Exodo 15:16 - Ti Baro a Naimbag a Damag Biblia

¹⁶ Buteng ken alliaw ti manglengnges kadakuada. Gapu iti kasta unay a pigsam, O Apo, kasda la bato a di makakuti, agingga a makalasat dagiti tattaom nga inispalmo iti pannakatagabuda.

Ti Biblia (1973)

¹⁶ Kigtot ken amac agdissuor cadacuada; Gapu iti kinadackel ti tackiagmo naulimecda a cas bato; Agingga ti pannacalasat ti ilim, O Jehova, Agingga ti pannacalasat ti ili a ginatangmo.

Exodo 15:16 Iomraidhean Croise

Genesis 35:5

Idi pumanawda, kasta unay ti buteng dagiti tattao kadagiti kabangibang nga ili ket awan ti nakaitured a nangdarup kadakuada.

2 Samuel 7:23

Awanen ti sabali a nasion ditoy rabaw ti daga a kas iti Israel nga inispalmo iti pannakaadipen tapno pagbalinem ida a tattaom. Nagsaknap ti kinalatakmo iti entero a lubong gapu kadagiti naindaklan ken nakaskasdaaw a banag nga inaramidmo kadakuada. Pinagtalawmo dagiti sabali a nasion ken dagiti didiosenda idi sumangpet dagiti tattaom, isuda a winayawayaam idiay Egipto tapno agbalinda a kukuam.

Dagiti Salmo 105:38

Kasta unay ti buteng dagiti Egipcio kadakuada, ket naragsakanda idi pumanaw dagiti Israelita.

Dagiti Salmo 74:2

Laglagipem dagiti tattaom a pinilim idi un-unana, dagiti sinubbotmo nga agbalin a kukua. Laglagipem ti Bantay Sion a taengmo.

Dagiti Salmo 89:14

Nabangon ti pagariam iti kinalinteg ken kinahustisia; iti amin nga aramidmo, makita ti ayat ken kinapudnom.

Exodo 11:7

Ngem awanto ti uray aso a mangtaul kadagiti Israelita wenno animalda tapno maammoanyo a dusaek dagiti Egipcio idinto a bendisionak dagiti Israelita.’”

Exodo 15:13

Napudnoka iti karim, idalanmo dagiti inispalmo a tattao; babaen iti pigsam iturongmo ida iti nasantoan a taengmo.

Exodo 15:5

Iti adalem a baybay nalmesda, limnedda a kas bato iti lansadna.

Exodo 15:6

“Napigsa ken mannakabalinka, O Apo; ta makannawan nga imam winarawarana dagiti kabusormo.

Exodo 18:8

Imbaga ni Moises ken ni Jetro ti amin nga inaramid ni Yahweh iti ari ken iti amin nga Egipcio tapno ispalenna dagiti Israelita. Imbagana met kenkuana ti rigat a naglasatan dagiti tattao iti dalan ken no kasano ti panangilasat ni Yahweh kadakuada.

Exodo 20:2

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 23:20

“Ibaonko ti maysa nga anghel nga umun-una ngem dakayo tapno salaknibannakayo iti panagdaliasatyo ken ipannakayo iti lugar nga insaganak.

Exodo 23:22

Ngem no ipangagyo ket aramidenyo ti amin nga ibagak, gubatek dagiti amin a kabusoryo.

Exodo 23:27

“Gapu iti aramidek, agbutengto kaniak dagiti amin a bumusor kadakayo ket kiburekto dagiti kagubatyo. Pagsanudekto amin a kabusoryo ket itarayandakayto.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Isaias 51:10

Sika pay ti nangpamaga iti taaw, ket nangaramidka iti dalan nga aglasat iti danum tapno makaballasiw dagiti tattao nga insalakanmo.

Isaias 63:12

Ayan ti Apo a nangaramat iti pannakabalinna ket nagaramid kadagiti naindaklan a banag babaen iti panangaramatna ken ni Moises? Biningayna ti danum ti baybay iti imatang dagiti tattaona tapno maidaydayaw iti agnanayon.”

Jeremias 31:11

Winayawayaak dagiti Israelita, ket inispalko ida iti pannakabalin ti napigsa a nasion.

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

Deuteronomio 11:25

Awanto ti makabael a manglapped kadakayo; kabutengdakayto dagiti tattao iti sadinoman a daga a papananyo, kas inkari kadakayo ti Apo a Diosyo.

Deuteronomio 2:25

Manipud ita nga aldaw, pagbutngek dagiti tattao iti amin a lugar kadakayo. Agtigergerto ti tunggal maysa iti butengna a makangngeg iti naganyo.’

Deuteronomio 2:4

Imbagana kaniak nga itedko kadakayo dagitoy a bilin: ‘Dandanikayon lumasat iti katurturodan a pagilian ti Edom, ti sakup dagiti adayo a kabagianyo, dagiti kaputotan ni Esau. Agbutengdanto kadakayo ngem

Deuteronomio 32:6

Kastoy kadi ti panangsubadyo iti Apo, dakayo a maag ken awan nakemna a tattao? Isu ti amayo ken namarsua kadakayo! Isu ti namagbalin kadakayo a nasion!

Deuteronomio 32:9

ngem pinilina dagiti kaputotan ni Jacob nga agpaay kenkuana.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Josue 2:9

ket kinunana kadakuada: “Ammok nga inted ti Apo daytoy a daga kadakayo; ket mabuteng amin a tattao iti pagilian kadakayo.

Josue 4:24

Gapu itoy, maammoanto ti amin a tao ditoy daga no kasano ti kadakkel ti pannakabalin ti Apo ket agnanayon nga agbutengkayto iti Apo a Diosyo.”

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

1 Samuel 2:9

“Salaknibanna ti biag dagiti napudno a tattaona, ngem mapukaw ti managdakdakes iti kasipngetan; saan nga agballigi ti tao babaen iti bukodna a pigsa.

1 Samuel 25:37

Idi maunawanen ni Nabal, imbaga ni Abigail ti amin kenkuana. Naatake ni Nabal iti puso ket naparalitiko a namimpinsan.