Exodo 18:21 - Ti Baro a Naimbag a Damag Biblia

²¹ Ngem saan la a dayta. Pumilika met kadagiti makabael a lallaki. Dutokam ida a kas pangulo dagiti tattao; adda mangipangulo kadagiti rinibu, kadagiti ginasut, kadagiti saglilimapulo, ken kadagiti sagsasangapulo. Masapul a managbutengda iti Dios, mapagtalkan ken di mapasuksokan.

Ti Biblia (1973)

²¹ Maysa pay mangtudingcanto iti aggapu cadagiti umili cadagiti tumutop a lallaki, a dagiti managbutbuteng iti Dios, lallaki a napudno, a guraenda ti nakil-lo a pananggun-ud; ket dagita ti isaadmo cadacuada, nga agtuturay cadagiti rinibu, agtuturay cadagiti ginasut, agtuturay cadagiti saglilimapulo, ken agtuturay cadagiti pinullo:

Exodo 18:21 Iomraidhean Croise

Genesis 22:12

“Dimo sagiden wenno ranggasan ti ubing,” kinuna ti anghel. “Makitakon nga agbutengka iti Dios, ta dika nagkedked a mangted kenkuana iti kakaisuna nga anakmo.”

Genesis 42:18

Iti maikatlo nga aldaw, kinunana kadakuada, “Managbutengak iti Dios ket ispalek ti biagyo iti maysa laeng a kondision.

Genesis 47:6

ibilangda koma a kukuada ti Egipto. Pagnaedem ida iti kasayaatan a paset ti pagilian, iti daga ti Gosen. Ket no adda dagiti makabael kadakuada, isaadmo ida nga agaywan kadagiti animalko.”

2 Samuel 18:1

Pinagtitipon ni Ari David dagiti amin a tattaona sana binunggo-bunggoy ida iti sagsangaribu ken sagsangagasut. Nangdutok iti maysa nga ofisial iti tunggal bunggoy.

2 Samuel 23:3

Nagsao ti Dios ti Israel, kinuna kaniak ti Bato ti Israel: “Ti ari a nalinteg ti panagturayna, ti mangituray nga agbuteng iti Dios

1 Ar-ari 18:12

Ngem amangan ketdi nga apaman a makapanawak, alaennaka ti espiritu ti Apo sanaka ipan iti lugar nga awan ti makaammo. No ibagak ken ni Ahab nga addaka ditoy ket dinakanto mabirokan, papapataynakto. Laglagipem a napasnekak nga agdaydayaw iti Apo manipud pay idi ubingak.

1 Ar-ari 18:3

Inayaban ni Ahab ni Abdias a mayordomo ti palasio. (Napasnek ni Abdias nga agdaydayaw ken ni Yahweh.

ESDRAS 7:25

“Sika, Ezra, yantangay ta naparaburanka iti sirib, mangdutokka kadagiti administradores ken ukom a mangituray kadagiti amin a tattao nga agnanaed iti Laud-ti-Eufrates nga agbibiag a mayallubog iti linteg ti Diosyo. Masapul nga isurom dayta a linteg kadagiti saan pay a makaammo.

Nehemias 5:9

Kinunak pay: “Saan a nasayaat ti kasta nga aramidyo! Rebbengyo ti agbuteng iti Dios ket agaramidkayo iti naimbag tapno awan pakalaisantayo kadagiti Hentil a kabusortayo.

Nehemias 7:2

Nangikabilak iti dua a tao a mangimaton iti siudad ti Jerusalem: ni Hanani a kabsatko ken ni Hananias a pangulo nga ofisial dagiti agbambantay iti sarikedked. Matalek ken managbuteng iti Dios ni Hananias ket awan pumada kenkuana.

Ti Libro ni Job 1:1

Adda idi maysa a tao nga agnagan iti Job nga agnanaed idiay Uz. Agdaydayaw iti Dios ket napudno kenkuana. Naimbag a tao ni Job ket saan nga agaramid iti dakes.

Ti Libro ni Job 29:16

Nagbalinak a pannakaama dagiti napanglaw, ket inkalintegak dagiti ganggannaet a mailupitlupit.

Ti Libro ni Job 31:13

No agasug kaniak ti maysa kadagiti adipenko, ipangagko ket itedko ti kalinteganna.

Dagiti Salmo 15:1

Siasino, O Apo, ti makastrek iti templom? Siasino ti makapagyan iti Sion a nasantoan a bantaymo?

Dagiti Salmo 15:5

dina paanakan ti kuarta nga ipautangna, di mapasuksokan tapno agsaksi iti maibusor iti awan basolna. Natalgedto latta dagiti kasta ti aramidna.

Exodo 17:9

Kinuna ni Moises ken ni Josue, “Pumilika kadagiti lallaki a kaduam a mapan manggubat kadagiti Amalekita inton bigat. Agtakderakto iti tapaw ti turod a nakaiggem iti sarukod nga inted ti Dios.”

Exodo 18:25

Nangpili kadagiti makabael a lallaki kadagiti amin nga Israelita. Dinutokanna ida a kas pangulo dagiti rinibu, dagiti ginasut, dagiti saglilimapulo, ken dagiti sagsasangapulo.

Dagiti Proverbio 28:2

Napigsa ken natalged ti nasion no addaan kadagiti masirib ken mannakaawat a pangulo. Ngem no agbasol ti maysa a nasion masukansukat dagiti pangulona.

Eclesiastes 12:13

Kalpasan amin dagitoy, maymaysa laeng ti mabalin a sawen: Agbuteng ken agdaydayawka iti Dios ket tungpalem dagiti bilbilinna ta daytoy ti pakabuklan ti pagrebbengan ti tao.

Isaias 16:5

Kalpasanna, agarinto ti maysa kadagiti kaputotan ni David. Napudno ken napnoanto iti ayat ti panangiturayna kadagiti tattao. Dagdagusennanto nga ipakat ti kinalinteg ket ikagumaannanto a maipagna ti hustisia.)

Isaias 33:15

Makalasatka no sawem ken aramidem ti nalinteg. Dimo aramaten ti pannakabalinmo a mangsaur kadagiti napanglaw. Dika met umawat iti pasuksok. Dika makikadua kadagiti agpanggep nga agpapatay wenno kadagiti agaramid iti dadduma a kinadakes.

Isaias 59:4

Dumatagkayo iti pangukoman, ngem saan a nainkalintegan dagiti pammabasolyo. Agtalekkayo iti kinaulbod tapno mangabakkayo. Ibanagyo dagiti planoyo a mangranggas iti padayo a tao.

Jeremias 5:1

Dakayo a tattao ti Jerusalem, agtaraykayo kadagiti kalsadayo! Agsiimkayo a nalaing! Sukimatenyo dagiti plasa! Kitaenyo no adda masarakanyo a nalinteg ti aramidna ken kinapudno ti sapsapulenna. No adda, pakawanento ti Apo ti iliyo.

Ezekiel 18:8

Saanna a paanakan ti ipautangna. Dina kayat ti agaramid iti dakes, ket risutenna a sililinteg ti aniaman a riri.

Ezekiel 22:12

Matangdanan ti dadduma kadakayo tapno agpapatayda. Paanakan ti dadduma ti pautangda kadagiti padada nga Israelita ket bumaknangda iti pananggundawayda kadakuada. Nalipatandak.” Daytoy ti kuna ti Apo a Dios.

Zacarias 7:9

“Idi un-unana, impaulogko dagitoy a bilin kadagiti tattaok: ‘Kitaenyo a maipakat ti hustisia ken ipakitayo ti ayat ken asiyo iti padayo a tao.

Zacarias 8:16

Dagitoy ti masapul nga aramidenyo: Agsaokayo iti pudno iti padayo a tao. Kadagiti pangukoman, ipakatyo ti hustisia, ti hustisia a mangyeg iti kappia.

Numero 1:4

Agpatulongkayo iti pangulo ti kapuonan ti tunggal tribu.”

Numero 10:4

Ngem no maysa laeng a trumpeta ti mapuyot, dagiti laeng pangulo dagiti kapuonan ti umay kenka.

San Lucas 18:2

Kinuna ni Jesus, “Adda idi maysa a hues iti maysa nga ili. Saan nga agbuteng iti Dios ket awan raraemenna a tao.

San Lucas 18:4

“Nabayag a di inkaskaso ti hues, ngem kamaudiananna, kinunana iti bagina, ‘Nupay no diak agbuteng iti Dios ken awan raemek a tao,

Dagiti Aramid 20:33

Diak tinarigagayan nga alaen ti pirak, balitok wenno pagan-anay ti siasinoman.

Dagiti Aramid 6:3

Pumilikayo ngarud, kakabsat, iti pito a lallaki iti grupoyo a nasayaat ti damagna, masirib ken napno iti Espiritu Santo. Isuda ti isaadtayo a mangasikaso kadagitoy a bambanag.

Deuteronomio 22:18

Masapul nga alaen dagiti panglakayen ti lalaki sada kabilen.

1 Timoteo 3:3

Saan a mammartek wenno nauyong, no di ket nasingpet ken saan a mannakiringgor. Saan a rupa ti kuarta.

Josue 22:14

Sangapulo a tattao ti kimmuyog kenkuana, maysa iti tunggal tribu iti laud, a pangulo iti tunggal familia.

1 Samuel 8:12

Pagbalinennanto dagiti dadduma nga ofisiales nga agaywan iti rinibu a tao, ket addanto met dagiti agaywan iti limapulo. Pagaradoennanto dagiti lallaki nga annakyo kadagiti talonna, agani kadagiti apitna, ken agaramid iti armas ken kadagiti alikamen nga agpaay kadagiti luganna a pakigubat.

1 Samuel 8:3

Ngem dida sinurot ti tugot ni amada. Ti laeng panguartaanda ti pampanunotenda, isu a nagawatda iti pasuksok ket saan a nalinteg ti panangrisutda kadagiti darum.