Exodo 19:16 - Ti Baro a Naimbag a Damag Biblia

¹⁶ Iti agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng.

Ti Biblia (1973)

¹⁶ Ket naaramid nga iti maicatlo nga aldaw, idi a bummigat, naggurgurrood ken nagkimkimat, ken nagulep iti napuscol iti rabaw ti bantay, ken naguni ti tangguyob a casta unay ti pigsana; ket nagkintayeg amin dagiti tattao iti pacarso.

Exodo 19:16 Iomraidhean Croise

2 Samuel 22:10

Linuktanna ti tangatang ket bimmaba; adda nangisit nga ulep iti babaen dagiti sakana.

Ti Libro ni Job 38:25

Siasino ti nagkali iti pagayusan ti bumayakabak a tudo? Siasino ti nangwaknit iti pagnaan ti gurruod ken kimat?

Dagiti Salmo 50:3

Umay ti Diostayo, ngem saan a di madlaw; adda apuy a gumilgil-ayab iti sangoananna, ken nadawel a bagio iti lawlawna.

Dagiti Salmo 77:18

Agallangogan ti uni ti gurruodmo, ket ti lubong malawagan kadagiti kimatmo; nagkintayeg ken nagpigerger ti daga.

Dagiti Salmo 81:8

Denggem, O ilik, ti ballaagko kenka. O Israel, ipangagnak la koma!

Dagiti Salmo 97:4

Lawagan ti kimatna ti lubong; makita ti daga ket agpigerger.

Exodo 19:11

ket sisasaganadanton iti maikatlo nga aldaw. Iti dayta nga aldaw, bumabaakto iti Bantay Sinai tapno makitadak dagiti amin a tattao.

Exodo 19:15

ket imbagana kadakuada, “Nakasaganakayton iti maikatlo nga aldaw. Dikay pay la makikaidda iti assawayo.”

Exodo 19:17

Indauloan ida ni Moises a rimmuar iti kampo tapno sabtenda ti Dios. Nagtakderda iti arisadsad ti bantay.

Exodo 19:9

Kinuna ni Yahweh ken ni Moises, “Umayakto kenka iti napuskol nga ulep tapno mangngeg dagiti tattao a makisasaoak kenka ket mamatida kenkan manipud ita.” Imbaga ni Moises ken ni Yahweh ti insungbat dagiti tattao

Exodo 20:18

Idi mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

Exodo 20:21

Nupay kasta, nagtalinaed dagiti tattao a nakatakder iti adayo ket ni la Moises ti immasideg iti napuskol nga ulep a yan ti Dios.

Exodo 40:34

Kalpasanna, nagdisso ti ulep a nangkumot iti Tolda ti Dios ket napunno iti makasisirap a lawag ni Yahweh.

Exodo 9:23

Intag-ay ni Moises ti sarukodna. Nagkimat ken naggurruod ket nagtinnag ti yelo iti Egipto. Inyeg ti Apo

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Nahum 1:3

Saan a nalaka nga agpungtot ni Yahweh, ngem dakkel ti pannakabalinna, ket dusaenna a dusaen dagiti nakabasol. Iti pagnaan ni Yahweh, tumaud dagiti bagio. Dagiti ulep ti pannakatapok a patauden dagiti sakana.

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

Deuteronomio 5:5

Iti dayta nga aldaw, nagtakderak iti nagbaetanyo iti Apo tapno ipakaammok kadakayo ti imbagana, ta nagbutengkayo iti apuy ket dikay simmang-at iti bantay. “Kinuna ti Apo,

Hebreo 12:21

Nakabutbuteng daydi a buya, isut' gapuna a kinuna ni Moises, “Agpigpigergerak iti buteng!”

Paltiing 1:10

Iti aldaw ti Apo, addaak iti pannakabalin ti Espiritu ket nangngegko iti likudak ti maysa a napigsa a timek a kasla uni ti trumpeta.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 4:1

Kalpasan daytoy, adda manen sabali a parmata a nasaksiak. Nakakitaak iti silulukat a ruangan sadi langit. Ket nangngegko manen ti timek a kasla uni ti trumpeta a kunana kaniak: “Umulika ditoy ket ipakitak kenka dagiti dumteng a mapasamak.”

Paltiing 4:5

Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.