Exodo 15:26 - Ti Baro a Naimbag a Damag Biblia

²⁶ Kinunana kadakuada, “No ipangagyo a sipupudno ti ibagak, ni Yahweh a Diosyo, ket aramidenyo ti ibilangko a nalinteg, saankayto a dusaen iti uray ania a sakit nga impalak-amko kadagiti Egipcio. Siak ni Yahweh a mamaimbag kadakayo.”

Ti Biblia (1973)

²⁶ Ket kinunana, No ipangagmonto a sipapasnec ti timec ni Jehova a Diosmo, ket aramidemto ti nalinteg iti imatangna, ket imdengamto dagiti bilbilinna, ket salimetmetamto amin dagiti al-alagadenna awanto ti iccabilco kenca cadagiti sakit nga incabilco cadagiti Egipcios: ta siac ni Jehova a mamaimbag kenca.

Exodo 15:26 Iomraidhean Croise

1 Ar-ari 11:33

Aramidek daytoy ta linaksidnak ni Solomon. Nagdaydayaw ken ni Astarte a diosa ti Sidon, ni Kemos a dios ti Moab, ken ni Molec a dios ti Ammon. Sinukirnak ni Solomon. Nagaramid iti dakes ket saanna a tinungpal dagiti bilin ken linteg a kas ken ni amana a David.

1 Ar-ari 11:38

No tungpalennak iti amin a pusom, no annurotem dagiti lintegko iti panagbiagmo ket magun-odmo ti panagtalekko kenka babaen iti panangtungpalmo kadagiti bilinko a kas ken ni David nga adipenko, kanayonto nga addaak kenka. Wen, isaadka nga ari ti Israel ket ipanamnamak nga addanto latta kaputotam a sumaruno kenka nga agturay a kas iti inaramidko ken ni David.

2 Ar-ari 2:21

Napan iti ubbog a paggapuan ti danum ti siudad, impurruakna ti asin iti danum sana kinuna, “Kastoy ti sao ti Apo: ‘Dalusak daytoy a danum tapno saanen a mangyeg iti patay wenno mangregreg iti sikog.’”

2 Ar-ari 20:5

nga agsubli iti ari a mangituray kadagiti tattao ni Yahweh, ket ibagana kenkuana, “Siak, ni Yahweh a Dios ni David a kapuonam, nangngegko ti kararagmo ket nakitak dagiti luam. Paimbagenka ket tallo nga aldaw manipud ita, inka iti Templo.

2 Ar-ari 22:2

Nalinteg iti imatang ni Yahweh ti inar-aramid ni Josias. Tinuladna ni Ari David a kapuonanna—napasnek ti panangtungpalna kadagiti amin a linteg ti Dios.

Ti Libro ni Job 5:18

Bedbedan ti Dios ti sinugatna; agasanna met laeng ti dinunorna.

Dagiti Salmo 103:3

Pakawanenna ti amin a basolko, paimbagenna ti amin a sakitko.

Dagiti Salmo 147:3

Dagiti naupay, paragsakenna, ket bedbedanna dagiti sugatda.

Dagiti Salmo 81:9

Awanto ti sabali a dios iti nagtengngaanyo, wen, saankayto nga agrukbab iti sabali a dios.

Exodo 12:29

Iti tengnga ti rabii, pinapatay ni Yahweh dagiti amin nga inauna nga annak a lallaki iti Egipto manipud iti anak ti ari nga agtawid iti trono agingga iti anak ti balud; napapatay met amin nga inauna nga annak dagiti animal.

Exodo 19:5

Ita, no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok,

Exodo 19:6

tattao a naikonsagrar nga agpaay laeng kaniak ket agserbikayonto kaniak a kas papadi.”

Exodo 20:2

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 23:25

No agdaydayawkayo kaniak, ni Yahweh a Diosyo, ikkankayo iti makan ken danum ken ilisikayo kadagiti amin a kita ti sakit.

Isaias 55:3

“Ipangagdak ita, dakay a tattaok, ket umaykayo kaniak; umaykayo ket maaddaankayto iti biag. Makitulagak kadakayo iti agnanayon a tulag, ket itedkonto kadakayo dagiti bendision nga inkarik ken ni David.

Isaias 57:18

“Nakitak dagiti aramidda ngem paimbagekto ida. Idalan ken tulongakto ida ket liwliwaekto dagiti agladladingit.

Jeremias 11:7

Idi iruarko dagiti kapuonanda idiay Egipto, sipapasnekak a nangballaag kadakuada, ket agpapan ita, balballaagak pay laeng dagiti tattao.

Jeremias 17:24

“Ibagam kadagitoy a tattao a masapul a tungpalenda ti amin a bilinko. Awan koma ti awitenda nga iruar iti ruangan ti siudad iti Aldaw a Panaginana. Ngilinenda daytoy nga aldaw, ket masapul a dida agtrabaho.

Jeremias 30:17

Paimbagenkayto manen, paimbagekto dagiti sugatyo, uray kuna dagiti kabusoryo, ‘Nabaybay-anen ti Sion, awanen ti mangikankano kenkuana.’ Siak, ni Yahweh, ti nagsao iti daytoy.”

Jeremias 33:6

Ngem agasakto daytoy a siudad ken dagiti tattaona ket nasalun-atdanto manen. Iparangarangkonto kadakuada ti nabuslon a kappia ken kinatalged.

Jeremias 7:23

Ngem imbilinko kadakuada nga agtulnogda kaniak tapno siak ti Diosda ket isuda dagiti tattaok. Imbagak met kadakuada nga annurotenda ti panagbiag nga imbilinko tapno rumang-ayda.

Jeremias 8:22

Awan kadin ti agas idiay Galaad? Awan kadin ti mangngagas sadiay? Apay a saan a napaimbag dagiti tattaok?

Ezekiel 18:5

“Kas pangarigan adda tao a pudno a naimbag, nalinteg ken napudno.

Oseas 11:3

Siak ti nangisuro iti Israel a magna; inub-ubbak dagiti tattaok kadagiti takkiagko. Ngem dida bigbigen a siak ti nangtaripato kadakuada.

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

Levitico 26:13

Siak, ni Yahweh a Diosyo, ti nangiruar kadakayo idiay Egipto tapno saankayon a matagabu. Inikkatko ti sangol a nangimameg kadakayo, isu a mabalinyo ti magna nga awan ti kabainyo.”

Levitico 26:3

“No annurotenyo dagiti lintegko ken tungpalenyo dagiti bilinko,

Numero 12:13

Iti kasta, immawag ni Moises ken ni Yahweh ket kinunana, “O Dios, paimbagem kadi ni Miriam.”

Deuteronomio 12:25

No diyo sidaen ti dara, rumang-aykayto kasta met dagiti kaputotanyo, ta rumbeng ti aramidyo iti imatang ti Apo.

Deuteronomio 12:28

Tungpalenyo ti amin nga imbilinko kadakayo tapno kanayonto a narang-aykayo agraman dagiti kaputotanyo, gapu ta aramidenyo ti naimbag ken nasayaat iti imatang ti Apo a Diosyo.”

Deuteronomio 13:18

Kasta ti aramidenna no tungpalenyo dagiti amin a bilin nga intedko kadakayo ita nga aldaw ket aramidenyo ti pagayatanna.”

Deuteronomio 28:27

Pagbusaliennakayto ti Apo a kas iti impalak-amna kadagiti taga-Egipto. Malapunoskayto iti gaddil. Agkuradkayto ket agkudkodkayo ngem awanto ti agasna.

Deuteronomio 28:58

“Tungpalenyo a sipapasnek ti amin a pannursuro ti Dios a naisurat iti daytoy a libro. Raemenyo ti nakaskasdaaw ken nakabutbuteng a nagan ti Apo a Diosyo.

Deuteronomio 28:60

Yegnanto manen dagiti amin a sakit a kinabutbutengyo idi idiay Egipto, ket dikayto maimbagan.

Deuteronomio 32:39

“‘Sisiak laeng ti Dios; awanen ti sabali a pudno a Dios. Pumatayak ket mangtedak iti biag, mangsugatak ket siak met laeng ti mangpaimbag; awan ti makalapped iti aramidek.

Deuteronomio 5:1

Inummong ni Moises dagiti amin nga Israelita ket kinunana kadakuada, “Tattao ti Israel, denggenyo dagiti amin a linteg nga ipakaammok kadakayo ita nga aldaw. Adalenyo ida ket kitaenyo a tungpalenyo ida a tungpalen.

Deuteronomio 7:15

Ilisinakayto ti Apo iti amin a sakit. Dinanto yeg kadakayo ti uray ania kadagiti nakabutbuteng a sakit a kas iti linak-amyo idiay Egipto ngem idissuornanto ida amin kadagiti kabusoryo.