Exodo 19:18 - Ti Baro a Naimbag a Damag Biblia

¹⁸ Nakumotan ti Bantay Sinai iti asuk gapu ta bimmaba sadiay ni Yahweh babaen iti apuy. Nagpangato ti asuk a kas iti asuk ti urno ket kasta unay ti panagkintayeg ti bantay.

Ti Biblia (1973)

¹⁸ Ket ti bantay Sinai, ti sibubukel a bagina nagas-asuc, ta ni Jehova bimmaba iti rabawna iti apuy; ket ti maysa nga horno, ket amin ti bantay nagkintayeg iti napalalo.

Exodo 19:18 Iomraidhean Croise

Genesis 11:5

Bimmaba ni Yahweh tapno kitaenna ti siudad ken ti torre a binangon dagitoy a tattao.

Genesis 15:17

Idi nakalneken ti init ket nagsaknapen ti sipnget, pagammoan adda nagparang nga umas-asuk a banga ken sumsumged nga aluten a limmasat iti nagbaetan dagiti nagudua-gudua nga animal.

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Nehemias 9:13

Manipud langit, bimmabaka, napanka idiay Bantay Sinai ket sadiay nakisaoka kadagiti tattaom. Inikkam ida kadagiti naimbag a linteg ken nasayaat a pannursuro.

Dagiti Salmo 104:32

Agkintayeg ti daga no taldiapanna; umasuk dagiti turod no sagidenna.

Dagiti Salmo 114:4

Nagkulagtit a kasla kalding dagiti bantay, limmagto a kasla karnero dagiti turod.

Dagiti Salmo 114:7

Agkintayegka, daga, iti imatang ti Apo; wen, iti imatang ti Dios ni Jacob.

Dagiti Salmo 144:5

Luktam ti tangatang, O Apo, ta bumaba ka; sagidem dagiti bambantay ket umasukda.

Dagiti Salmo 18:9

Linuktanna ti langit sa bimmaba; adda nangisit nga ulep iti babaen dagiti sakana.

Dagiti Salmo 68:9

Pinagtudom iti napigsa, aglablabonan ket dimmam-eg manen ti natikag a daga;

Dagiti Salmo 77:18

Agallangogan ti uni ti gurruodmo, ket ti lubong malawagan kadagiti kimatmo; nagkintayeg ken nagpigerger ti daga.

Dagiti Salmo 77:19

Nagnaka iti baybay; ti adalem a taaw binallasiwmo, ngem saan a makita dagiti tugotmo.

Exodo 19:13

Maubor wenno mapana agingga a matay ket maiparit ti mangsagid kenkuana. Kasta ti aramidenyo iti tao wenno iti animal; masapul a mapapatay. Ngem inton mapuyot ti tangguyob, sumang-atton dagiti tattao iti bantay.”

Exodo 19:17

Indauloan ida ni Moises a rimmuar iti kampo tapno sabtenda ti Dios. Nagtakderda iti arisadsad ti bantay.

Exodo 20:18

Idi mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

Exodo 3:2

Sadiay, nagparang kenkuana ti anghel ni Yahweh a kas gumilgil-ayab nga apuy nga aggapu iti tengnga ti bassit a kayo. Nakita ni Moises a sumsumged ti kayo ngem saan a marunot.

Exodo 34:2

Agsaganaka a sumang-at iti Bantay Sinai inton agsapa ket kitaennakto iti tapawna.

Isaias 6:4

Gapu iti pigsa ti timekda, nadayeg ti fondasion ti Templo. Napno ti mismo a Templo iti asuk.

Isaias 64:1

Apay a dimo ray-aben ti langit ket bumabaka? No aramidem ti kasta, makitadaka dagiti bantay ket agkintayegda iti buteng!

Jeremias 4:24

Kinitak dagiti bantay—agkinkintayegda. Ket kinitak dagiti turod—agin-indayonda.

Habakuk 3:6

Agginggined ti daga no agsardeng; agkintayeg dagiti nasion no tumalliaw. Margaay dagiti agnanayon a bantay; lumned dagiti agnanayon a turod, dagiti turod a nagnaanna idi un-unana.

Zacarias 14:5

Aglibaskayto ket magnakay iti daytoy a tanap a nanggudua iti bantay. Agtataraykayto a kas kadagidi kapuonanyo idi dimteng ti ginggined iti tiempo ni Uzzias nga ari ti Juda. Umayto ti Apo a Diosko ket ikuyogna dagiti amin nga angheles.

San Mateo 24:7

Aggugubatto dagiti nasion; agririnnautto dagiti pagarian. Addanto bisin ken ginggined iti amin a lugar.

Deuteronomio 33:2

“Naggapu ti Apo idiay Bantay Sinai; timpuar a kasla init iti ngatoen ti Edom, ket rinanniaganna dagiti tattaona manipud Bantay Paran. Kinakuyogna ti umariwekwek nga angheles, adda gumilgil-ayab nga apuy iti makannawanna.

Deuteronomio 4:36

Impangngegna kadakayo ti timekna manipud langit tapno maisuronakayo; ditoy daga, impakitana kadakayo ti nasantoan nga apuyna ket manipud iti daytoy nga apuy nakisao kadakayo.

Deuteronomio 5:22

“Dagitoy dagiti bilin nga inted ti Apo kadakayo idi naummongkayo idiay bantay. Nagsao iti napigsa a timek manipud iti apuy ken iti napuskol nga ulep ket awanen sabali nga imbagana. Kalpasanna, insuratna dagiti bilin iti dua a tapi a bato sana inted kaniak.”

Deuteronomio 5:4

Manipud iti apuy idiay a bantay, nakisao kadakayo ti Apo iti rupanrupa.

2 Taga-Tesalonica 1:7

Pagin-awaennakayto nga agsagsagaba, ket kastanto met kadakami. Aramidennanto daytoy inton agparang ni Apo Jesus nga aggapu sadi langit, a kaduana dagiti mannakabalin nga anghelesna.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

Hebreo 12:18

Saankayo a kas kadagiti Israelita, isuda nga immasideg iti mabalin a sagiden—iti Bantay Sinai nga adda idi gumilgil-ayab nga apuy, ti sipnget ken ti lidem, ti bagio,

Hebreo 12:26

Gapu iti timekna, nadayyeg idi ti daga ngem ita inkarina, “Maminsan pay a dayyegek saan laeng a ti daga no di pay ket ti langit.”

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Paltiing 15:8

Napno ti templo iti asuk a naggapu iti dayag ken pannakabalin ti Dios. Awan ti makastrek iti templo agingga a di aggibus dagiti pito a didigra nga inyeg dagiti pito nga angheles.

Paltiing 9:2

Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.

Uk-ukom 5:5

Nagkintayeg dagiti bantay iti imatang ti Apo, idiay Sinai, nagkintayeg dagiti bantay; wen, iti imatang ti Apo a Dios ti Israel.