Exodo 19:5 - Ti Baro a Naimbag a Damag Biblia

⁵ Ita, no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok,

Ti Biblia (1973)

⁵ Ita ngarud, no umannugutcayo a napaypayso iti saoc ket salimetmetanyo ti tulagco iti casta dacayonto iti ipangpangrunac cadagiti amin a tattao: ta amin ti daga cucuac:

Exodo 19:5 Iomraidhean Croise

Genesis 17:9

Kinuna ti Dios ken ni Abraham, “Masapul a tungpalem met ti nagtulaganta, sika ken dagiti sumarsaruno a kaputotam.

1 Ar-ari 8:53

Pinilim ida kadagiti amin a tattao tapno agbalinda a tattaom kas impakaammom ken ni Moises nga adipenmo idi inruarmo dagiti kapuonanmi idiay Egipto.”

1 Cronicas 17:22

Pinagbalinmo dagiti Israelita a tattaom iti agnanayon ket sika, O Apo, ti nagbalin a Diosda.

Ti Libro ni Job 41:11

Siasino ti mangdarup kenkuana ket saan a maan-ano? Iti entero a lubong, awan ti makaaramid!

Ti Libro ni Job 41:3

Agdawat aya kenka tapno bulosam? Agpakpakaasi aya kenka?

Dagiti Salmo 135:4

Pinilina ni Jacob nga agpaay kenkuana ken dagiti Israelita a kas kukuana.

Dagiti Salmo 24:1

Kukua ti Apo ti lubong ken amin a linaonna; kukuana ti daga ken ti amin nga agnaed kenkuana.

Dagiti Salmo 25:10

Iti ayat ken kinapudno idalanna ida, dagiti amin a mangannurot iti tulag ken bilbilinna.

Exodo 15:26

Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Exodo 23:22

Ngem no ipangagyo ket aramidenyo ti amin nga ibagak, gubatek dagiti amin a kabusoryo.

Exodo 24:7

Innalana ti libro ti tulag a nakailanadan dagiti bilin ni Yahweh sana binasa iti napigsa. Kinuna dagiti tattao, “Agtulnogkami iti Apo ket tungpalenmi amin nga imbilinna.”

Exodo 34:9

Kinunana, “Apo, no pudno met laeng a maragsakanka kaniak, dawatek a kuyogennakami. Nasukir dagitoy a tattao, ngem pakawanennakami koma kadagiti kinadakesmi ket awatennakami a kas tattaom.”

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Exodo 9:29

Kinuna ni Moises kenkuana, “Apaman a makaruarak iti siudad, agkararagakto iti Apo. Sumardengton ti gurruod ket awanton ti agtinnag a yelo, tapno maammoam a ti Apo ti akinkukua iti daga.

Kanta ni Solomon 8:12

Adda met bukodko a kaubasan. Solomon, kukuam ti rinibu a pirakmo, ket maibingayan dagiti mannalon iti sagdudua a gasutda.

Isaias 1:19

No la ket agtulnogkayo kaniak, sagrapenyonto dagiti agkakaimbag a maapit iti daga.

Isaias 41:8

“Ngem sika, Israel nga adipenko, sika, Jacob a pinilik, dagiti kaputotan ni Abraham a gayyemko.

Isaias 43:1

Israel, kuna ti Apo a namarsua kenka, “Saanka nga agbuteng—salaknibanka. Inawagak ti naganmo—kukuaka.

Isaias 56:4

Kuna ni Yahweh iti kasta a tao, “No ngilinem ti Aldaw a Panaginana, no aramidem ti makaparagsak kaniak ken saluadam a sipupudno ti tulagko,

Jeremias 10:16

Saan a kasta ti Dios ni Jacob. Isu ti nangaramid iti amin a banag; pinilina dagiti Israelita a tattaona. Yahweh a Mannakabalin-amin ti naganna.

Jeremias 13:11

Kas iti irut ti pannakaisuot ti linen a sapin iti siket, kayatko a kasta met ti irut ti ikakapet dagiti amin nga Israelita ken taga-Juda kaniak. Inaramidko daytoy tapno isudanto ti agbalin a tattaok a mangidaydayaw ken mangitan-ok iti naganko. Ngem dida met agtulnog kaniak.”

Jeremias 7:23

Ngem imbilinko kadakuada nga agtulnogda kaniak tapno siak ti Diosda ket isuda dagiti tattaok. Imbagak met kadakuada nga annurotenda ti panagbiag nga imbilinko tapno rumang-ayda.

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Amos 3:2

“Kadagiti amin a nasion ditoy daga, dakayo laeng ti binigbigko ken tinaripatok. Iti kasta, dusaenkayo gapu kadagiti amin a basolyo.”

Amos 6:1

Nakabutbutengto ti pagbanaganyo, dakayo a nanam-ay ti biagna dita Sion ken dakayo a mangipagarup a natalgedkayo dita Samaria—dakayo a papangulo iti daytoy agdindinamag a pagilian ti Israel, dakayo a kamangan dagiti tattao no masapulda ti tulong!

Malakias 3:17

“Agbalindanto a tattaok,” kuna ni Yahweh a Mannakabalin-amin. “Inton aldaw nga aggunayak, kukuakto ida. Kaasiakto ida a kas iti panangngaasi ti ama iti anak nga agserserbi kenkuana.

1 Taga-Corinto 10:26

Kas kuna ti Nasantoan a Surat: “Ti Apo ti akinkukua iti daga ken amin a linaonna.”

1 Taga-Corinto 10:28

Ngem no adda agkuna kenka, “Naidaton daytoy a taraon kadagiti didiosen,” saanmo a kanen gapu iti nangibaga kenka ken gapu ta maburibor ti konsensiam—

Deuteronomio 10:14

Kukua ti Apo uray ti kangatoan a tangatang, kasta met ti daga ken amin a linaonna.

Deuteronomio 11:27

Mabendisionankayo no tungpalenyo dagiti bilin ti Apo a Diosyo; ita nga aldaw, itedko kadakayo ti bendision.

Deuteronomio 14:2

Ngamin, nasagradoankayo a tattao; kukuanakayo ti Apo a Diosyo. Pinilinakayo kadagiti amin a tattao iti rabaw ti daga tapno agbalinkayo a gamengna.

Deuteronomio 14:21

“Dikay agsida iti animal a natay; ngem mabalin a sidaen dagiti ganggannaet nga agnaed iti iliyo wenno ilako kadakuada. Ta nasagradoankayo a tattao; kukuanakayo ti Apo a Diosyo. “Diyo angren ti urbon a karnero wenno urbon a kalding iti gatas ti inana.”

Deuteronomio 26:18

Ita nga aldaw, inawatnakayo ti Apo a tattaona a kas inkarina kadakayo ket bilinennakayo a tungpalenyo amin a lintegna.

Deuteronomio 26:19

Pagbalinennakay a nabilbileg ngem dagiti dadduma a pagilian a pinarsuana ket maidaydayaw ken maitan-okto ti naganna. Dakayto dagiti nasantoan a tattaona a kas inkarina.”

Deuteronomio 28:1

Intuloy ni Moises, “No agtulnogkayo iti Apo a Diosyo ket ikagumaanyo a tungpalen dagiti amin a bilinna nga ipakaammok kadakayo ita nga aldaw, pagbalinennakayto a natantan-ok ngem iti uray ania a nasion iti rabaw ti daga.

Deuteronomio 28:9

“No agtulnogkayo iti Apo a Diosyo ket tungpalenyo ti amin a bilinna, pagbalinennakayto a tattaona a kas inkarina.

Deuteronomio 4:20

Ngem inruarnakay idiay Egipto, dayta umap-apuy nga urno, tapno agbalinkay a tattaona a kas iti agdama.

Deuteronomio 5:2

Nakitulag kadatayo ti Apo a Diostayo idi addatay idiay Bantay Sinai.

Deuteronomio 7:6

Aramidenyo daytoy ta tattaonakayo ti Apo a Diosyo. Pinilinakayo iti amin a pagilian tapno agbalinkayo a naidumduma a gamengna.

Deuteronomio 9:29

Ngem pinilim ida a tattaom; inruarmo ida idiay Egipto babaen iti naindaklan a bileg ken pannakabalinmo.’”

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 11:8

Gapu ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna.

Hebreo 8:9

Saan a kas iti tulag nga inaramidko kadagiti kapuonanda Iti daydi aldaw a panangiruarko kadakuada idiay Egipto. Saanda a sinalimetmetan ti nagtutulaganmi, Isut' gapuna a binaybay-ak ida, kuna ti Apo.

Josue 24:24

“Agserbikam iti Apo a Diostayo, ket tungpalenmi dagiti bilinna,” insungbatda.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

1 Samuel 15:22

Kinuna ni Samuel: “Kaykayat kadi ti Apo ti maikkan iti daton ken sakrifisio ngem ti panagtungpal kenkuana? Nasaysayaat ti agtulnog kenkuana ngem ti agidaton iti kasayaatan a karnero.