Exodo 16:15 - Ti Baro a Naimbag a Damag Biblia

¹⁵ Idi makita dagiti Israelita, dida ammo no ania dagitoy ket nagsisinnaludsodda, “Ania dagitoy?” “Daytoy ti taraonyo nga inted ti Apo,” kinuna ni Moises kadakuada.

Ti Biblia (1973)

¹⁵ Ket idi dagiti annac ti Israel nakitada daydiay, kinunada iti maysa ken maysa cadacuada, Ania daytoy? ta dida ammo idi no ania daydi. Ket ni Moises kinunana cadacuada, Daytoy ti tinapay a canen nga ited ni Jehova cadacayo.

Exodo 16:15 Iomraidhean Croise

Nehemias 9:15

“Idi mabisinda, inikkam ida iti tinapay a naggaput' langit. Idi mawawda, inikkam ida iti danum a naggapu iti bato. Imbagam kadakuada nga iturayanda ti daga, ti daga nga inkarim nga ited kadakuada.

Nehemias 9:20

Naimbagka ket imbagam dagiti masapul nga aramidenda. Pinakanmo ida iti mana, ket inikkam ida iti danum nga ininumda.

Dagiti Salmo 105:40

Nagdawatda ket pinataudna dagiti tukling, inikkanna ida iti nawadwad a tinapay manipud langit.

Dagiti Salmo 78:24

Pinagtudona kadakuada iti mana a kanenda, wen, ti mana a nagtaud sadi langit.

Exodo 16:31

Mana ti impanagan dagiti Israelita iti dayta a taraon. Mayarig iti bassit a bukel a puraw ket kasla kankanen nga adda dirona.

Exodo 16:33

Kinuna ni Moises ken ni Aaron, “Mangalaka iti putik. Kargaam iti maysa a kasukat iti mana samo ikabil iti sango ti Apo ket maidulin tapno makitanto dagiti kaputotanyo.”

Exodo 16:4

Kinuna ni Yahweh ken ni Moises, “Pagtudoekto iti taraon nga agpaay kadakayo amin. Masapul a rummuar dagiti tattao nga agurnong iti umdas a kanenda iti tunggal aldaw. Kastoy ti panangsuotko kadakuada no tungpalenda met laeng dagiti bilinko.

Dagiti Proverbio 9:5

“Umaykayo, kanenyo ti taraonko ket inumenyo ti tinemplak nga arak.

Numero 21:5

ket nagsaoda iti maibusor iti Dios ken ni Moises. Inreklamoda, “Apay nga impanawnakami idiay Egipto? Tapno patayennakam iti daytoy a let-ang nga awan ti taraon wenno danum? Maumakamin iti kastoy a kanen nga awan serserbina!”

San Lucas 12:30

Ta dagitoy ti pakaringgoran dagiti pagano ditoy lubong. Ammo ni Amayo a masapulyo dagitoy.

San Juan 6:49

Nangan dagiti kapuonanyo iti mana idiay let-ang, ngem natayda met laeng.

San Juan 6:58

Daytoy ti tinapay a naggapu sadi langit: Saan a kas iti tinapay a kinnan idi dagiti kapuonanyo ta natayda met laeng kalpasanna. Ti mangan iti daytoy a tinapay, agbiagto nga agnanayon.”

1 Taga-Corinto 10:3

Nanganda amin iti maymaysa a naespirituan a tinapay.

Deuteronomio 8:16

Iti let-ang, tinaraonannakayo iti mana, maysa a kita ti taraon a dipay naramramanan dagidi kapuonanyo. Pinagsagabanakayo tapno suotennakayo, ket iti kasta, iti kamaudianna, paraburannakayo iti agkakaimbag a banag.

Deuteronomio 8:3

Pinagbisinnakayo, sanakayo met la inikkan iti mana, maysa a taraon a diyo pay naramramanan uray dagidi kapuonanyo. Inaramidna daytoy tapno masursuroyo a saan la a tinapay ti pagbiag ti tao no di pay ket dagiti amin a sao ti Dios.

Hebreo 9:4

Ditoy ti ayan ti balitok nga altar a pagpuoran iti insenso ken ti lakasa ti tulag a nakalupkopan iti balitok. Ti lakasa ti nakaikabilan ti balitok a banga a nakaikargaan ti mana, ti nagsaringit a sarukod ni Aaron ken dagiti dua a tapi ti bato a nakaisuratan dagiti bilin.

Josue 5:12

Nagsardeng idin a nagtinnag ti mana. Awanen ti mana ket manipud iti dayta a tawen, ti apit ti Canaan ti paggapuan ti kanenda.

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”