Exodo 15:5 - Ti Baro a Naimbag a Damag Biblia

⁵ Iti adalem a baybay nalmesda, limnedda a kas bato iti lansadna.

Ti Biblia (1973)

⁵ Dagiti caadalman ti baybay lapunusenda ida: Nagpababada a cas la maysa a bato cadagiti tucoc.

Exodo 15:5 Iomraidhean Croise

Nehemias 9:11

Nangaramidka iti pagnaan dagiti tattaom iti baybay, ket indalanmo ida iti namaga a daga. Ngem inlemmesmo dagiti mangkamkamat kadakuada, batbato a limned iti nadawel a baybay ti arigda.

Dagiti Salmo 106:11

Nalmes dagiti kabusorda a kumamkamat, awan ti siasinoman kadakuada ti nakalasat.

Exodo 14:28

Nagsubli ti danum ket nalapunos dagiti lugan, dagiti nagkabalio a soldadona ken amin nga armada ti ari a simmurot kadagiti Israelita iti baybay. Awan ti uray maysa kadakuada a nakalasat.

Exodo 15:10

Ngem iti maysa la a pug-awmo, Apo, nalmes dagiti Egipcio; kasda la buli a limned iti nakabutbuteng a danum.

Exodo 15:16

Buteng ken alliaw ti manglengnges kadakuada. Gapu iti kasta unay a pigsam, O Apo, kasda la bato a di makakuti, agingga a makalasat dagiti tattaom nga inispalmo iti pannakatagabuda.

Dagiti Proverbio 8:24

Addaakon idi awan pay dagiti taaw, idi awan pay dagiti ubbog.

Ezekiel 27:34

Ita, narbakan iti taaw; limnedkan agraman dagiti tagilakom ken amin a tattaom.’

Jonas 2:2

“Iti rigatko, O Apo, immawagak kenka, ket impangagnak. Immasugak manipud iti tukot ti lubong dagiti natay, ket nangngegmo ti timekko.

Mikias 7:19

Kaasiannakami manen. Payatpayatem dagiti basolmi ket ipanmo ida iti lansad ti taaw.

San Mateo 18:6

“No adda siasinoman a pakaigapuan ti panagbasol ti maysa kadagitoy nga ubbing a mamati kaniak, nasaysayaat koma a maigalut ti dakkel a gilingan a bato iti tengnged dayta a tao sa mailemmes iti taaw.

Paltiing 18:21

Kalpasanna, nangala ti maysa a mannakabalin nga anghel iti bato a kas iti kadakkel ti gilingan ket impurruakna iti baybay a kunkunana: “Kastoyto ti nakaam-amak a pannakatnag ti Babilonia nga agdindinamag a siudad, ket saanton a makita uray kaanoman.