Exodo 15:11 - Ti Baro a Naimbag a Damag Biblia

¹¹ “Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Ti Biblia (1973)

¹¹ Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Exodo 15:11 Iomraidhean Croise

2 Samuel 7:22

Natan-okka, O Apo Dios. Awan ti kas kenka. Awan pay ti sabali a Dios a nadamagmi no di laeng sika.

1 Ar-ari 8:23

ket inkararagna: “O Apo a Dios ti Israel, awan ti Dios a kas kenka sadi langit wenno ditoy daga! Tungpalem ti katulagan kadagiti tattaom. Ipakitam ti di agbalbaliw nga ayatmo kadagiti agtulnog kenka iti amin a pusoda.

1 Cronicas 16:25

Naindaklan ti Apo, ket masapul nga idaydayawtayo; ad-adda nga isu ti kabutengtayo ngem ti siasinoman a didiosen.

2 Cronicas 2:5

Dakkel a templo ti rantak a bangonen, ta natantan-ok ti Diosmi ngem dagiti amin a didiosen.

2 Cronicas 6:14

Inkararagna: “O Apo a Dios ti Israel, awan ti Dios a kas kenka, sadi langit wenno ditoy daga. Napudnoka iti pannakitulagmo kadagiti tattaom ket ipakitam kadakuada ti panagayatmo no agbiagda a natulnog kenka iti amin a puso ken riknada.

Dagiti Salmo 113:5

Awan ti kas iti Apo a Diostayo. Agnaed iti nangato a disso, a mangtannawag kadagiti langit ken ti daga.

Dagiti Salmo 119:120

Agtigtigergerak gapu iti amakko kenka, ket kabutengko dagiti pangngeddengmo.

Dagiti Salmo 136:4

Isu laeng ti makaaramid kadagiti naindaklan a milagro; agnanayon ti di agbaliw nga ayatna.

Dagiti Salmo 145:17

Nalinteg ti Apo iti amin a dalanna ken naasi iti amin nga aramidna.

Dagiti Salmo 22:23

“Dakayo nga adipen ti Apo, agdaydayawkayo kenkuana; dakay a kaputotan ni Jacob, itan-okyo; dakay a tattao iti Israel, agrukbabkayo kenkuana.

Dagiti Salmo 35:10

Iti amin a pusok, kunakto iti Apo, “Awanen ti kas kenka! Salaknibam dagiti nakapuy iti ranggas dagiti napigsa. Salaknibam met dagiti napanglaw ken nakakaasi iti ulpit dagiti mangidadanes!”

Dagiti Salmo 60:2

Pinaggingginedmo ti daga, ket nagrengngat; agasam dagiti sugatna tapno umimbag!

Dagiti Salmo 66:5

Umayyo kitaen dagiti inaramid ti Dios; nakaskasdaaw dagiti gapuananna iti imatang dagiti tattao.

Dagiti Salmo 77:11

Dagiti aramidmo, O Apo, laglagipekto ida, wen, dagiti impakitam a milagro idi un-unana.

Dagiti Salmo 77:14

Sika ti Dios nga agaramid kadagiti milagro; impakitam kadagiti nasion ti bilegmo.

Dagiti Salmo 77:19

Nagnaka iti baybay; ti adalem a taaw binallasiwmo, ngem saan a makita dagiti tugotmo.

Dagiti Salmo 86:10

Mannakabalinka, ket nakaskasdaaw dagiti aramidmo; siksika laeng ti Dios, awanen sabali.

Dagiti Salmo 86:8

Awan ti dios a kas kenka, O Apo, awan ti makaaramid iti maaramidmo.

Dagiti Salmo 89:18

Sika ti nangpili iti mangsalaknib kadakami; sika a Santo ti Israel ti nangted iti arimi.

Dagiti Salmo 90:11

Siasino ti nakarikna iti naan-anay a bileg ti pungtotmo? Siasino ti makaammo iti buteng a yeg ti ungetmo?

Exodo 18:11

Ita, ammokon a nabilbileg ti Apo ngem dagiti amin a didiosen gapu iti panangispalna kadagiti Israelita iti kinaranggas dagiti Egipcio.”

Exodo 20:3

“Dika agdaydayaw iti sabali a dios no di laeng siak.

Exodo 3:20

Ngem usarekto ti pannakabalinko ket dusaekto ti Egipto; nakabutbutengto dagiti aramidek sadiay. Kalpasan dayta, palubosannakayton.

Exodo 8:10

“Inton bigat,” insungbat ti ari. Kinuna ni Moises, “Matungpal ti kiddawmo tapno maammoam nga awan ti kapada ti Apo a Diosmi.

Exodo 8:6

Kasta ti inaramid ni Aaron iti sarukodna kadagiti dandanum ti Egipto. Simmang-at dagiti tukak ket nagsaknapda iti entero a pagilian.

Exodo 9:14

Ta itan, saan laeng nga isu ti dusaek no di pay ket dagiti ofisialesna ken dagiti tattao iti sakupna tapno maammoanna nga awan ti kapadak iti entero a lubong.

Isaias 30:11

Aglisikayo ket didakami bibiangan. Dimi kayat a denggen ti sasaoyo maipapan iti ‘Nasantoan a Dios ti Israel.’”

Isaias 40:18

Siasino ti pakaipadaan ti Dios? Mabalinmo kadi nga iladawan ti langana?

Isaias 40:25

Siasino ti pakaipadaan ti Nasantoan a Dios? Adda kadi umasping kenkuana?

Isaias 46:9

Laglagipenyo dagiti napasamak idi un-unana; bigbigenyo a siak laeng ti Dios, ket awan ti sabali a kas kaniak.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 6:3

Ipukpukkawda iti tunggal maysa: “Santo, santo, santo! Nasantoan ti Apo a Mannakabalin-amin! Napno ti lubong iti dayagna.”

Jeremias 10:16

Saan a kasta ti Dios ni Jacob. Isu ti nangaramid iti amin a banag; pinilina dagiti Israelita a tattaona. Yahweh a Mannakabalin-amin ti naganna.

Jeremias 49:19

Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti Edomita ket agtataraydanto a mangpanaw iti dagada. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Levitico 19:2

nga ibagana daytoy iti sangkagimongan ti Israel, “Agbalinkayo a nasantoan agsipud ta nasantoan ni Yahweh a Diosyo.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

San Lucas 12:5

Ipakaammok kadakayo ti rumbeng a pagbutngan: Agbutengkayo iti Dios nga adda pannakabalinna a mangitappuak iti bagi idiay infierno kalpasan ti panangpapatayna. Wen, patiendak, isu ti pagbutnganyo!

Deuteronomio 1:30

Idalannakayto ti Apo a Diosyo. Isunto ti makigubat kas iti nakitayo nga inaramidna idiay Egipto.

Deuteronomio 3:24

‘Apo Dios,’ inkararagko, ‘rinugiamon nga impakita kaniak dagiti naindaklan ken nakaskasdaaw a banag nga aramidmo. Awan dios iti langit wenno iti daga a makaaramid kadagiti nakaskasdaaw a banag nga inaramidmo!

Deuteronomio 33:26

Dakayo nga Israelita, awan ti Dios a kas iti Diosyo, sidadayag nga aglasat iti langit, lasatenna dagiti ulep nga umay tumulong kadakayo.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.

Paltiing 13:4

Nagdaydayaw dagiti amin a tattao iti dragon gapu ta intedna ti turayna iti animal. Nagdaydayawda met iti animal. “Siasino ti kas iti narungsot nga animal?” kinunada. “Siasino ti makabael a makirupak kenkuana?”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

1 Samuel 2:2

“Awan ti nasantoan a kas iti Apo; awan ti kas kenkuana; awan ti bato a kas iti Diostayo.