Exodo 16:23 - Ti Baro a Naimbag a Damag Biblia

²³ Kinuna ni Moises kadakuada, “Kuna ti Apo a nasantoan nga aldaw a panaginana inton bigat. Naidaton daytoy kenkuana. Imbilinna a lutoenyo ti kayatyo a lutoen—yorno wenno ipaburekyo. Idulinyo ti teddayo para iti sumuno a bigat.”

Ti Biblia (1973)

²³ Ket isu kinunana cadacuada, Daytoy ti imbaga ni Jehova, Intono bigat isu ti nadaeg a panaginana, maysa nga nasantoan nga aldaw ti panaginana ken Jehova: Yhornoyo ti yhornoyonto, ket ipaburecyo ti ipaburecyonto; ket amin a matda a suroc, tarimaanenyo a maipaay cadacayo tapno maidulin agingga iti bigat.

Exodo 16:23 Iomraidhean Croise

Nehemias 9:13

Manipud langit, bimmabaka, napanka idiay Bantay Sinai ket sadiay nakisaoka kadagiti tattaom. Inikkam ida kadagiti naimbag a linteg ken nasayaat a pannursuro.

Nehemias 9:14

Imbagam a ngilinenda ti Aldaw a Panaginana. Intedmo kadakuada dagiti lintegmo babaen ken ni adipenmo a Moises.

Exodo 16:19

Kinuna ni Moises kadakuada, “Awan ti agidulin iti tinapay nga agpaay iti sumuno nga aldaw.”

Exodo 23:12

“Innem nga aldaw nga agtrabahokayo, ngem aginanakayo iti maikapito nga aldaw tapno makainana dagiti tagabu ken ganggannaet nga agtartrabaho kadakayo, kasta met dagiti baka ken asnoyo.

Exodo 31:15

Agtrabahokayo iti innem nga aldaw, ngem naisangsangayan ti maikapito, ta naidaton kaniak. Mapapatay ti siasinoman nga agtrabaho iti dayta nga aldaw.

Jeremias 17:22

Dida met mangiruar iti aniaman manipud kadagiti balayda iti Aldaw a Panaginana. Saanda nga agtrabaho iti Aldaw a Panaginana. Masapul a ngilinenda daytoy nga aldaw ta nasagradoan kas imbilinko kadagidi kapuonanda.

Levitico 23:3

Innem nga aldaw nga agtrabahokayo ngem laglagipenyo nga iti maikapito ket Aldaw a Panaginana. Dikay agtrabaho iti dayta nga aldaw ngem aguummongkayo nga agdaydayaw. Kukua ti Apo ti Aldaw a Panaginana uray sadino ti pagnaedanyo.

Numero 11:7

Mayarig ti mana iti babassit a bukel. Puraw a dumuyaw ti kolorna.

Numero 11:8

No agtinnag ti linnaaw iti kampo iti rabii, agtinnag met dagiti mana. Iti bigat, rummuar dagiti tattao ket agurnongda iti mana. Gilingen wenno baywenda agingga nga agbalin nga arina nga aramidenda a bibingka. Kasla tinapay a nalaokan iti lana ti olibo ti ramanna.)

San Lucas 23:56

Kalpasanna, nagawidda ket insaganada dagiti bangbanglo ken sapsapo nga agpaay iti bangkay. Ket iti Aldaw a Panaginana, naginanada kas sagudayen ti Linteg.

Deuteronomio 5:12

“‘Ngilinenyo ti Aldaw a Panaginana ket pagbalinenyo a nasantoan a kas imbilinko kadakayo—siak ni Yahweh a Diosyo.

Paltiing 1:10

Iti aldaw ti Apo, addaak iti pannakabalin ti Espiritu ket nangngegko iti likudak ti maysa a napigsa a timek a kasla uni ti trumpeta.