Exodo 19:10 - Ti Baro a Naimbag a Damag Biblia

¹⁰ ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda

Ti Biblia (1973)

¹⁰ Ket ni Jehova kinunana ken Moises, Inca cadagiti tattao, ket santificarem ida ita nga aldaw ken intono bigat, ket labaanda coma dagiti pagpagan-anayda,

Exodo 19:10 Iomraidhean Croise

Genesis 35:2

Kinasao ngarud ni Jacob ti familiana ken dagiti amin a naikuyog kenkuana. “Ibellengyo dagiti didiosen nga adda kadakayo,” kinunana. “Dalusanyo dagiti bagbagiyo kas mayannurot iti alagaden ket agkaweskayo iti nadalus a pagan-anay.

2 Samuel 19:24

Simmalog met ni Mefiboset nga apoko ni Saul tapno sabtenna ti ari a nagsubli a sibibiag. Manipud pimmanaw ti ari, saan pay a binuggoan ni Mefiboset dagiti sakana wenno nagibarbas; saanna pay a sinukatan ti pagan-anayna.

2 Cronicas 29:34

Gapu ta saan nga umanay ti bilang dagiti papadi a mangparti kadagitoy nga animal, timmulong dagiti Levita agingga a nalpas ti trabaho. Iti dayta a tiempo, ad-adun dagiti papadi a nagbalin a nadalus iti imatang ti linteg. (Ad-adda ti panangikalikagum dagiti Levita iti pannakadalusda iti imatang ti linteg ngem dagiti papadi.)

2 Cronicas 29:5

ket imbagana kadakuada, “Dakayo a Levita, aramidenyo ti seremonia ti pannakadalus ti bagiyo ken ti Templo ti Apo, ti Dios dagidi kapuonanyo. Ikkatenyo amin a mangtulaw iti Templo.

Ti Libro ni Job 1:5

Tunggal malpas ti padaya, bumangon a masapa ni Job ket agpuor kadagiti daton a maipaay iti pannakadalus dagiti annakna. Naipaugali nga aramidenna daytoy ta kunkunana iti bagina, “Amangan no nagbasol dagiti annakko babaen iti pananglaisda iti Dios iti unegda.”

Levitico 15:5

Siasinoman a mangsagid iti nagiddaan

Numero 11:18

Ita, ibagam kadagiti tattao, ‘Dalusanyo dagiti bagbagiyo ta addanto karne a sidaenyo inton bigat. Nangngeg ti Apo ti panagas-asugyo ken ti panangibagbagayo iti tarigagayyo nga agsida iti karne ken ti kunkunayo a nasaysayaat ti panagbiagyo idiay Egipto. Ita, ikkannakayo ti Apo iti karne ket masapul a kanenyo.

Numero 19:19

Iti maikatlo ken maikapito nga aldaw, warsian ti tao a nadalus iti imatang ti linteg ti siasinoman a maibilang a saan a nadalus. Iti maikapito nga aldaw, dalusan ti tao a narugit iti imatang ti linteg ti pagan-anayna sana buyatan ti bagina iti danum. Kalpasanna, ti tao a maibilang a nadalus ti mangannong iti seremonia ti pannakadalusna, ket maibilangen a nadalus iti sumipnget.

Numero 31:24

Iti maika-7 nga aldaw, labaanyo dagiti pagan-anayyo; kalpasanna, maibilangkayonton a nadalus ket mabalinyonton ti sumrek iti kampo.”

Numero 8:21

Dinalusan dagiti Levita dagiti bagida kas mayannurot iti linteg ken linabaanda dagiti pagan-anayda ket indaton ida ni Aaron a kas naisangsangayan a sagut ken ni Yahweh. Inannongna pay ti seremonia ti pannakadalusda.

Numero 8:7

iti kastoy a wagas: warsiam ida iti danum a pagdalus ket pakiskisam ti entero a bagida ken palabaam ti pagan-anayda. Kalpasanna, agbalindan a nadalus iti imatang ti linteg.

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

Hebreo 10:22

Umasidegtayo ngarud iti Dios iti napudno a puso ken natalged a pammati. Wen, umasidegtayo a nadalus ti pusotayo—nadalusan iti dakes a konsensia—ken ti bagitayo a naugasan iti nadalus a danum.

Josue 3:5

Imbaga met ni Josue kadagiti tattao, “Pasantoenyo ti bagiyo ta inton bigat, adunto ti makitayo a naindaklan a banag nga aramiden ti Apo.”

Josue 7:13

Bumangonka! Pasantoem dagiti tattao ket pagsaganaem ida a dumatag kaniak. Ibagam nga agsaganada a sumango kaniak inton bigat ta siak a Dios ti Israel, kunak daytoy: ‘Israel, adda kenka ti sumagmamano a banag a nairanta a madadael. Dimo kabaelan a sarangten dagiti kabusormo malaksid no ibellengmo dagitoy!’

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.

1 Samuel 16:5

“Wen,” insungbat ni Samuel. “Addaak ditoy tapno mangidatagak iti daton a mapuoran iti Apo. Dalusanyo dagiti bagbagiyo ket kumuyogkayo kaniak.” Pinadalusanna met ni Jesse ken dagiti annakna, ket inimbitaranna ida a dumar-ay iti panagidaton.