Exodo 14:4 - Ti Baro a Naimbag a Damag Biblia

⁴ Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Ti Biblia (1973)

⁴ Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Exodo 14:4 Iomraidhean Croise

Nehemias 9:10

Nakaskasdaaw dagiti milagro nga inaramidmo a maibusor iti ari ti Egipto, kasta met kadagiti ofisialesna, ken dagiti tattao iti pagilianna. Ammom ngamin ti panangidadanesda kadagiti tattaom. Nagun-odmo idi ti dayaw, wen, ti dayaw nga adda pay laeng kenka ita.

Exodo 10:2

Inaramidko dagitoy a milagro tapno masaritamto kadagiti annakmo ken appokom no kasano ti panamagbalinko a maag dagiti Egipcio ket iti kasta, maammoanyonto amin a siak ni Yahweh.”

Exodo 10:27

Pinatangken ni Yahweh ti puso ti ari ket dina impalubos a pumanaw dagiti Israelita.

Exodo 12:28

Kalpasanna, napanda inaramid ti imbilin ni Yahweh kada Moises ken Aaron.

Exodo 14:23

Kinamat ida dagiti Egipcio ken dagiti amin a kabalio ti ari, dagiti lugan ken dagiti nagkabalio a soldadona. Sinurotda ida iti baybay.

Exodo 14:25

Tiningalanna ti pilid dagiti luganda ket narigat ti panaggunayda. Kinuna dagiti Egipcio, “Ti Apo ti kagubgubattayo, saan a dagiti Israelita. Pumanawtayo ditoy!”

Exodo 14:3

Ipagarupto ti ari ti Egipto a nayaw-awanda ket napupokda iti let-ang.

Exodo 14:5

Idi naibaga iti ari ti Egipto a nakapanawen dagiti Israelita, nagbaliw ti panunotna, kasta met dagiti ofisialesna ket kinunada, “Ania daytoy nga inaramidtayo? Impalubostayo a pumanaw dagiti Israelita ket ita, awandan a tagabutayo!”

Exodo 14:8

Pinatangken ni Yahweh ti puso ti ari ket kinamatna dagiti Israelita a pumampanaw a sibaballigi.

Exodo 18:11

Ita, ammokon a nabilbileg ti Apo ngem dagiti amin a didiosen gapu iti panangispalna kadagiti Israelita iti kinaranggas dagiti Egipcio.”

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Exodo 7:17

Ibagam nga imbagak a maammoannanto a siak ni Yahweh babaen iti parnuayenna a didigra. Ibagamto kenkuana a yablatmonto ti sarukod iti danum ti karayan; agbalinto a dara ti danum.

Exodo 7:3

Ngem patangkenekto ti puso ti ari, ket dinakayto denggen uray no mano ti nakabutbuteng a banag ti aramidek idiay Egipto. Kalpasanna, idissuorkonto ti nadagsen a dusa iti Egipto ket iruarkonto dagiti tribu dagiti tattaok iti dayta a daga.

Exodo 7:5

Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Exodo 9:16

Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Ezekiel 20:9

Ngem diak inaramid daytoy, ta diak kayat a madadael ti naganko; ngamin, imbagak kadagiti Israelita iti imatang dagiti tattao a pakipagnaedanda, nga iruarko ida iti Egipto.

Ezekiel 28:22

Ibagam kadagiti tattao sadiay a siak nga Apo a Dios, kastoy ti kunak: ‘Sidon, siak ti kabusormo. Idaydayawdakto dagiti tattao gapu iti aramidek kenka. Kalpasan ti panangdusak kadagiti agnaed kenka, maammoandanto a siak ti Apo ken no kasano ti kinasantok.

Ezekiel 32:15

Inton paglangalangek ti Egipto ket ikisapko ti amin nga agnaed sadiay, maammoandanto a siak ni Yahweh.

Ezekiel 38:16

Rautemto dagiti tattaok nga Israelita; kaskanto la bagio nga aglasat iti daga. Inton dumteng dayta a tiempo, ibaonkanto a mangsakup iti dagak tapno maiparangarang kadagiti nasion no siasinoak ken tapno maipakita ti kinasantok iti panangaramatko kenka.

Ezekiel 38:23

Kastoyto ti panangipakitak kadagiti amin a nasion ti kinatan-ok ken kinasantok. Ket maammoandanton a siak ni Yahweh.”

Ezekiel 39:13

Tumulongto amin a tattao iti pagilian nga agitabon kadakuada. Mapadayawandanto gapu iti daytoy iti aldaw ti panagballigik.” Daytoy ti sao ti Apo a Dios.

Levitico 10:3

Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Taga-Roma 11:8

Kas kuna ti Nasantoan a Surat, “Pinatangken ti Dios ti puso ken isipda. Agpapan ita, saanda a makakita wenno makangngeg.”

Taga-Roma 9:17

Ta kuna ti Nasantoan a Surat iti Faraon nga ari ti Egipto, “Pinagbalinka nga ari tapno sika ti mangipakita iti pannakabalinko ken mangipakaammo iti naganko iti entero a lubong.”

Taga-Roma 9:18

No kasta ngarud, kaasian ti Dios ti kayatna a kaasian, ket patangkenenna ti ulo ti kayatna a patangkenen.

Josue 11:20

Ta ni Yahweh ti akinnakem iti panagpingetda a makiranget kadagiti Israelita tapno madadaelda a mamimpinsan ket mapapatayda amin nga awan asi. Daytoy ti imbilin ni Yahweh ken ni Moises.

Uk-ukom 4:7

Ibaonkonto idiay Karayan Kison ni Sisera a pangulo ti armada ni Jabin tapno makiranget kenka. Addanto luglugan a pakigubat ken soldadona, ngem agballigikanto a mangparmek kenkuana.’”