 - Ti Baro a Naimbag a Damag Biblia

⁶ tattao a naikonsagrar nga agpaay laeng kaniak ket agserbikayonto kaniak a kas papadi.”

Ti Biblia (1973)

⁶ Ket dacayonto caniac ti maysa a pagarian a papadi, ken maysa a nasantoan a nacion. Dagitoy dagiti sao nga ibagamto cadagiti annac ti Israel.

Exodo 19:6 Iomraidhean Croise

1 Ar-ari 3:8

Addaak iti sidong dagiti pinilim a tattaom, isuda a saan a mabilang ti kaaduda.

1 Ar-ari 8:53

Pinilim ida kadagiti amin a tattao tapno agbalinda a tattaom kas impakaammom ken ni Moises nga adipenmo idi inruarmo dagiti kapuonanmi idiay Egipto.”

1 Cronicas 17:22

Pinagbalinmo dagiti Israelita a tattaom iti agnanayon ket sika, O Apo, ti nagbalin a Diosda.

Dagiti Salmo 114:2

nagbalin ti Juda a santuario ti Apo, nagbalin ti Israel a sanikuana.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Exodo 22:31

“Dakayo dagiti tattaok, isu a dikay agsida iti karne ti animal a pinatay dagiti narungsot nga ayup. Itedyo ketdi dagitoy kadagiti aso.

Exodo 28:36

“Mangaramidka iti arkos a puro a balitok a nakaikitikitan iti daytoy: ‘Naidaton ken ni Yahweh.’

Isaias 43:4

Yawatkonto dagiti nasion tapno maisalakan ti biagmo. Napategka ngamin kaniak gapu ta itan-okka ken ay-ayatenka.

Isaias 61:6

Maawagankayto iti papadi ti Apo, dakayto ti agsagrap iti kinabaknang dagiti pagilian, ket itangsityonto ti panangtagikuayo.

Isaias 62:12

Maawagankayto iti “Nasantoan a Tattao ti Dios,” “Tattao nga Insalakan ti Apo!” Maawaganto ti Jerusalem iti “Siudad nga Ay-ayaten ti Dios,” “Ti Siudad a Saan a Binaybay-an ti Dios.”

Isaias 66:21

Pagbalinekto a papadi ken Levita ti sumagmamano kadakuada.

Jeremias 13:11

Kas iti irut ti pannakaisuot ti linen a sapin iti siket, kayatko a kasta met ti irut ti ikakapet dagiti amin nga Israelita ken taga-Juda kaniak. Inaramidko daytoy tapno isudanto ti agbalin a tattaok a mangidaydayaw ken mangitan-ok iti naganko. Ngem dida met agtulnog kaniak.”

Jeremias 2:3

Israel, nailasinka nga agpaay kaniak, sika ti pinilik a kasayaatan a bunga. Pinagsagabak dagiti amin a nangranggas kenka; inyegko ti didigra kadakuada. Daytoy ti sao ni Yahweh.”

Jeremias 7:23

Ngem imbilinko kadakuada nga agtulnogda kaniak tapno siak ti Diosda ket isuda dagiti tattaok. Imbagak met kadakuada nga annurotenda ti panagbiag nga imbilinko tapno rumang-ayda.

Levitico 19:2

nga ibagana daytoy iti sangkagimongan ti Israel, “Agbalinkayo a nasantoan agsipud ta nasantoan ni Yahweh a Diosyo.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Levitico 20:26

Agbiagkayo a nasantoan ket siak laeng ti pagpaayanyo, ta siak ni Yahweh ket nasantoanak. Pinilikayo kadagiti sabali a tattao tapno siak laeng ti pagpaayanyo.

Levitico 21:23

ngem gapu ta adda depekto ti bagina, saan a mapalubosan nga umasideg iti nasagradoan a kurtina wenno mapan iti altar. Saanna a tulawan dagitoy nasantoan a banag gapu ta siak ni Yahweh a mamagbalin kadagitoy a nasantoan.”

Amos 3:2

“Kadagiti amin a nasion ditoy daga, dakayo laeng ti binigbigko ken tinaripatok. Iti kasta, dusaenkayo gapu kadagiti amin a basolyo.”

Haggeo 2:5

Idi rummuarkayo idiay Egipto, inkarik a dikay baybay-an. Addaak pay laeng kadakayo, isut' gapuna a dikay agbuteng.

Numero 16:3

Naguummongda iti sango da Moises ken Aaron ket kinunada kadakuada, “Aglablabeskayon! Kukua ti Apo ti amin a kameng ti gimong ket adda ti Apo kadatay amin. Moises, apay nga insaadyo ti bagiyo a nangatngato ngem ti gimong ti Apo?”

Taga-Roma 12:1

Kakabsatko, dawatek ngarud kadakayo, a gapu iti naindaklan nga asi ti Dios kadatayo, ipaayyo koma ti bagiyo a kas daton a sibibiag, nasantoan ken makaay-ayo kenkuana. Daytoy ti pudno a panagdaydayaw a rumbeng nga ipaayyo.

1 Taga-Corinto 3:17

Ngarud, ti siasinoman a mangdadael iti templo ti Dios, dadaelento met ti Dios. Ta nasantoan ti templo ti Dios, ket dakayo a mismo ti templona.

Deuteronomio 14:21

“Dikay agsida iti animal a natay; ngem mabalin a sidaen dagiti ganggannaet nga agnaed iti iliyo wenno ilako kadakuada. Ta nasagradoankayo a tattao; kukuanakayo ti Apo a Diosyo. “Diyo angren ti urbon a karnero wenno urbon a kalding iti gatas ti inana.”

Deuteronomio 26:19

Pagbalinennakay a nabilbileg ngem dagiti dadduma a pagilian a pinarsuana ket maidaydayaw ken maitan-okto ti naganna. Dakayto dagiti nasantoan a tattaona a kas inkarina.”

Deuteronomio 28:9

“No agtulnogkayo iti Apo a Diosyo ket tungpalenyo ti amin a bilinna, pagbalinennakayto a tattaona a kas inkarina.

Deuteronomio 7:6

Aramidenyo daytoy ta tattaonakayo ti Apo a Diosyo. Pinilinakayo iti amin a pagilian tapno agbalinkayo a naidumduma a gamengna.

1 Taga-Tesalonica 5:27

Igunamgunamko kadakayo, babaen iti pammalubos ti Apo, nga ibasayo daytoy a surat kadagiti amin a kakabsat.

1 Pedro 2:5

Umasidegkayo a kas sibibiag a batbato a maaramat iti pannakabangon ti naespirituan a templo. Agserbikayo a kas nasantoan a papadi a mangipaay iti daton a naespirituan ken makaay-ayo iti Dios babaen ken Jesu-Cristo.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

Paltiing 1:6

Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Paltiing 20:6

Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.

Paltiing 5:10

Pinagbalinmo ida a pagarian tapno agserbida a kas papadi iti Diostayo; Ket agturaydanto ditoy daga.”