Exodo 15:21 - Ti Baro a Naimbag a Damag Biblia

²¹ Kinantaan ida ni Miriam: “Kantaanyo ti Apo gapu iti nadayag a balligina; inlemmesna iti baybay dagiti kabalio agraman dagiti nagsakay.”

Ti Biblia (1973)

²¹ Ket ni Miriam simmungbat cadacuada, Cantaanyo ni Jehova, ta isu nagballigi a sidadayag; Ti cabayo ken simmacay intappuacna iti baybay.

Exodo 15:21 Iomraidhean Croise

2 Samuel 1:20

Diyo iwaragawag daytoy idiay Gat wenno ipakaammo kadagiti kalsada ti Askelon. Diyo pagragsaken dagiti babbai a Filisteo, isuda nga annak dagiti pagano.

2 Samuel 6:14

Nagbarikes ni David iti linen nga efod ket nagsala iti amin a kabaelanna a kas pammadayawna ken ni Yahweh.

Dagiti Salmo 76:6

Idi nakapungtotka, O Dios ni Jacob, napasag dagiti kabalio ken dagiti nagsakay.

Exodo 15:1

Kinanta ni Moises ken dagiti Israelita daytoy a kanta kas pammadayaw ken ni Yahweh: “Kantaak ti Apo gapu iti nadayag a balligina; inlemmesna iti baybay dagiti kabalio ken dagiti nagsakay.

Exodo 15:4

“Intappuakna iti baybay ti armada ken luglugan a pakigubat ti Egipto; nalmes dagiti kalaingan nga ofisialesna iti Nalabaga a Baybay.

Paltiing 14:3

Nakasango dagiti 144,000 iti trono, kadagiti uppat a sibibiag a parsua ken kadagiti panglakayen. Agkankantada iti baro a kanta nga awan ti makasursuro malaksid laeng kadakuada a nasubbot ditoy daga.

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Uk-ukom 5:3

Dakayo nga ari, dumngegkayo! Dakayo nga agtuturay, denggenyo! Kantaak ken tokarak ti Apo, ti Dios dagiti Israelita.

1 Samuel 18:6

Kalpasan ti panangpatay ni David ken ni Goliat, nagawid ni Ari Saul ken dagiti tattaona. Tunggal ili a malabasanda, sabten ida dagiti babbai nga agsasala ken agkakanta bayat ti panagtokarda kadagiti pandereta ken lira.

1 Samuel 18:7

Kastoy ti ikankantada: “Rinibu ti pinatay ni Saul, ngem pinullo ribu ti pinatay ni David.”