Exodo 14:10 - Ti Baro a Naimbag a Damag Biblia

¹⁰ Idi makita dagiti Israelita ti ari ken ti armadana a kumamkamat kadakuada, kasta unay ti butengda ket immawagda ken ni Yahweh.

Ti Biblia (1973)

¹⁰ Ket idi a ni Faraon nacaasideg, dagiti annac ti Israel intangadda dagiti matada, ket adtoy a dagiti Egipcios cumamcamacamda idi cadacuada; ket nagbutengda iti casta unay: ket dagiti annac ti Israel inawaganda ni Jehova.

Exodo 14:10 Iomraidhean Croise

2 Cronicas 18:31

Ngarud, idi makitada ni Ari Jehosafat, impagarupda amin nga isu ti ari ti Israel ket nagmaymaysada a nangdarup kenkuana. Ngem nagpukkaw ni Jehosafat ket inispal ni Yahweh a Dios idi yadayona kadagiti mannakigubat a nangdarup kenkuana.

Nehemias 9:9

“Nakitam ti panagsagaba dagiti kapuonanmi idiay Egipto; nangngegmo ti panagpatulongda idi addada idiay Baybay a Nalabaga.

Dagiti Salmo 106:44

Nupay kasta, impangag ni Yahweh ti asugda, ket tinalliawna ti pakarigatanda.

Dagiti Salmo 107:13

Immawagda iti Apo idi marigatanda, ket inispalna ida iti pakarigatanda.

Dagiti Salmo 107:19

Immawagda iti Apo idi marigatanda, ket inispalna ida iti narikut a kasasaadda.

Dagiti Salmo 107:28

Immawagda iti Apo idi marigatanda, ket inispalna ida iti narikut a kasasaadda.

Dagiti Salmo 107:6

Immawagda iti Apo idi marigatanda, ket inispalna ida iti narikut a kasasaadda.

Dagiti Salmo 34:17

Umawag dagiti nalinteg iti Apo ket ipangagna ida; tulonganna ida kadagiti amin a pakarigatanda.

Dagiti Salmo 53:5

Ngem napalalo ti panagbutengda; saan pay a napasamak ti kastoy kadakuada! Ngamin, iwarawaranto ti Dios dagiti tultulang ti kabusor ti ilina. Nailaksidda isut' gapuna a parmeken ti Israel ida.

Dagiti Salmo 81:7

Idi adda rigatmo, immawagka kaniak ket inlisika; manipud gurruod a paglemlemmengak, sinungbatanka, sinuotka idi addaka iti ubbog ti Meriba.

Exodo 13:17

Idi pinalubosan ti ari ti Egipto a pumanaw dagiti Israelita, saan nga inturong ti Dios ida iti dalan iti igid ti baybay nga agpa-Filistia, nupay as-asideg a pagnaenda. Kinuna ti Dios, “Diak kayat nga agbabawi dagiti tattao ket agsublida idiay Egipto inton maammoanda a masapul a makigubatda.”

Exodo 15:25

Sipapasnek ni Moises a nagkararag ken ni Yahweh ket impakita ni Yahweh kenkuana ti maysa a sanga. Innala ni Moises ti sanga sana impurruak iti ubbog ket nagbalin a mainum ti danumna. Sadiay ti nangsuotan ni Yahweh kadakuada, ket inikkanna ida iti maysa a linteg ken di agbaliw nga alagaden.

Isaias 26:16

Dinusam dagiti tattaom, O Apo, ket idi marigatanda, immasugda kenka.

Isaias 7:2

Idi maipadamag iti ari ti Juda nga addan dagiti armada ti Siria iti sakup ti Israel, kasta unay ti butengna, kasta met amin a tattaona ket nagpigergerda a kas kadagiti kayo a daldalapusen ti angin.

Jeremias 22:23

Nagtalgedka kadagiti sedro a naggapu idiay Libano. Ngem nakakaasikanto inton dumteng ti rigatmo, a kas iti rigat ti agpasikal.

Deuteronomio 9:7

“Diyo liplipatan a pinagpungtotyo ti Apo a Diosyo idiay let-ang. Manipud pimmanawkayo idiay Egipto agingga iti isasangpetyo ditoy, sinuksukiryon ti Apo.

Josue 24:6

inruarko dagiti kapuonanyo idiay Egipto ket kinamat ida dagiti Egipcio a nakasakay kadagiti luglugan a pakigubat ken dagiti mannakigubat a nakakabalio. Idi dumtengda iti Nalabaga a Baybay,

Josue 24:7

immasugda kaniak ket nangikabilak iti sipnget iti nagbabaetanda kadagiti Egipcio. Imbuangko ti danum ti baybay a pinanglemmes kadagiti Egipcio. Ammoyo ti inaramidko iti Egipto. “‘Nabayag a nagnaedkay iti let-ang.

1 Juan 4:18

No adda ayat, awan panagbuteng, ta paksiaten ti naan-anay nga ayat ti amin a panagbuteng. Ngarud, saan pay a naan-anay ti ayat ti siasinoman nga agbuteng, agsipud ta agkuykuyog ti buteng ken ti dusa.