Exodo 18:25 - Ti Baro a Naimbag a Damag Biblia

²⁵ Nangpili kadagiti makabael a lallaki kadagiti amin nga Israelita. Dinutokanna ida a kas pangulo dagiti rinibu, dagiti ginasut, dagiti saglilimapulo, ken dagiti sagsasangapulo.

Ti Biblia (1973)

²⁵ Ket ni Moises pimmili cadagiti maitutop a lallaki a nagtaud ti Israel, ket incabilna ida a mangipangolo iti umili a mangituray iti rinibu, mangituray iti ginasut, mangituray iti saglilimapulo, ken mangituray ti pinullo.

Exodo 18:25 Iomraidhean Croise

Genesis 47:6

ibilangda koma a kukuada ti Egipto. Pagnaedem ida iti kasayaatan a paset ti pagilian, iti daga ti Gosen. Ket no adda dagiti makabael kadakuada, isaadmo ida nga agaywan kadagiti animalko.”

2 Samuel 18:1

Pinagtitipon ni Ari David dagiti amin a tattaona sana binunggo-bunggoy ida iti sagsangaribu ken sagsangagasut. Nangdutok iti maysa nga ofisial iti tunggal bunggoy.

Exodo 18:21

Ngem saan la a dayta. Pumilika met kadagiti makabael a lallaki. Dutokam ida a kas pangulo dagiti tattao; adda mangipangulo kadagiti rinibu, kadagiti ginasut, kadagiti saglilimapulo, ken kadagiti sagsasangapulo. Masapul a managbutengda iti Dios, mapagtalkan ken di mapasuksokan.

Exodo 18:24

Tinungpal ni Moises ti imbalakad ni Jetro.

Numero 1:4

Agpatulongkayo iti pangulo ti kapuonan ti tunggal tribu.”

Numero 11:16

Kinuna ni Yahweh ken ni Moises, “Mangummongka iti pitopulo a panglakayen a mabigbig a pangulo dagiti tattao. Idatagmo kaniak ida iti Tolda ket ibagam kadakuada nga agtakderda sadiay iti abaymo.

Dagiti Aramid 6:5

Naragsakanda amin iti imbaga dagiti apostoles. Pinilida ni Esteban, maysa a lalaki a natibker iti pammati ken napno iti Espiritu Santo, agraman da Felipe, Procoro, Nicanor, Timon, Parmenas ken ni Nicolas, maysa a Hentil a taga-Antiokia a napasurot dagiti Judio.

Deuteronomio 1:15

Ngarud, inawatko dagiti panguloyo iti tunggal tribu ket insaadko ida a mangipangulo kadakayo. Adda dagiti mangidalan iti sangaribu a tattao; adda dagiti makaammo iti sangagasut, adda dagiti makaammo iti limapulo ket adda met kadagiti sangapulo. Nangdutokak met kadagiti dadduma nga ofisial nga agturay iti tunggal tribu.