Exodo 17:6 - Ti Baro a Naimbag a Damag Biblia

⁶ Agtakderakto iti imatangyo iti bato iti Bantay Horeb. Ibautmo ti sarukodmo iti bato ket agpussuakto iti danum nga inumen dagiti tattao.” Kasta ti inaramid ni Moises iti imatang dagiti pangulo ti Israel.

Ti Biblia (1973)

⁶ Adtoy, addaacto iti sangoanam idiay iti rabaw ti bato sadi Horeb; ket ibaotmonto iti bato, ket rumuarto idiay ti danum, tapno uminum dagiti tattao. Ket ni Moises inaramidna ti casta iti imatang dagiti lallacay ti Israel.

Exodo 17:6 Iomraidhean Croise

Nehemias 9:15

“Idi mabisinda, inikkam ida iti tinapay a naggaput' langit. Idi mawawda, inikkam ida iti danum a naggapu iti bato. Imbagam kadakuada nga iturayanda ti daga, ti daga nga inkarim nga ited kadakuada.

Dagiti Salmo 105:41

Pinagrengngatna ti bato, ket pimsuak ti danum, kasla karayan a nagayus idiay let-ang.

Dagiti Salmo 114:8

Pinagbalinna a dan-aw dagiti kabatoan, ken pinagubbogna dagiti mulinaw a bato.

Dagiti Salmo 46:4

Adda karayan a mangted rag-o iti siudad ti Dios, iti nasantoan a pagtaengan ti Kangatoan.

Dagiti Salmo 74:15

Pinagpussuakmo dagiti ubbog ken waig; pinagmagam dagiti dadakkel a karayan.

Dagiti Salmo 78:18

Inggagarada a sinuot ti anus ti Dios babaen iti panagdawatda iti taraon a magustoanda.

Dagiti Salmo 78:20

Agpayso a dinugsolna ti dakkel a bato ket pimsuak ti danum a nagayus a kasla karayan. Ngem maikkannatayo ngata iti tinapay ken karne?”

Dagiti Salmo 81:7

Idi adda rigatmo, immawagka kaniak ket inlisika; manipud gurruod a paglemlemmengak, sinungbatanka, sinuotka idi addaka iti ubbog ti Meriba.

Exodo 14:16

Ilayatmo ta sarukodmo iti baybay. Mabingayto ti danumna tapno mabalin dagiti Israelita ti magna iti namaga a daga.

Exodo 16:10

Idi madama a kasasao ni Aaron dagiti tattao, timmaliawda iti let-ang ket pagammoan nagparang ti dayag ni Yahweh iti ulep.

Isaias 48:21

Idi indalan ti Apo dagiti tattaona iti napudot ken natikag a let-ang, saanda a nagsagaba iti waw. Pinagrengngatna ti bato ket pimsuak ti danum tapno adda inumenda. Wen, pinagrengngatna ti bato, ket pimsuak ti danum.

Numero 20:8

“Alaem ti sarukod iti sango ti Lakasa ti Tulag ket kalpasanna, ayabanyo ken ni Aaron ti entero a gimong. Iti imatangda amin, agsaoka iti dayta a bato ket pumsuak ti danum nga agpaay kadakuada ken dagiti animalda.”

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

1 Taga-Corinto 10:4

Imminumda amin iti maymaysa a naespirituan a danum. Imminumda manipud iti naespirituan a bato a kimmuykuyog kadakuada. Ni Cristo dayta a bato.

Deuteronomio 1:2

No magna ti maysa a tao iti katurturodan ti Edom, sangapulo ket maysa nga aldaw a pagnaenna manipud Bantay Sinai agingga iti Kades Barnea.)

Deuteronomio 8:15

Indalannakayo iti dayta nalawa ken nakabutbuteng a let-ang nga umok dagiti nagita nga uleg ken manggagama. Natikag ken awan danum ti daga, ngem pinagpussuakna ti dakkel a bato tapno adda danum nga inumenyo.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.