Exodo 14:11 - Ti Baro a Naimbag a Damag Biblia

¹¹ Kinunada ken ni Moises, “Apay pay laeng nga inyegnakami a matay ditoy let-ang? Awan aya ti pagitaneman idiay Egipto? Kitaem ti nagbanagan ti panangiruarmo kadakami iti Egipto!

Ti Biblia (1973)

¹¹ Ket kinunada ken Moises, Gapu ta awan dagiti pagitaneman sadi Egipto, innalanacami aya tapno mataycami iti let-ang? Apayapay nga incastoynacami nga impanawnacami sadi Egipto?

Exodo 14:11 Iomraidhean Croise

Genesis 43:6

Kinuna ni Israel, “Apay nga inikkandak iti parikut? Apay nga imbagayo pay laeng nga adda pay sabali a kabsatyo?”

Exodo 13:17

Idi pinalubosan ti ari ti Egipto a pumanaw dagiti Israelita, saan nga inturong ti Dios ida iti dalan iti igid ti baybay nga agpa-Filistia, nupay as-asideg a pagnaenda. Kinuna ti Dios, “Diak kayat nga agbabawi dagiti tattao ket agsublida idiay Egipto inton maammoanda a masapul a makigubatda.”

Exodo 32:1

Nabayag ni Moises iti bantay. Gapu ta di met la sumalogen, napan dagiti tattao ken ni Aaron ket kinunada kenkuana, “Saanmi nga ammo ti napasamak iti dayta a Moises a nangiruar kadakami idiay Egipto. Yaramidannakami ngarud iti dios a mangidalan kadakami.”

Exodo 5:21

Kinunada kadagiti dua, “Nakita ti Apo ti inaramidyo ket dusaennakayo koma ta dakayo ti gapuna a guraennakami ti ari ken dagiti ofisialesna. Inikkanyo ida iti pambaran a mangpatay kadakami.”

Exodo 5:22

Kimmamang manen ni Moises ken ni Yahweh ket kinunana, “Apo, apay a parparigatem dagiti tattaom? Apay nga imbaonnak ditoy?

Numero 11:1

Rinugian dagiti tattao ti agreklamo ken ni Yahweh gapu iti rigat a naglasatanda. Idi mangngeg ni Yahweh ti asugda, nakapungtot ket indissuorna ti apuy kadagiti tattao. Rimsua ti uram iti ayanda ket dinadaelna ti maysa a pungto ti kampo.

Numero 11:15

No kastoy ti pamay-am kaniak, nasaysayaat laengen a patayennak tapno diakon agsagaba iti kinadagsen daytoy a pagrebbengan.”

Numero 14:22

nga awan kadagitoy a tattao ti makastrek iti dayta a daga. Nakitada ti makapurar a lawag ti dayagko ken dagiti milagro nga inaramidko idiay Egipto ken idiay let-ang, ngem namin-adu a sinuotda ti anusko, ket dida nagtulnog kaniak.

Numero 16:41

Iti sumuno nga aldaw, nagsaosao manen ti entero a gimong iti maibusor kada Moises ken Aaron. Kinunada, “Pinapatayyo ti sumagmamano a tattao ti Apo.”