Exodo 15:25 - Ti Baro a Naimbag a Damag Biblia

²⁵ Sipapasnek ni Moises a nagkararag ken ni Yahweh ket impakita ni Yahweh kenkuana ti maysa a sanga. Innala ni Moises ti sanga sana impurruak iti ubbog ket nagbalin a mainum ti danumna. Sadiay ti nangsuotan ni Yahweh kadakuada, ket inikkanna ida iti maysa a linteg ken di agbaliw nga alagaden.

Ti Biblia (1973)

²⁵ Ket isu immaoag ken Jehova; ket ni Jehova impatuldona kencuana ti maysa a cayo, ket intappuacna cadagiti dandanum, ket dagiti dandanum simmam-itda. Idiay nagaramid iti maipaay cadacuada iti maysa nga alagaden ken maysa a nagbilinan, ket idiay sinuutna ida;

Exodo 15:25 Iomraidhean Croise

2 Ar-ari 2:21

Napan iti ubbog a paggapuan ti danum ti siudad, impurruakna ti asin iti danum sana kinuna, “Kastoy ti sao ti Apo: ‘Dalusak daytoy a danum tapno saanen a mangyeg iti patay wenno mangregreg iti sikog.’”

2 Ar-ari 4:41

Nagpaala ni Eliseo iti bellaay, inwarakiwakna iti dungdong ket kinunana, “Mangidasarka manen iti agpaay kadakuada.” Saanen a makasabidong ti dinengdeng.

2 Ar-ari 6:6

“Nakatnaganna?” sinaludsod ni Eliseo. Intudo ti lalaki ti nakatnagan ti wasay. Nangputed ni Eliseo iti bassit a sanga sana impurruak iti danum. Timpaw ti ulo ti wasay.

Dagiti Salmo 50:15

No umay ti riribuk, awagannak; ispalenkanto ket idaydayawnakto.”

Dagiti Salmo 66:10

O Dios, sinuotnakami; ginugorannakami kas iti pirak.

Dagiti Salmo 81:7

Idi adda rigatmo, immawagka kaniak ket inlisika; manipud gurruod a paglemlemmengak, sinungbatanka, sinuotka idi addaka iti ubbog ti Meriba.

Dagiti Salmo 91:15

No umawagda kaniak, ipangagkonto ida, addaakto kadakuada iti tiempo ti riribukda. Ispalekto ida; wen, padayawakto ida.

Dagiti Salmo 99:6

Da Moises ken Aaron dagiti papadina, ken ni Samuel ti nagkararag kenkuana; immawagda kenkuana ket impangagna ida.

Exodo 14:10

Idi makita dagiti Israelita ti ari ken ti armadana a kumamkamat kadakuada, kasta unay ti butengda ket immawagda ken ni Yahweh.

Exodo 16:4

Kinuna ni Yahweh ken ni Moises, “Pagtudoekto iti taraon nga agpaay kadakayo amin. Masapul a rummuar dagiti tattao nga agurnong iti umdas a kanenda iti tunggal aldaw. Kastoy ti panangsuotko kadakuada no tungpalenda met laeng dagiti bilinko.

Exodo 17:4

Immawag ni Moises ken ni Yahweh. Kinunana, “Ania ti aramidek kadagitoy a tattao? Kayatdakon a batoen.”

Exodo 20:20

“Dikay agbuteng,” kinuna ni Moises. “Immaynakayo la suoten ti Dios tapno kanayon a tungpalenyo ti saona ket dikay agbasol.”

Dagiti Proverbio 17:3

Magugoran ti balitok ken pirak babaen iti apuy, kas iti panangsuot ni Yahweh iti puso ti tao.

Jeremias 15:1

Kinuna ti Apo kaniak, “Uray no da Moises ken Samuel ti agparintumeng, diak kaasian dagitoy a tattao. Papanawem ida; diak kayat a makita ida.

Jeremias 9:7

Daytoy ti gapuna a kuna ni Yahweh a Mannakabalin-amin, “Gugorakto dagiti tattaok ket suotekto ida. Nagbasol dagiti tattaok, ania pay ti mabalinko nga aramiden kadakuada?

Ezekiel 47:7

ket idi dumtengak sadiay, nakitak ti nakaad-adu a kayo iti agsumbangir.

Ezekiel 47:8

Kinunana kaniak, “Agayus daytoy a danum iti daga nga agturong iti daya ket agtarus iti Tanap ti Jordan ken iti Natay a Baybay. Inton dumanon iti Natay a Baybay, pasayaatenna ti raman ti danum.

1 Taga-Corinto 1:18

Ta kadagiti mapukaw, kinamaag ti mensahe maipapan iti pannakatay ni Cristo iti krus. Ngem kadatayo a maisalakan, daytoy ti pannakabalin ti Dios.

Deuteronomio 13:3

diyo ipangpangag dayta a tao. Susuotennakayo la ti Apo a Diosyo tapno maammoanna no ay-ayatenyo met laeng ti Apo iti amin a pusoyo.

Deuteronomio 8:16

Iti let-ang, tinaraonannakayo iti mana, maysa a kita ti taraon a dipay naramramanan dagidi kapuonanyo. Pinagsagabanakayo tapno suotennakayo, ket iti kasta, iti kamaudianna, paraburannakayo iti agkakaimbag a banag.

Deuteronomio 8:2

Lagipenyo ti panangidalan ti Apo a Diosyo kadakayo iti nabayag a panagdaliasatyo iti let-ang iti uneg ti 40 a tawen. Sinuotnakayo tapno maammoanna no ania ti adda iti pusoyo ken no tungpalenyo dagiti bilinna.

Uk-ukom 2:22

Usarekto ida tapno maammoak no tungpalen dagiti Israelita ti bilinko a kas iti panagtungpal dagidi kapuonanda.”

Uk-ukom 3:1

Pinalubosan ni Yahweh nga agtalinaed iti daga ti sumagmamano a nasion a mangsuot kadagiti Israelita nga awan pay padasda kadagiti gubat idiay Canaan.

Uk-ukom 3:4

Dagitoy a nasion ti nabati a mangsuot iti Israel tapno maammoan no tungpalen met laeng dagiti Israelita dagiti bilin ni Yahweh a naited kadagiti kapuonanda babaen ken ni Moises.