Exodo 18:1 - Ti Baro a Naimbag a Damag Biblia

¹ Nadamag ni Jetro, ti padi ti Midian ken katugangan ni Moises, ti amin nga impaay ti Dios ken ni Moises ken kadagiti Israelita idi inruar ni Yahweh ida idiay Egipto.

Ti Biblia (1973)

¹ Ket ni Jetro a padi sadi Madian, a catugangan a lalaki ni Moises, naanmoanna ti amin nga inaramid ti Dios ken Moises ken iti Israel nga ilina, no casano ti panangiruar ni Jehova iti Israel sadi Egipto.

Exodo 18:1 Iomraidhean Croise

Dagiti Salmo 105:43

Ket inruarna dagiti pinilina a tattaona; siraragsakda a nagkanta ken nagdidir-i iti rag-oda.

Dagiti Salmo 105:5

Dakayo a kaputotan ni Abraham nga adipenna; dakayo nga annak ni Jacob a pinilina: laglagipenyo dagiti nakaskasdaaw nga inaramidna, dagiti milagro ken pangngeddeng nga impaulogna.

Dagiti Salmo 106:2

Siasino ti makaibaga kadagiti amin a nakaskasdaaw nga aramid ti Apo? Siasino ti makaipaay iti naan-anay a pagdaydayaw kenkuana?

Dagiti Salmo 34:2

Ipannakkelko ti Apo gapu iti inaramidna; mangngeg koma dagiti maidaddadanes ket agragsakda!

Dagiti Salmo 44:1

O Dios, mismo a lapayagmi ti nakangngeg, imbaga kadakami dagiti kapuonanmi dagiti naindaklan a banag nga inaramidmo idi tiempoda, kadagiti aldaw idi un-unana:

Dagiti Salmo 78:4

Ditay ilimlimed ida kadagiti annaktayo, no di ket isaritatayo kadagiti kaputotan a sumarsaruno ti pannakabalin ken naindaklan a gapuanan ti Apo, agraman dagiti nakaskasdaaw nga aramidna.

Exodo 2:16

dimteng ti pito a babbai tapno sumakdoda. Annak ida ni Jetro a padi ti Midian. Pinunnoda dagiti pagkargaan ti danum tapno painumenda dagiti karnero ken kalding ni amada.

Exodo 2:18

Idi nagawidda, sinaludsod ni amada, “Apay a nasapakayo a simmangpet?”

Exodo 2:21

Inkeddeng ni Moises ti agnaed sadiay. Impaasawa ni Jetro kenkuana ni Sefora nga anakna.

Exodo 3:1

Ay-aywanan idi ni Moises dagiti karnero ken kalding ni Jetro a katuganganna a padi ti Midian. Impanna ti arban iti labes ti let-ang ket dimteng idiay Horeb a bantay ti Dios.

Exodo 4:18

Nagawid ni Moises iti balay ni Jetro a katuganganna ket kinunana kenkuana, “Palubosannak koma nga agsubli kadagiti kakabagiak idiay Egipto, ta kitaek no addada pay a biag.” Pinalubosan ni Jetro. “Dios ti kumuyog kenka,” kinuna ni Jetro idi agrubbuat ni Moises.

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Jeremias 33:9

Pagtangsitkonton ti Jerusalem ket isunton ti gubbuayan ti ragsak ken dayawko. Agbuteng ken agkintayegto dagiti amin a nasion ditoy daga a makadamag kadagiti imbag nga ipaayko kadagiti tattao ti Jerusalem ken ti rang-ay nga yegko iti siudad.”

Zacarias 8:23

Kadagita nga aldaw, sangapulo a ganggannaet ti mapan iti maysa a Judio ket kunada, ‘Kayatmi ti sumurot kenka ta nadamagmi nga adda kenka ti Dios.’”

Numero 10:29

Kinuna ni Moises ken ni kayongna a Hobab nga anak ni Jetro a Midianita, “Agrubbuatkami a mapan iti lugar nga inkari ti Apo nga ited kadakami. Inkarina a parang-ayen ti Israel, isu a sumurotka kadakami ket ibingayandakanto iti kinabaknangmi.”

Dagiti Aramid 14:27

Idi sumangpetda idiay Antiokia, inurnongda dagiti kamkameng ti iglesia. Sinaritada ti amin nga inaramid ti Dios babaen kadakuada ken no kasano ti pananglukat ti Dios iti dalan tapno mamati dagiti Hentil.

Dagiti Aramid 15:12

Nagulimek ti entero a taripnong. Dimngegda kada Bernabe ken Pablo a nagipadamag kadagiti pagilasinan ken milagro nga inaramid ti Dios kadagiti Hentil babaen kadakuada.

Taga-Roma 15:18

Agturedak ket sawek laeng ti inaramid ni Cristo, ta inaramatnak a mangidalan kadagiti Hentil tapno agtulnogda iti Dios, babaen iti sao ken iti aramid,

Josue 2:10

Nadamagmi a pinagmagana ti Nalabaga a Baybay iti sangoananyo idi rummuarkay idiay Egipto. Nadamagmi ti panangpapatayyo kadagiti dua nga ari dagiti Amorreo iti dayaen ti Jordan, da Sihon ken Og.

Josue 9:9

Kastoy ti imbagada kenkuana: “Apo, naggapukam iti nakaad-adayo a daga ta nadamagmi ti maipapan iti Apo a Diosyo. Nadamagmi amin nga inaramidna idiay Egipto.

Uk-ukom 1:16

Pimmanaw dagiti kaputotan ti Kineo a katugangan ni Moises ken dagiti tattao ti Juda idiay Jerico a siudad ti palma. Napanda idiay let-ang ti Juda nga abagatan ti Arad ket nakipagnaedda kadagiti Amalekita.

Uk-ukom 4:11

Kabayatanna, binangon ni Heber a Kineo ti toldana iti asideg ti Kedes, iti asideg ti kayo a lugo idiay Zaananim. Simmina kadagiti dadduma a Kineo a kaputotan ni Hobab a katugangan ni Moises.