Exodo 19:11 - Ti Baro a Naimbag a Damag Biblia

¹¹ ket sisasaganadanton iti maikatlo nga aldaw. Iti dayta nga aldaw, bumabaakto iti Bantay Sinai tapno makitadak dagiti amin a tattao.

Ti Biblia (1973)

¹¹ Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Exodo 19:11 Iomraidhean Croise

Genesis 11:5

Bimmaba ni Yahweh tapno kitaenna ti siudad ken ti torre a binangon dagitoy a tattao.

Nehemias 9:13

Manipud langit, bimmabaka, napanka idiay Bantay Sinai ket sadiay nakisaoka kadagiti tattaom. Inikkam ida kadagiti naimbag a linteg ken nasayaat a pannursuro.

Dagiti Salmo 144:5

Luktam ti tangatang, O Apo, ta bumaba ka; sagidem dagiti bambantay ket umasukda.

Dagiti Salmo 18:9

Linuktanna ti langit sa bimmaba; adda nangisit nga ulep iti babaen dagiti sakana.

Exodo 19:16

Iti agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng.

Exodo 19:18

Nakumotan ti Bantay Sinai iti asuk gapu ta bimmaba sadiay ni Yahweh babaen iti apuy. Nagpangato ti asuk a kas iti asuk ti urno ket kasta unay ti panagkintayeg ti bantay.

Exodo 19:20

Bimmaba ni Yahweh iti tapaw ti Bantay Sinai, ket inayabanna ni Moises a sumang-at. Napan ni Moises iti tapaw,

Exodo 24:16

Bimmaba iti rabaw ti bantay ti makapurar a lawag a mangipakdaar iti kaadda ni Yahweh. Iti panagkita dagiti Israelita, ti lawag ket kasla apuy a gumilgil-ayab iti tapaw ti bantay. Innem nga aldaw a kinumotan ti ulep ti bantay. Iti maikapito nga aldaw, manipud iti ulep, inawagan ni Yahweh ni Moises.

Exodo 3:8

Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Exodo 34:2

Agsaganaka a sumang-at iti Bantay Sinai inton agsapa ket kitaennakto iti tapawna.

Exodo 34:5

Bimmaba ni Yahweh iti maysa nga ulep nagtakder iti abay ni Moises, ket binalikasna ti naganna Yahweh.

Numero 11:17

Bumabaakto sadiay tapno makisaoak kenka. Ikkak ida iti espiritu nga intedko kenka tapno tumulongdanto kenka a mangaywan kadagitoy a tattao ket saanton a siksika ti agbaklay.

San Juan 3:13

Ket awan ti immuli sadi langit malaksid ti Anak ti Tao a bimmaba manipud langit.

San Juan 6:38

Ta bimmabaak manipud langit tapno aramidek ti pagayatan ti nangibaon kaniak, saan a ti pagayatak.

Deuteronomio 33:2

“Naggapu ti Apo idiay Bantay Sinai; timpuar a kasla init iti ngatoen ti Edom, ket rinanniaganna dagiti tattaona manipud Bantay Paran. Kinakuyogna ti umariwekwek nga angheles, adda gumilgil-ayab nga apuy iti makannawanna.

Deuteronomio 4:10

ti maipapan iti daydi nga aldaw a nagtakderkay iti imatang ti Apo a Diosyo idiay Bantay Sinai, idi kinunana kaniak, ‘Ummongem dagiti tattao iti sangoanak tapno mangngegda ti ibagak; iti kasta, masursuroda ti agbuteng kaniak bayat ti panagbiagda ken tapno isurodanto dagiti annakda nga agbuteng kaniak.’

Josue 3:5

Imbaga met ni Josue kadagiti tattao, “Pasantoenyo ti bagiyo ta inton bigat, adunto ti makitayo a naindaklan a banag nga aramiden ti Apo.”