Exodo 16:10 - Ti Baro a Naimbag a Damag Biblia

¹⁰ Idi madama a kasasao ni Aaron dagiti tattao, timmaliawda iti let-ang ket pagammoan nagparang ti dayag ni Yahweh iti ulep.

Ti Biblia (1973)

¹⁰ Ket naaramid nga idi nga agsasaon ni Aaron iti amin a gimong dagiti annac ti Israel, kimmitada iti agpalet-ang, ket, adtoy, ti dayag ni Jehova nagparang iti ulep.

Exodo 16:10 Iomraidhean Croise

Exodo 16:11

Kinuna ni Yahweh ken ni Moises,

Exodo 16:7

Inton agsapa no bigat, makitayonto ti dayag ti Apo. Nangngegna ti panagsaoyo iti maibusor kenkuana. Wen, isu ti nagsaoanyo iti dakes ta ipatpatungpalmi laeng dagiti bilinna.”

Exodo 24:16

Bimmaba iti rabaw ti bantay ti makapurar a lawag a mangipakdaar iti kaadda ni Yahweh. Iti panagkita dagiti Israelita, ti lawag ket kasla apuy a gumilgil-ayab iti tapaw ti bantay. Innem nga aldaw a kinumotan ti ulep ti bantay. Iti maikapito nga aldaw, manipud iti ulep, inawagan ni Yahweh ni Moises.

Levitico 9:23

Simrek da Moises ken Aaron iti Tolda ti Dios. Idi rummuarda, binendisionanda dagiti tattao ket nagparang ti makapurar a lawag a mangipakita iti kaadda ni Yahweh.

Levitico 9:6

Kinuna ni Moises, “Imbilin ti Apo nga aramidenyo amin daytoy tapno agparang kadakayo ti makapurar a lawag a pakakitaan ti kaaddana.”

Numero 14:10

Ranta dagiti tattao a batoen ida agingga a matayda, ngem pagammoan, nakitada ti makapurar a lawag ti dayag ni Yahweh iti ngatoen ti Tolda ti Dios.

Numero 16:19

Kalpasanna, inummong ni Kora ti entero a gimong ket nagtakderda a sisasango kada Moises ken Aaron iti ruangan ti Tolda. Pagammoan, nakita ti entero a gimong ti makapurar a lawag a mangipakita iti kaadda ti Apo.

Numero 16:42

Nagmaymaysada a bumusor kada Moises ken Aaron, ngem idi kumitada iti Tolda ti Dios, naimatanganda ti ulep a nangkumot iti Tolda ket timpuar ti makapurar a lawag a mangipakita iti dayag ni Yahweh.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”