Exodo 18:7 - Ti Baro a Naimbag a Damag Biblia

⁷ rimmuar ni Moises a nangsabat iti katuganganna. Kinablaawanna sana inagkan. Nagpinnakomustada iti kasasaad ti salun-at ti tunggal maysa sada simrek iti tolda ni Moises.

Ti Biblia (1973)

⁷ Ket ni Moises rimmuar a simmabat ken catuganganna, ket nagcablaaw ket inagcanna; ket nagkinnomustada nga agpadpada; ket simrecda iti tolda.

Exodo 18:7 Iomraidhean Croise

Genesis 14:17

Idi agsubli ni Abram kalpasan ti panangparmekna ken ni Kedorlaomer ken dagiti dadduma nga ari, sinabat ti ari ti Sodoma idiay Tanap ti Save (a maaw-awagan met iti Tanap ti Ari).

Genesis 18:2

ket idi tumangad, nakitana ti tallo a lallaki a nakatakder. Timmaray a nangsabat kadakuada apaman a nakitana ida. Nagpakleb iti daga

Genesis 19:1

Sumipnget idi dumteng dagiti dua nga angheles idiay Sodoma. Agtugtugaw idi ni Lot iti ruangan ti siudad ket apaman a nakitana ida, timmakder a napan simmabat. Nagruknoy iti sangoda

Genesis 29:13

Idi mangngeg ni Laban ti maipapan ken ni Jacob a kaanakanna, nagtaray a napan nangsabat kenkuana. Inarakup ken inagkanna ni Jacob sana inyawid iti taengda. Sinarita ni Jacob ken ni Laban ti amin a napasamak.

Genesis 31:28

Dinak pay inikkan iti gundaway a mangagek kadagiti appokok ken kadagiti annakko sakbay a pimmanawda. Minamaag ti kasta nga inaramidmo!

Genesis 43:26

Idi sumangpet ni Jose, impanda dagiti sagut nga agpaay kenkuana iti balay ket nagpaklebda iti daga a kas pammadayaw kenkuana.

Genesis 45:15

Agsangsangit pay laeng ni Jose a nangarakup ken nangagek kadagiti kakabsatna. Kalpasanna, rinugian dagiti kakabsatna ti nakisao kenkuana.

Genesis 46:29

inrubbuat ni Jose ti luganna ket napanna sinabat ni tatangna idiay Gosen. Idi agkitada, inarakupna ti amana ket nabayag a nagsangit ni Jose.

2 Samuel 11:7

Idi sumangpet ni Urias, nagdamag ni David maipapan ken ni Joab ken ti buyot ken no ania ti kasasaad ti gubat.

1 Ar-ari 2:19

Napan ni Batseba ken ni Ari Solomon tapno ibagana ti dawat ni Adoniha. Timmakder ti ari a nangkablaaw ken ni Batseba ket nagtamed ken ni inana. Nagtugaw iti tronona sa nagpaala iti pagtugawan ni inana. Nagtugaw ni Batseba iti makannawanna.

Dagiti Salmo 2:12

agrukbab kenkuana amangan no sumged lattan ti pungtotna ket pukawennakayo. Nagasat dagiti amin nga agkamang kenkuana.

Exodo 18:6

Pinakaammoanna ni Moises iti kaaddada isut' gapuna a

Exodo 33:7

Tunggal agkampo dagiti Israelita, alaen ni Moises ti nasagradoan a Tolda sana ipatakder iti pangadaywen bassit iti ruar ti kampo. Pinanaganan ni Moises daytoy iti “Tolda a Pakiumanan” ket sumrek iti tolda ti siasinoman a makiuman ken ni Yahweh.

Exodo 4:27

Kabayatanna, kinuna ni Yahweh ken ni Aaron, “Inka sabten ni Moises idiay let-ang.” Napanna sinabat ni Moises iti bantay ti Dios ket inagkanna idi agkitada.

Numero 22:36

Idi madamag ni Balak a sumangpet ni Balaam, napanna sinabat idiay Ar, maysa a siudad iti igid ti Karayan Arnon iti beddeng ti Moab.

San Lucas 7:45

Sika, dinak sinabat iti agek. Ngem manipud itay simmangpetak, di pay nagsardeng a mangag-agep kadagiti saksakak.

Dagiti Aramid 20:37

Nagsasangitda amin a nangapungol ken nangagek kenkuana.

Dagiti Aramid 28:15

Nadamag dagiti kakabsat sadiay ti maipapan kadakami ket immaydakami sinabat idiay Plasa ni Appio ken kasta met idiay Tres Tabernas. Idi makita ida ni Pablo, nagyaman iti Dios ket napapigsa ti pakinakemna.

Uk-ukom 11:34

Ket idi nagawid ni Jefte iti balayna idiay Mizpa, sinabat ti anakna a babai nga agsalsala ken agtuktokar iti pandereta. Isu ti kakaisuna nga anakna.

1 Samuel 17:18

Itedmo met dagitoy sangapulo a keso iti kapitan ti buyot. Ammoem ti kasasaad dagiti kakabsatmo ket mangyawidka iti pakakitaan a nakitam ida a nasalun-at.

1 Samuel 17:22

Imbati ni David ti intugotna a makan iti para-aywan kadagiti gargaret sa nagtaray a nagturong iti paggugubatan. Napan kadagiti kakabsatna ket sinaludsodna no kasano ti kasasaadda.