Exodo 17:12 - Ti Baro a Naimbag a Damag Biblia

¹² Idi maktangan dagiti takiag ni Moises, nangala da Aaron ken Hur iti bato sada inkabil a nagtugawanna idinto a nagsinsinanda nga impangato dagiti imana. Iniggamanda dagiti imana agingga a limnek ti init.

Ti Biblia (1973)

¹² Ngem dagiti im-ima ni Moises nakettangda idi; ket nangalada iti maysa a bato, ket incabilda iti babaena, ket isu ti nagtugawanna; ket da Aaron ken ni Hur nagsumbangirda nga am-ampayagenda dagiti im-imana; ket dagiti im-imana sikikiredda idi agingga iti ilelennec ti init.

Exodo 17:12 Iomraidhean Croise

Dagiti Salmo 35:3

Isaganam ti gayang ken wasaymo, ket sarangtem dagiti kumamat kaniak! Ikarim kaniak nga isalakannak.

Exodo 17:11

No nakangato dagiti takiag ni Moises, mangab-abak dagiti Israelita, ngem no ibabana, dagiti met Amalekita ti mangab-abak.

Exodo 17:13

Kastoy ti panangparmek ni Josue kadagiti Amalekita.

Exodo 24:14

Kinuna ni Moises kadagiti panglakayen, “Urayendakami ditoy agingga nga agsublikami. Mabati da Aaron ken Hur. Isuda ti papanan ti siasinoman nga adda parikutna.”

Isaias 35:3

Papigsaenyo dagiti nabannog nga ima, patibkerenyo dagiti agkutukot a tumeng.

2 Taga-Corinto 1:11

Isut' gapuna a tulongandakami met babaen iti panangikararagyo kadakami. Ngarud, kayatna a sawen a masungbatanto dagiti adu a kararag nga agpaay kadakami ket bendisionannakaminto ti Dios. Adunto ti agyaman kenkuana gapu kadagiti parabur a maited kadakami.

Taga-Efeso 6:18

Agkararagkayo bayat ti panangaramidyo kadagitoy ket iti panagkararagyo, dawatenyo a tulongannakayo ti Dios. Aniaman nga aramidenyo, agkararagkayo kas idalan ti Espiritu. Gapu iti daytoy, agsalukagkayo ket dikayo maupay. Kanayon nga idawdawatanyo dagiti amin a tattao ti Dios.

Taga-Filipos 1:19

ta ammok a mawayawayaanakto babaen kadagiti kararagyo ken iti tulong ti Espiritu ni Jesu-Cristo.

Taga-Colosas 4:2

Diyo sardayan ti agkararag a sisasalukag ket agyamankayo iti Dios.

1 Taga-Tesalonica 5:25

Kakabsat, ikarkararagandakami met.

Hebreo 12:12

Ingatoyo ngarud dagiti naktang nga imayo! Papigsaenyo dagiti nakapsut a tumengyo!

Santiago 1:6

Ngem no agkararagkayo, nasken a mamatikayo ket dikay agduadua. Ti siasinoman nga agduadua, mayarig iti allon ti taaw a yalla-alla ti angin.