Exodo 19:4 - Ti Baro a Naimbag a Damag Biblia

⁴ “Nakitayo ti inaramidko kadagiti Egipcio ken no kasano ti panangawitko kadakayo—kaslaak la agila a nangitayab kadagiti sibong a nangipan kadakayo ditoy.

Ti Biblia (1973)

⁴ Dacayo nakitayo ti inaramidco cadagiti Egipcios ken no casano ti panangalac cadacayo iti rabaw ti paypayac dagiti aguila, ket inyegcayo caniac met laeng.

Exodo 19:4 Iomraidhean Croise

Isaias 40:31

Ngem dagiti agpannuray iti Apo mapabaronto ti pigsada. Agtayabdanto a kasla iti agila; saandanto a mabannog no agtarayda, saandanto a kumapsut no magnada.

Isaias 63:9

iti amin a sagsagabaenda. Saan nga anghel ti nangisalakan kadakuada no di ket ti Apo. Wen, ti Apo ti nangispal kadakuada gapu iti ayat ken asina. Kanayon nga inay-aywananna ida iti napalabas.

Oseas 11:1

Kuna ti Apo, “Inayatko ti Israel idi ubing pay. Inayabak ti anakko manipud Egipto.

Haggeo 2:5

Idi rummuarkayo idiay Egipto, inkarik a dikay baybay-an. Addaak pay laeng kadakayo, isut' gapuna a dikay agbuteng.

Malakias 2:10

Saan kadi a maymaysa ti amatayo? Saan kadi nga isu met la a Dios ti namarsua kadatayo? Apay ngarud a saantayo a tungpalen ti karitayo iti tunggal maysa? Apay a laisentayo ti nagtulagan ti Dios ken dagiti kapuonantayo?

Deuteronomio 1:30

Idalannakayto ti Apo a Diosyo. Isunto ti makigubat kas iti nakitayo nga inaramidna idiay Egipto.

Deuteronomio 1:31

Uray idiay let-ang, nasaksianyo ti panangisangpetna kadakayo iti daytoy a lugar. Inawitnatayo a kas iti panangubba ti ama iti anakna agingga a dimmanonkayo ditoy.

Deuteronomio 29:1

Dagitoy ti sagudayen ti tulag nga imbilin ni Yahweh ken ni Moises tapno ipakaammona kadagiti Israelita idiay Moab. Mainayon daytoy kadagiti alagaden ti pannakitulagna kadakuada idiay Bantay Sinai.

Deuteronomio 29:2

Inummong ni Moises dagiti amin nga Israelita ket kinunana, “Dakayo a mismo ti nakakita iti inaramid ti Apo iti ari ti Egipto, kadagiti ofisialesna ken iti entero a pagilianna.

Deuteronomio 4:9

Masapul nga agannadkayo! Diyo ipalubos a malipatanyo dagiti nakitayo iti unos ti panagbiagyo. Ibagayo kadagiti annak ken appokoyo

Josue 23:3

Nakitayon ti amin nga inaramid ti Apo a Diostayo kadagitoy a pagilian gapu kadakayo. Ti Apo a Diosyo ti nakigubgubat iti agpaay kadakayo.

Paltiing 12:14

Ngem naikkan ti babai iti dua a payak ti dakkel nga agila tapno makatayab a mapan iti lugarna idiay let-ang. Sadiayto ti pakataripatoanna iti uneg ti tallo ket gudua a tawen tapno malisianna ti pungtot ti uleg.