Exodo 14:5 - Ti Baro a Naimbag a Damag Biblia

⁵ Idi naibaga iti ari ti Egipto a nakapanawen dagiti Israelita, nagbaliw ti panunotna, kasta met dagiti ofisialesna ket kinunada, “Ania daytoy nga inaramidtayo? Impalubostayo a pumanaw dagiti Israelita ket ita, awandan a tagabutayo!”

Ti Biblia (1973)

⁵ Ket nayammo idi ari sadi Egipto a nagtalaw dagiti tattao; ket ti puso ni Faraon ken dagiti ad-adipenna nagbaliw maipapan cadagiti tattao, ket kinunada, Ania daytoy nga inaramidtayo, binayantayo a pimmanao ti Israel iti panagservina cadatayo?

Exodo 14:5 Iomraidhean Croise

Genesis 31:22

Tallo nga aldaw kalpasanna, naipadamag ken ni Laban a naglibas ni Jacob.

Dagiti Salmo 105:25

Pinataudna ti gura dagiti Egipcio kadagiti tattaona, ket sinikapanda dagiti adipenna.

Exodo 12:33

Dinagdag dagiti Egipcio a pumanaw dagiti Israelita iti pagilian. “Mataykam amin no dikay pumanaw,” kinunada.

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 14:6

Pinaisagana ti ari ti luganna a pakigubat ken ti armadana.

Exodo 15:9

‘Kamatentay ida. Tiliwentay ida,’ kinuna ti kabusor. ‘Bingayentayo ti kinabaknangda ket alaentayo ti amin a kayattayo; asutentayo ti kampilantayo, ket alaentayo amin nga adda kadakuada.’